Karen New Year (1)
Karen New Year 1
Karen New Year (2)
Karen New Year 2
Friday, November 18, 2011
ကရင်အမျိုးသားနှစ်သစ်ကူးနေ့နှင့်ကရင်သက္ကရာဇ် (1),(2)
Wednesday, November 16, 2011
ဗိုလ်မှူးစောဘိ၏ DKBA တပ်ဖွဲ့ ကေအဲန်ယူအဖြစ်သာ ရပ်တည်သွားမည်
(ကေအိုင်စီ)
နယ်ခြားစောင့်တပ်မှ ခွဲထွက်ကာ ဒီကေဘီအေအဖြစ် ရပ်တည်ခဲ့သည့် ကရင်ပြည်နယ် မြိုင်ကြီးငူဒေသမှ ဗိုလ်မှူးစောဘိ ဦးစီးသည့်တပ်ဖွဲ့သည် ကရင်အမျိုးသားအစည်းအရုံး(KNU) အဖြစ်သာ ဆက်လက် ရပ်တည်သွားမည်ဟု ယမန်နေ့က ဆွေးနွေးခဲ့ကြသည်။
ကေအဲန်ယူ၏ ထိန်းချုပ်နယ်မြေတနေရာတွင် KNU ဖားအံခရိုင်၊ သထုံခရိုင် ဥက္ကဌများ၊ တပ်မဟာ(၁)နှင့် တပ်မဟာ(၇)မှူးများ နှင့် ဒီကေဘီအေ ဗိုလ်မှူးစောဘိတို့ မနက် ၉နာရီမှစ၍ နှစ်နာရီကြာ တွေ့ဆုံဆွေးနွေးခဲ့ကြရာမှ ဆုံးဖြတ်ခဲ့ကြခြင်းဖြစ်သည်ဟု ကေအဲန်ယူ တပ်မဟာ(၇) ရုံးထိုင်မှူး ဗိုလ်မှူးအယ်ဆဲဆဲက ယခုလို ပြောသည်။
“ဗိုလ်ဘိအနေနဲ့ BGF သို့မဟုတ် DKBA သို့မဟုတ် KNU အဲဒီအနေအထားထဲမှာ ဘယ်လိုရပ်တည်မလဲဆိုတာ အားမနာတမ်း ပွင့်ပွင့်လင်းလင်း ဆွေးနွေးခဲ့ကြတယ်။ ဗိုလ်ဘိကတော့ အစိုးရနဲ့လည်း ပြန်မပေါင်းချင်ဘူး။ ဒီကေဘီအေအနေနဲ့ ရပ်တည်ဖို့က လည်း ဆရာတော်(ဦးသုဇန)ကို အားကိုးလို့ မဖြစ်တော့ဘူး။ ဒါကြောင့် ရှေ့ဆက်ပြီး ကေအဲန်ယူရဲ့ ညွှန်ကြားချက်အောက်မှာပဲ ရပ်တည် လုပ်ဆောင်သွားတော့မယ်လို့ ပြောတယ်။”ဟု ဆိုသည်။
ပြီးခဲ့သည့် သြဂုတ်လ ၁၄ရက်နေ့က ဒီကေဘီအေသည် ၎င်းတို့ထိန်းချုပ်နယ်မြေတွင် တပ်မှူးညီလာခံတစ်ခု ပြုလုပ်ခဲ့ပြီး ဗိုလ်မှူး ချုပ်စောလားပွယ် ဦးစီးသော ဒီကေဘီအေ ကလို့ထူးဘော ဌာနချုပ်အောက်တွင် ဗိုလ်မှူးကျော်သက်နှင့် ဗိုလ်မှူးစောဘိတို့ကို ကလို့ထူးဝါးနှင့် ကလို့ထူးလား ဗျူဟာမှူးများအဖြစ် တာဝန်ပေးအပ်ခဲ့သည်ဟု ဒီကေဘီအေက ထုတ်ဖော်ပြောဆိုခဲ့သည်။
လှိုင်းဘွဲမြို့နယ်၊ မြိုင်ကြီးငူဒေသတွင် အခြေစိုက်ခဲ့သည့် နယ်ခြားစောင့်-BGF (၁၀၁၂) တပ်ရင်းမှူးဖြစ်ခဲ့သူ ဗိုလ်မှူးစောဘိသည် ယခုနှစ် မေလလောက်ကတည်းက အစိုးရကို ပြန်လည် တိုက်ခိုက်ခဲ့ပြီး လက်ရှိအချိန်တွင် ကေအဲန်ယူ တပ်မဟာ(၁)နှင့် တပ်မ ဟာ(၇)ဒေသများတွင် ၎င်း၏တပ်ဖွဲ့ဝင် အင်အား ၁၀၀ကျော်ဖြင့် လှုပ်ရှားလျှက်ရှိသည်။
Photo-KNU (ဒီကေဘီအေ ဗိုလ်မှူးစောဘိနှင့် ကေအဲန်ယူ ခေါင်းဆောင်အချို့၏ မှတ်တမ်းဓာတ်ပုံ)
ယမန်နေ့က ဆွေးနွေးခဲ့ကြသည့်အထဲတွင် ကေအဲန်ယူ တပ်မဟာ(၁)မှူး ဗိုလ်မှူးချုပ်ကျော်လင်း၊ တပ်မဟာ(၇)မှူး ဗိုလ်မှူးချုပ် ဂျော်နီ၊ သထုံခရိုင် ဥက္ကဌ ပဒိုစောပန်းနု၊ ဖားအံခရိုင် ဥက္ကဌ ပဒိုစောအောင်မော်အေးနှင့် ဒီကေဘီအေမှ ဗိုလ်မှူးစောဘိတို့ ပါဝင် ခဲ့ကြသည်။
ဗိုလ်မှူးစောဘိက ၎င်းအနေဖြင့် ကေအဲန်ယူမှ ပေးအပ်သည့် မည်သည့်တာဝန်ကိုမဆို တပ်ခွဲမှူးဖြစ်စေ၊ တပ်ရင်းမှူးဖြစ်စေ လုပ်ဆောင်သွားမည် ဖြစ်ကြောင်း ယမန်နေ့က ဆွေးနွေးချပြ ရှင်းလင်းခဲ့သည်ဟုလည်း သိရသည်။
သို့သော် ကေအဲန်ယူ၏ တပ်ဖက်ဆိုင်ရာ စစ်ရုံးချုပ်က ဗိုလ်မှူးစောဘိအား မည်သည့်တာဝန် ပေးအပ်မည်ကို လောလောဆယ် မသတ်မှတ်ရသေးကြောင်း အမည်မဖော်လိုသူ ကေအဲန်အယ်လ်အေ ထိပ်တန်းအရာရှိတစ်ဦးက ကေအိုင်စီကို ပြောသည်။
လက်ရှိအချိန်တွင် ဗိုလ်မှူးစောဘိက ၎င်း၏တပ်ဖွဲ့ဝင်များကို ပြန်လည်စုစည်းကာ နယ်မြေသတ်မှတ် လှုပ်ရှားရေးအတွက် ဆက်လက် လုပ်ဆောင်သွားမည်ဖြစ်ကြောင်း သိရသည်။
ဒီကေဘီအေ ကလို့ထူးဘောတပ်ဖွဲ့မှ ဗိုလ်မှူးကြီးမိုရှေး ဦးဆောင်သော ငြိမ်းချမ်းရေးဖော်ဆောင်မှုအဖွဲ့သည် ယခုလ ၃ရက် နေ့က ကရင်ပြည်နယ် အစိုးရ၏ ငြိမ်းချမ်းရေးဖော်ဆောင်မှုအဖွဲ့နှင့် အပစ်အခတ်ရပ်စဲရေး သဘောတူ လက်မှတ်ရေးထိုးခဲ့ကြ သော်လည်း အစိုးရအနေဖြင့် ဗိုလ်မှူးစောဘိအဖွဲ့ကိုမူ လက်ခံခြင်းမရှိသေးကြောင်း အတည်မပြုနိုင်သည့် သတင်းများအရ သိရသည်။
စိုက်ပျိုးသီးနှံများ အမြန်ရိတ် သိမ်းပေးရန် အစိုးရတပ် ဖိအားပေး
(ကေအိုင်စီ)
အစိုးရတပ်မတော် တန်းမြင့် လေ့ကျင့်ရေးကျောင်း တည်ဆောက်ရန်အတွက် ကရင်နီပြည်နယ် ဖရူဆိုမြို့နယ်အတွင်း သိမ်း ဆည်းထားသည့် မြေနေရာမှ စိုက်ခင်းများကို အမြန်ဆုံး ရိတ်သိမ်းပေးရန် ဒေသခံ အစိုးရစစ်တပ်မှ ပြောသည်။
စိုက်ပျိုးသီးနှံ ဧက ၃၀ကျော် စိုက်ပျိုးထားသည့် ဒေါလောခူးကျေးရွာတွင် အောက်တိုဘာလ ၁၁ရက်နေ့မှစ၍ ၅ရက်အတွင်း သီးနှံများကို ရိတ်သိမ်းပေးရန် စစ်တပ်မှ ခေါ်ပြောထားကြောင်း ဒေသခံတစ်ဦးက ပြောသည်။
“ဒီအချိန်က သီးနှံတွေ ရိတ်သိမ်းတဲ့အချိန် ဆိုပေမယ့်လည်း တချို့နေရာတွေမှာ ဘာမှမလုပ်ရသေးတာလည်း ရှိတယ်။ ဒီလိုမျိုး အချိန်တိုအတွင်းနဲ့ အမြန်ဆုံး လုပ်ခိုင်းတာကတော့ ဒေသခံတွေ အခက်ကြုံတာပေါ့”ဟု ဒေသခံ အမျိုးသားတဦးက ပြောသည်။
ထိုအသိမ်းခံထားရသည့် စိုက်ပျိုးမြေများကို ဒေသခံများက ယခုနှစ်အတွက် သီးနှံစိုက်ပျိုးခွင့်ပေးရန် တောင်းဆိုထားခြင်းဖြင့် ယခုလို သီးနှံများကို တနှစ်စာ စိုက်ပျိုးနိုင်ခဲ့ခြင်း ဖြစ်သည်။
၂၀၁၁ခုနှစ်၊ ဇန်နဝါရီလခန့်က ဖရူဆိုမြို့၏ အရှေ့တောင်ဘက် ၅မိုင်အကွာရှိ မြို့မအုပ်၊ ကေးလျားအုပ်စုနှင့် မာခရော်ရှေ့အုပ် အစရှိသည့် ကျေးရွာ ၉ရွာမှ ဒေသခံ စိုက်ပျိုးမြေဧက ၂,၇၀၀ခန့်က စစ်တပ်မှ လာရောက် တိုင်းတာထားပြီး မေလခန့်က စတင် သိမ်းဆည်းခဲ့သည်။
စက်တင်ဘာကစပြီး သိမ်းဆည်းထားသည့် မြေနေရာများတွင် ဖရူဆိုအခြေစိုက် အစိုးရတပ်များ လမ်းဖောက်လုပ်ရေး၊ အဆောက်အအုံဆောက်ခြင်း အစရှိသည့် ဆောက်လုပ်ရေးလုပ်ငန်းများ စတင် လုပ်ဆောင်နေပြီးဖြစ်ကြောင်း သိရသည်။
ကရင်နီ ဖွံ့ဖြိုးတိုးတက်ရေး သုတေသနအဖွဲ့မှ တာဝန်ရှိသူ ခူးတော်ရယ်က “ပြီးခဲ့တဲ့လကတည်းက သူတို့(စစ်တပ်)တွေက လုပ်ငန်းတွေ စတင် အကောင်အထည်ဖော်နေတာဖြစ်တယ်၊ အခုလည်း ဒေသခံတွေ စိုက်ထားတဲ့ သီးနှံတွေကို အမြန် ရိတ်သိမ်းခိုင်းနေတော့ သူတို့လုပ်ငန်းတွေ အကောင်အထည်ဖော်ဖို့ပဲ”ဟု ဆိုသည်။
အစိုးတပ်က သိမ်းဆည်းထားသည့် စိုက်ပျိုးမြေများအတွက် နစ်နာကြေးအဖြစ် မြေတဧကလျှင် ကျပ်ငွေ ငါးသောင်းဖြင့် ဒေသ ခံများကို ပေးဆောင်ခဲ့သည်။
စစ်တပ်မှ မြေယာများ လာရောက်တိုင်းတာထားပြီးနောက် ဒေသခံများက သူတို့ပိုင်ဆိုင်သည့် စိုက်ပျိုးမြေများ ပြန်လည်ရရှိရန် စုပေါင်းလက်မှတ်ရေးထိုးကာ ကယားပြည်နယ် ဝန်ကြီးချုပ်ထံ လိပ်မူပြီး ဧပြီလခန့်က ဒေသအာဏာပိုင်များထံမှတဆင့် တိုင်ကြားစာ ပေးပို့ခဲ့သော်လည်း တစုံတရာ ဆောင်ရွက်ပေးခြင်းမရှိပေ။
ထိုဒေသအတွင်း နေထိုင်နေကြသည့် ဒေသခံများသည် စပါး၊ ပြောင်း၊ နှမ်း၊ မြေပဲ အစရှိသည့် စိုက်ပျိုးခြင်းဖြင့် အသက်မွေးဝမ်း ကျောင်းပြုကြသည်။
ဖရူဆိုမြို့နယ်တွင် အစိုးရ ခြေမြန်တပ်ရင်း ခမရ(၅၇၅)နှင့် ခမရ(၅၇၆)တပ်များ လှုပ်ရှားနေပြီး တန်းမြင့်လေ့ကျင့်ရေးကျောင်း တည်ဆောက်မည့် အစီအစဉ် ပေါ်လာပြီးနောက် အစိုးရတပ် ခမရ(၄၂၈) တပ်ရင်းတစ်ရင်း ထပ်တိုးလာခဲ့သည်။
လူငယ်အများစု စိတ်ကြွဆေးကြောင့် စာရိတ္တပျက်စီး
စောသိန်းမြင့် (ကေအိုင်စီ)
ကရင်ပြည်နယ်၊ ကြာအင်းဆိပ်ကြီးမြို့နယ်၊ ခလယ်တံခွန်တိုင် တိုက်နယ်ရှိ လူငယ်လူရွယ် အများစုသည် ယာဘ (ခေါ်) စိတ်ကြွ ဆေးများကို ပိုမို သုံးစွဲမှုကြောင့် အကျင့်စာရိတ္တများ ပျက်စီးလျှက်ရှိသည်ဟု ဒေသခံရွာသားများ၏ ပြောပြချက်အရ သိရသည်။
ခလယ်တံခွန်တိုင်တိုက်နယ်ရှိ တောင်ဒီး၊ ထွီးမောင်ထို၊ ဖားပြ စသည့်ကျေးရွာများရှိ လူငယ်အများစုနှင့် လူလတ်ပိုင်းများမှာ စိတ် ကြွဆေးပြားကို အလွန်အကျွံ သုံးစွဲခဲ့မှုကြောင့် အကျင့်စာရိတ္တများ ပျက်စီးယိုယွင်းလာခဲ့ပြီး ခိုးဆိုး၊ ခိုက်ရန်ဖြစ်ပွားမှုများ မကြာခဏ ဖြစ်ပွားလျှက်ရှိသည်ဟု ခလယ်တံခွန်တိုင် ရွာသားတစ်ဦးက ပြောသည်။
၎င်းက “၁၃-၁၄နှစ်အရွယ်ကလေးတွေကနေ လူကြီးအထိ သုံးတယ်။ အထူးသဖြင့် ခလယ်တံခွန်တိုင်ဘက်မှာပေါ့နော်။ ဆေးသုံးစွဲ ဖို့ ပိုက်ဆံမရှိရင် မိဘဆီကို ပြန်တောင်းတယ်။ တောင်းလို့ မရရင် ခိုးတယ်။ ရန်ပွဲတွေလည်း ခဏခဏပဲ”ဟု ပြောသည်။
ခလယ်တံခွန်တိုင် တိုက်နယ်တွင် လူငယ်လူရွယ်ဦးရေ ၁သောင်းကျော်ရှိသည့်အနက် ထက်ဝက်ကျော်မှာ စိတ်ကြွဆေးပြား သုံးစွဲ နေကြသူများဖြစ်သည်ဟု အမည်မဖော်လိုသည့် အဆိုပါရွာသားက ဆက်ပြောသည်။
စိတ်ကြွဆေး သုံးစွဲနေသူတစ်ဦးက “ဒီကောင်(ဆေး)သုံးရင် စိတ်က အမြဲတမ်း ရွှင်လန်းပေါ့ပါးတက်ကြွတယ်။ ထိုင်းမှိုင်းမှုလည်း မရှိဘူး။ အလုပ်လုပ်ရင် ခံနိုင်ရည်ရှိတယ်။ ထမင်းစားမမြိန်၊ အိပ်မပျော်တာကလွဲရင်ပေါ့”ဟု ပြောသည်။
ထိုဒေသတွင် နေ့စား အလုပ်သမားတစ်ဦး၏ ၀င်ငွေမှာ တရက်လျှင် အများဆုံး ၃,၀၀၀ကျပ်သာရှိပြီး စိတ်ကြွဆေးတစ်ပြားလျှင် မြန်မာငွေကျပ် ၂,၅၀၀မှ ၃,၀၀၀အထိ ဈေးနှုန်းရှိနေသည့်အတွက် မိသားစု စားဝတ်နေရေး အကြပ်အတည်းများနှင့် ရင်ဆိုင်နေရ သည်။
အသက် ၂၄နှစ်အရွယ် စိတ်ကြွဆေး သုံးစွဲနေသူ၏ ဇနီးသည်တစ်ဦးက “အိမ်မှာဖွင့်ထားတဲ့ ဈေးဆိုင်က ရောင်းလို့ရတဲ့ပိုက်ဆံတွေ ဟာ မိသားစုအတွက်တောင်မှ အနိုင်နိုင်ပဲ။ ယောက်ျားက မြင်းဆေးသောက်ဖို့အတွက် ပိုက်ဆံသုံးယူနေတော့ မိဘအမွေတွေ လည်း ကုန်ခါနီးဖြစ်နေပြီ။ ကျမ စိတ်သောက အတော်ရောက်တယ်။ ဖြစ်နိုင်ရင် ဒီဆေးကို ဆက်မသုံးစေချင်ဘူး။”ဟု ပြောသည်။
ယင်းသို့ ခလယ်တံခွန်တိုင် တိုက်နယ်ရှိ လူငယ်လူရွယ်များ စိတ်ကြွဆေး သုံးစွဲမှုများနေသော်လည်း သက်ဆိုင်ရာ အာဏာပိုင်များ က တစုံတရာ ၀င်ရောက်ဖြေရှင်းပေးခြင်း မရှိသလို ကရင်အမျိုးသားအစည်းအရုံး(KNU)ဘက်ကလည်း ထိရောက်သည့် ပိတ်ပင် တားဆီးမှုများ မလုပ်ဆောင်နိုင်ကြောင်း အထက်ပါ ခလယ်တံခွန်တိုင်ရွာသားများက ပြောဆိုနေကြသည်။
၎င်းက “ဒီဆေးသုံးရင် ဖမ်းဆီးမယ်လို့ ကေအဲန်ယူက ပြောတယ်။ ဒါပေမယ့် ခလယ်တံခွန်တိုင်ဘက်မှာ အစိုးရစစ်တပ်၊ နယ်ခြား စောင့်တပ်တပ်ဖွဲ့တွေပဲ ရှိတယ်။ ကေအဲန်ယူတွေ ၀င်လို့မရပါဘူး။ အစိုးရဘက်က မသိသလို နေနေတဲ့အခါကျတော့ အခြေအနေ က တရက်ထက်တရက် ပိုဆိုးလာတယ်”ဟု ပြောသည်။
ဖားပြဂွင်ရှိ ကေအဲန်ယူ သစ်တောဌာန တာဝန်ရှိတစ်ဦးက “အခု သုံးတဲ့လူတွေက ခိုးကြောင်ခိုးဝှက် သုံးတဲ့လူတွေပဲ။ သုံးတာတွေ့ လို့ကတော့ အကုန်လုံး ဖမ်းမှာပဲ။ မြင်းဆေးနဲ့ပတ်သက်လာရင် ငြိမ်းအဖွဲ့လား၊ ဘာအဖွဲ့လား အကုန်လုံးဖမ်းတာပဲ”ဟု ပြောသည်။
ကရင်ပြည်နယ်၊ ကြာအင်းဆိပ်ကြီးနှင့် ကော့ကရိတ်မြို့နယ်များတွင် လွန်ခဲ့သည့် ၂၀၀၀ခုနှစ်ကတည်းက စိတ်ကြွဆေးပြားကို လူငယ်များ စတင် သုံးစွဲလာခဲ့ကြပြီး ယခုအချိန်တွင် သုံးစွဲမှု အခြေအနေမှာ ပိုဆိုးလာခြင်းဖြစ်သည်။ အလားတူ လှိုင်းဘွဲနှင့် ဘား အံမြို့နယ်ဘက်တွင်လည်း လူငယ်အများစုမှာ စိတ်ကြွဆေး သုံးစွဲလျှက်ရှိသည်။
မြန်မာအစိုးရသစ် နှင့်တွ့ဆုံဆွေးနွေးရန် ကေအဲန်ယူ ပြင်ဆင်
စောခါးစူးညား (ကေအိုင်စီ)
မြန်မာအစိုးရသစ်၏ ဗဟိုအဆင့် ငြိမ်းချမ်းရေးဆွေးနွေးရေးကမ်းလှမ်းမှုကို လက်ခံသောအားဖြင့် ကြိုတင်ပြင်ဆင်မှုများ လုပ်ဆောင်နေသည်ဟု ကရင်အမျိုးသားအစည်းအရုံး-ကေအဲန်ယူက ယနေ့ ပြောကြားလိုက်သည်။
နှစ်ဦးနှစ်ဘက် တွေ့ဆုံဆွေးနွေးမည့် ရက်အတိအကျ သတ်မှတ်ထားခြင်းမရှိသေးသော်လည်း ကေအဲန်ယူဘက်က အစိုးရနှင့် တွေ့ဆုံဆွေးနွေးရန် အဖွဲ့ဝင်ခေါင်းဆောင် ၇ဦးပါဝင်သည့် ငြိမ်းချမ်းရေး ဖော်ဆောင်ရေးကော်မတီကို ပြီးခဲ့သည့်အပတ်က ဖွဲ့စည်းခဲ့ပြီး ဖြစ်သည်။
အဆိုပါ ငြိမ်းချမ်းရေးကော်မတီတွင် ပါဝင်သည့် ကေအဲန်ယူ အထွေထွေအတွင်းရေးမှူးချုပ် နော်စီဖိုးရာစိန်က “ကျမတို့ ကော်မ တီ ဖွဲ့ထားတာက အစိုးရနဲ့ သွားတွေ့ဖို့တော့ မဟုတ်ဘူး။ ကြိုတင်ပြင်ဆင်မှုအနေနဲ့ပါ။ အစိုးရသစ်ဖြစ်ဖြစ်၊ စစ်အစိုးရပဲဖြစ်ဖြစ် နိုင်ငံရေး ပဋိပက္ခကို နိုင်ငံရေးအရ တွေ့ဆုံအဖြေရှာဖို့ဆိုရင် ကေအဲန်ယူကတော့ ပြင်ဆင်မှုလုပ်ထားတယ်။ တံခါးဖွင့်ထား တယ်။”ဟု ကေအိုင်စီသို့ ပြောသည်။
ခေတ်အဆက်ဆက် မြန်မာနိုင်ငံ၏ နိုင်ငံရေး ပဋိပက္ခနှင့် ပတ်သက်၍ ဖြေရှင်းရာတွင် အာဏာရ အစိုးရနှင့် တွေ့ဆုံစကားပြော ရန် ကေအဲန်ယူ ကွန်ဂရက်၏ ဆုံးဖြတ်ချက်အရ မူဝါဒများ ချမှတ်ထားရှိပြီးသားဖြစ်သည်ဟု သူမက ဆက်လက် ပြောဆိုသည်။
ထို့အပြင် ကေအဲန်ယူသည် ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ-UNFC ၏ အဖွဲ့ဝင်လည်း ဖြစ်သည့်အ တွက် အစိုးရနှင့် တွေ့ဆုံပါက တနိုင်ငံလုံးအတိုင်းအတာဖြင့် တိုင်းရင်းသားလက်နက်ကိုင်အဖွဲ့များ အပစ်ခတ်ရပ်စဲရေးဖြစ်ရန် အရေးကြီးသကဲ့သို့ နိုင်ငံရေး ပဋိပက္ခကို နိုင်ငံရေးနည်းဖြင့် အဖြေရှာကြရန် ဆွေးနွေးမည်ဟု ကေအဲန်ယူဘက်က ပြောသည်။
လက်တလော အခြေအနေအရ မြန်မာအစိုးရသစ်သည် တွေ့ဆုံဆွေးနွေးရေး ဖြစ်မြောက်ရေးအတွက် ကေအဲန်ယူအား ပုံမှန် အဆက်အသွယ် လုပ်နေသည်ဟု သိရသည်။
တဆက်တည်းပင် မြန်မာအစိုးရသစ်သည် တိုးတက်သော ဗုဒ္ဓဘာသာ ကရင်အမျိုးသားတပ်မတော်-ဒီကေဘီအေနှင့် နှစ်ကြိမ် တွေ့ဆုံဆွေးနွေးမှုပြုလုပ်ကာ ယခုလ နိုဝင်ဘာလ ၃ရက်နေ့က ယာယီ ပစ်ခတ်ရပ်စဲရေး အပါအ၀င် အချက် ၅ချက်ပါသည့် နှစ်ဘက် သဘောတူညီချက်တစ်ခုကို လက်မှတ်ရေးထိုးခဲ့ကြသည်။
ထိုသဘောတူညီချက်နှင့် ပတ်သက်၍ နော်စီဖိုးရာစိန်က “တကယ်ဆိုရင် ဒီကေဘီအေဟာ ကေအဲန်ယူနဲ့ ပြန်လာပူးပေါင်းတာ နားလည်မှု ရနေပြီ။ ဒီလိုအခြေအနေမှာ သူတို့(အစိုးရ)က ခွဲပြီး တွေ့ဆုံဆွေးနွေးမှုလုပ်တာမျိုးတော့ မဖြစ်သင့်ဘူး။ ဒါ ကရင်အ ချင်းချင်း သွေးခွဲတာဖြစ်တယ်။ နိုင်ငံရေးဖြစ်စေ၊ ငြိမ်းချမ်းရေးအတွက်ဖြစ် စကားပြောမယ်ဆိုရင် ကရင်တမျိုးသားအတွက် ဖြစ်ဖို့ လိုတယ်။”ဟု နော်စီဖိုးရာစိန်က ဖြည့်စွက်ပြောဆိုသည်။
ကေအဲန်ယူသည် အစိုးရသစ်နှင့် တွေ့ဆုံရန် ကြိုတင်ပြင်ဆင်သည့်အနေဖြင့် ယခုလ နိုဝင်ဘာလ ၈ရက်နေ့မှ ၁၁ရက်နေ့အထိ အရေးပေါ် အစည်းအဝေးပြုလုပ်ခဲ့ပြီး ငြိမ်းချမ်းဖော်ဆောင်ရေးကော်မတီ ဖွဲ့စည်းခဲ့ခြင်း ဖြစ်သည်။
အဆိုပါ ကော်မတီတွင် ဥက္ကဌအဖြစ် KNU ဒုဥက္ကဌ ပဒိုစောဒေးဗစ်သကဘော၊ ဒုဥက္ကဌအဖြစ် စစ်ဦးစီးချုပ် ဗိုလ်ချုပ်ကြီး မူတူး စေးဖိုး၊ အတွင်းရေးမှူးအဖြစ် ပဒိုစောဒေးဗစ်ထောတို့ဖြစ်ကြပြီး အဖွဲ့ဝင်များအဖြစ် အထွေထွေ အတွင်းရေးမှူးချုပ် နော်စီဖိုးရာ စိန်၊ ကျန်းမာရေးတာဝန်ခံ ဗိုလ်မှူးရောဂျာခင်၊ သစ်တောတာဝန်ခံ ပဒိုစောအားတိုးနှင့် ဖားအံခရိုင် ဥက္ကဌ ပဒိုစောအောင်မော် အေးတို့ ဖြစ်သည်။
ဘုရားသုံးဆူရှိ ဒီကေဘီအေတပ်ဖွဲ့များ လက်နက်ချရန် တောင်းဆိုခံရ
စောသိန်းမြင့် (ကေအိုင်စီ)
Photo-KIC (ဗိုလ်မှူးချုပ်စောလားပွယ်၏ ဒီကေဘီအေ တပ်ဖွဲ့ဝင်တစ်ဦး)
ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူဒေသတွင် လှုပ်ရှားနေသော တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)တပ်ဖွဲ့ဝင်များအား လက်နက်အပ်နှံရန် အစိုးရစစ်တပ်၏ တောင်းဆိုခြင်းခံခဲ့ရသည်ဟု ဒီကေဘီအေဘက်က ပြောသည်။
ပြီးခဲ့သည့် ရက်ပိုင်းက ဘုရားသုံးဆူမြို့ရှိ အစိုးရစစ်တပ် ခလရ(၂၁) တပ်ရင်းမှူး ဒုဗိုလ်မှူးကြီးအောင်ဝင်းခိုင်က ဘုရားသုံးဆူ ဒေသတွင် လှုပ်ရှားနေသည့် ဗိုလ်ကြီးအေ၀မ်း ဦးစီးသော ဒီကေဘီအေ တပ်ခွဲ(၃)မှ တပ်ဖွဲ့ဝင်များအား လက်နက်အပ်နှံပြီး မြို့ တွင်းသို့ ပြန်လည်နေထိုင်ရန် ဒီကေဘီအေ အသိုင်းအ၀ိုင်းနှင့် နီးစပ်သူများထံမှ တောင်းဆိုခြင်းဖြစ်သည်ဟု ဗိုလ်ကြီးအေ၀မ်း က ပြောသည်။
၎င်းက “ဘုရားသုံးဆူနယ်မြေဟာ ဝေါ်လေဒေသနဲ့မတူဘူး ပြောတယ်။ ခင်ဗျားတို့ လက်နက်အပ်ပြီးတော့ မြို့ထဲ ပြန်လာနေ ပါ။ စီးပွားရေး ပြန်လာလုပ်စားပါတဲ့။ ကျနော်ကလည်း ဒီကေဘီအေက ဝေါ်လေဒေသ တစ်ခုတည်း သတ်မှတ်ပြီးတော့ အပစ် အခတ်ရပ်စဲတာ မဟုတ်ဘူး။ ကရင်ပြည်နယ်တခုလုံး အတိုင်းအတာနဲ့လုပ်တာ။ ကျနော်တို့ လက်နက်အပ်နှံဖို့ အပစ်အခတ် ရပ်စဲတာ မဟုတ်ဘူးလို့ ပြန်ပြောခိုင်းလိုက်တယ်။”ဟု ပြောသည်။
ထိုကိစ္စနှင့်ပတ်သက်၍ ဒီကေဘီအေ ဗဟိုအဆင့်သို့ တိုင်ကြားထားကြောင်း အကယ်၍ အစိုးရစစ်တပ်ဘက်မှ ယခုလို ပုံစံအ တိုင်း ခွဲခြားဆက်ဆံမှုများ ဆက်လက် ပြုလုပ်လာပါက ၎င်းတို့အနေဖြင့် စစ်ရေးအရ တုန့်ပြန်ရလိမ့်မည်ဟု ဗိုလ်ကြီးအေ၀မ်းက ကေအိုင်စီကို ပြောသည်။
ဘုရားသုံးဆူဒေသတွင် လှုပ်ရှားနေသည့် တပ်အင်အား ၃၀ကျော်ရှိ ဗိုလ်ကြီးအေ၀မ်း ဦးဆောင်သည့် ဒီကေဘီအေ တပ်ရင်း (၉၀၂) တပ်ခွဲ(၃)သည် လက်ရှိအချိန်တွင် ကေအဲန်အယ်လ်အေ တပ်ဖွဲ့နှင့်အတူ လက်တွဲထားဆဲဖြစ်သည်ဟု ဒီကေဘီအေက ပြောသည်။
ဒီကေဘီအေ ပြည်ပဆက်ဆံရေး တာဝန်ခံ ဗိုလ်မှူးစောလုံ့လုံက “ကျနော်တို့ သွားရောက်တွေ့ဆုံတဲ့ ၀န်ကြီးအဖွဲ့က ရှေ့တန်း တပ်မှူးတပ်သားတွေကို အသိပေး အကြောင်းကြားမှု မရှိသေးတာ ဖြစ်နိုင်တယ်။ ဟိုဖက်ခြမ်းမှာရှိတဲ့ ကျနော်တို့ တပ်ဖွဲ့ဝင်တွေ ကိုလည်း စိတ်ရှည်သီးခံဖို့ ပြောထားသလို ဒီကိစ္စကို အစိုးရဖက်ကိုလည်း ၀င်ရောက်ဖြေရှင်းပေးဖို့ အကြောင်းကြားထားပါ တယ်။ ပြဿနာက ဒီလောက် မကြီးကျယ်လောက်ဘူးလို့ ထင်တာပဲ။”ဟု ပြောသည်။
ဗိုလ်မှူးချုပ်စောလားပွယ် ဦးဆောင်သည့် ဒီကေဘီအေတပ်ဖွဲ့မှ ကိုယ်စားလှယ်အချို့သည် နိုဝင်ဘာလ ၃ရက်နေ့က မြန်မာ အစိုးရ၏ ငြိမ်းချမ်းရေးဖော်ဆောင်မှုအဖွဲ့နှင့် ဘားအံမြို့တွင် တွေ့ဆုံခဲ့ပြီး နှစ်ဘက် အပစ်အခတ်ရပ်စဲရေးအတွက် သဘောတူ လက်မှတ်ရေးထိုးခဲ့ကြသည်။
ထို့နောက် မြ၀တီမြို့တောင်ဘက် ဝေါ်လေဒေသ တာအူထာ့နေရာ၌ အပစ်အခတ် ရပ်စဲရသည့် အကြောင်းနှင့် ပတ်သက်၍ နိုဝင်ဘာလ ၈ရက်တွင် တပ်အစည်းအဝေးနှင့် ၁၁ရက်နေ့တွင် လူထုရှင်းလင်းပွဲများ ပြုလုပ်ခဲ့သည်။
ဒီကေဘီအေသည် ၁၉၉၄ခုနှစ်တွင် ကရင်အမျိုးသားအစည်းအရုံး(ကေအဲန်ယူ)မှ ခွဲထွက်ကာ မြန်မာအစိုးရနှင့် ပူးပေါင်းခဲ့ပြီး ၂၀၁၀ ရွေးကောက်ပွဲတွင် စစ်အုပ်စုကို ပြန်လည် တိုက်ခိုက်ခဲ့ရာမှ ယခု အပစ်အခတ် ရပ်စဲလိုက်သည့်အပေါ် သံသယ၀င် နေသူများလည်း ရှိသည်။
ကရင်မိန်းကလေးငယ်တဦး၏ ဘ၀သရုပ်ဖော်မှတ်တမ်းရုပ်ရှင် သြစတြေးလျားတွင် ပြသခဲ့
ကရင်မိန်းကလေးငယ်တဦး၏ ဘ၀ဖြတ်သန်းမှုနှင့် တွေ့ကြုံခံစားချက်များကို ပုံဖော်ထားသည့် (Burmese Dreaming) အမည်ရှိ မှတ်တမ်းရုပ်ရှင်ဇာတ်ကားတခုကို သြစတြေးလျားနိုင်ငံ ဆစ်ဒနီမြို့လယ်ရှိ Event ရုပ်ရှင်ရုံတွင် နိုဝင်ဘာလ ၉ရက်နေ့က ရုံတင်ပြသခဲ့သည်။
မှတ်တမ်းရုပ်ရှင်တွင် ဇာတ်ကောင် နော်စေးစေးလား၏ အသက် ၅နှစ်အရွယ်က ဘ၀ဖြတ်သန်းမှုကို အခြေခံကာ ရိုက် ကူးထားခြင်းဖြစ်ပြီး သူမ၏ ကလေးဘ၀ ဖြတ်သန်းခဲ့ရပုံနှင့် ဖခင်ကို စစ်အစိုးရတပ်က ဖမ်းဆီးခေါ်ဆောင်သွားကာ သတ်ပစ်ခဲ့ပုံ စသည့်အဖြစ်ပျက်များကို သရုပ်ဖော်ထားခြင်းဖြစ်သည်ဟု သြစတြေးလျားကရင်အဖွဲ့အစည်း(AKO)မှ ဒုဥက္ကဌ မန်းအော်လန်းဒိုက ပြောသည်။
“အဓိကတော့ ကရင်မိန်းကလေးငယ်တဦးရဲ့ အကြောင်းပါ။ သူ့အဖေကို စစ်တပ်က သတ်ဖြတ်ခဲ့ပြီး သူတို့(မိသားစု)ကို ထောင်ထဲမှာ ဖမ်းဆီးထားတာ။ ငယ်ငယ်က တွေ့ခဲ့ရတဲ့ ကျွဲကြီးကို အရမ်းချစ်ခဲ့တာတွေ၊ သူမရဲ့ ငယ်စဉ်ကလေး ဘ၀ က အဖြစ်အပျက်တွေကို ရိုက်ကူးထားတာပါ။ အုန်းဖျန်စခန်းထဲရောက်လာပြီး အဲ့ဒီကနေတဆင့် တတိယနိုင်ငံ အစီအ စဉ်အနေနဲ့ သြစတြေးလျားကို ရောက်လာတာ။”ဟု ၎င်းက ပြောသည်။
နော်စေးစေးလားသည် သြစတေးလျားနိုင်ငံသို့ ၆နှစ်ကြာ ရောက်ရှိနေပြီဖြစ်သော်လည်း သူမဖြတ်သန်းခဲ့ရသည့် ကလေးဘ၀ အကြောင်းအရာများကို မှတ်မိနေသေးကြောင်း၊ အလားတူ ကလေးငယ်များတွင်လည်း ခံစားချက်ကိုယ်စီ ရှိကြသည့်အတွက် နိုင်ငံရပ်ခြားသို့ ရောက်ရှိသွားသော်လည်း ၎င်းတို့၏ ခံစားချက်များကို မမေ့ကြရန် ပြန်လည်ပြောပြ ပေးသင့်ကြောင်း သူက ဖြည့်စွက်ပြောဆိုသည်။
အဆိုပါ မှတ်တမ်းရုပ်ရှင်တွင် မြန်မာနိုင်ငံရှိ ကရင်ပြည်နယ် အပါအ၀င် ကချင်နှင့် ရှမ်းပြည်နယ်အတွင်း ဖြစ်ပေါ်နေ သော နိုင်ငံရေးပဋိပက္ခကြောင့် ဒုက္ခနှင့် ကြုံတွေ့နေရသည့် အရပ်သားပြည်သူများ၏ အကြောင်းများလည်း ပါရှိသည် ဟု သိရသည်။
ဇာတ်ကားကို ကြည့်ရှုနိုင်ရန် လက်မှတ်တစောင်လျှင် ၁၅ဒေါ်လာဖြင့် ၀ယ်ယူခဲ့ကြခြင်းဖြစ်ပြီး လာရောက် ကြည့်ရှုကြ သူ အများစုမှာ မြန်မာနိုင်ငံအရေး စိတ်ဝင်စားသူ နိုင်ငံခြားသားအများစုဖြစ်ပြီး လူဦးရေ ၁၀၀ကျော် ကြည့်ရှုခဲ့ကြသည် ဟု သွားရောက်ကြည့်ရှုသူများက ပြောဆိုနေကြသည်။
နောက်ခံစကားပြော၊ မှတ်တမ်းဓာတ်ပုံများနှင့် ပြသထားသည့် ၎င်း Documentary ဇာတ်ကားကို သွားရောက်ကြည့်ရှု ကြသည့် သြစတေးလျားပရိဿတ်များထဲမှ အမျိုးသမီးကြီးအချို့မှာ မြန်မာပြည်ရှိ ကလေးငယ်များ၏ ဘ၀ဖြတ်သန်းမှု များ အခက်အခဲများကိုကြည့်၍ ၀မ်းနည်းကာ မျက်ရည်ကျသည်အထိ ဖြစ်ရကြောင်းကြည့်ရှုခဲ့သူတဦးက ပြောသည်။
သူက “ကရင်လူမျိုးများအတွက် ရက်စက်တဲ့ အဖြစ်အပျက်တွေဟာ အလွန်ဆန်းကျယ်လှတဲ့အရာ မဟုတ်ပေမယ့် ဒီလို ရက်စက်မှုတွေ မြန်မာပြည်သူ ကြုံတွေ့ခံစားနေရတာကို နိုင်ငံတကာ သိအောင် ပြသသင့်တယ်။”ဟု ပြောသည်။
Burmese Dreaming ရုပ်ရှင်ဇာတ်ကားကို ခရစ်ယာန်ဘာသာရေး ခေါင်းဆောင် Bill Cruse ဦးဆောင်သည့် Exodus ဖောင်ဒေးရှင်း၏ ရန်ပုံငွေအဖြစ် ပြသခဲ့ခြင်းဖြစ်သည်။ ထိုအဖွဲ့သည် မြန်မာနှင့် အာဖရိကနိုင်ငံများမှ ဒုက္ခသည်ကလေး များအတွက် ပညာရေးတိုးမြှင့်ရန် ကူညီလုပ်ဆောင်ပေးနေသည့် အစိုးရမဟုတ်သော အဖွဲ့အစည်းတစ်ခု ဖြစ်သည်။
သြစတြေးလျားနိုင်ငံတွင် ဘ၀ပေး သရုပ်ဖော်ရုပ်ရှင်၊ မြန်မာပြည်ဆိုင်ရာ အခြားမှတ်တမ်းရုပ်ရှင်များကို ပြသခဲ့သည်မှာ ယခုအကြိမ်ပါဆိုလျှင် သုံးကြိမ်ရှိသွားပြီဖြစ်ကြောင်း သိရသည်။
Monday, November 14, 2011
Bomb explosion kills Kachin students in Myitkyina
by thawthikho
A powerful bomb exploded at Njang Kawng in Kachin State capital Myitkyina on November 13, 2011 at 7:45. The bomb was set up at the house owned by Mr. Dingyau Tang Gun, who is a leader of Kachin traditional music band. The house was shared with about 40 Kachin students from all over Kachin State coming to capital Myitkyina for further education. The body of a five months old baby girl was seen flying over to the roof of a nearby Church. 8 students, a mother and her baby girl were killed by the explosion. About 20 wounded students were taken to the Myitkyina Hospital. Most of them are in serious conditions, said a local source.
တနှစ်သားကလေးငယ်ရဲ့ မိခင် (ကချင်တိုင်းရင်းသူ) ကို စစ်တပ်က ဖမ်းသွားပြီးတဲ့ နောက်
မြန်မာတပ်မတော်သားများဟာ ကချင်တိုင်းရင်းသူတဦးဖြစ်သူ တနှစ်သားကလေးငယ်ရဲ့ မိခင်ကို ၂၀၁၁ အောက်တိုဘာလကုန်ပိုင်းက ဖမ်းဆီးသွားပြီး ဆက်သွယ်မေးမြန်းချိန်အထိ ဘယ်နေရာ ရောက်နေမှန်း မသိ ဖြစ်နေကြောင်း မိသားစုနဲ့ နီးစပ်သူများက ပြောပြပါတယ်။ သက်ဆိုင်ရာ အရာရှိက နိုဝင်ဘာ ၂ ရက်နေ့ကျရင် ပြန်လွှတ်ပေးနိုင်မယ်လို့ ပြောခဲ့ပေမယ့်လည်း အခုအချိန်အထိ သတင်းအစအန ရှာမရသေးတဲ့အကြောင်းကို အယ်ဒီတာ ဦးမြင့်လှိုင် ဆက်သွယ် မေးမြန်းထားပါတယ်။
Friday, November 11, 2011
ရွာတွင်းဝင်သည့် အစိုးရစစ်တပ် လူသတ်၊ ပစ္စည်းသိမ်းယူခဲ့
စောခါးစူးညား (ကေအိုင်စီ)
ကရင်ပြည်နယ် လှိုင်းဘွဲမြို့နယ်ရှိ ခလယ့်ဒေးစခန်းအခြေစိုက် မြန်မာအစိုးရ စစ်တပ် စကခ(၁၂)လက်အောက်ခံ ခမရ(၂၃၀) တပ်ရင်းသည် ပြီးခဲ့သည့်အပတ်က ထိုဒေသရှိ ရွာသူကြီးတဦးကို ပစ်သတ်ကာ အရပ်သားပိုင် ပစ္စည်းများကိုလည်း အဓမ္မသိမ်း ယူမှုများ ပြုလုပ်ခဲ့သည်။
ဗိုလ်မှူးကြီးသန်းထိုက်စိုး ဦးဆောင်သည့် အဆိုပါတပ်ရင်းသည် ပြီးခဲ့သည့် အောက်တိုဘာလ ၂၉ရက်နေ့က ထီးမကျုခီးရွာမှ အသက် ၃၆နှစ်အရွယ် ရွာသူကြီးဖြစ်သူ စောဖါးကော့ဆဲကို ပစ်သတ်ပြီး နားကပ်၊ လက်စွပ်နှင့်အတူ ထိုင်းဘတ်ငွေအချို့ကို သိမ်းယူခဲ့သည်။ ၎င်းအပြင် ကလေ့မိုခီးရွာမှ ရွာသားအချို့ကို ခိုင်းစေသည့်အပြင် ထိုင်းဘတ်ငွေ၊ ဆန်၊ စောင်၊ အချိုရည်၊ ငါးဗူး၊ လက်ကိုင်ဖုန်း စသည့်ပစ္စည်းများကိုလည်း သိမ်းယူခဲ့သည်ဟု ရွာခံအမျိုးသားတဦးက ကေအိုင်စီကို ပြောသည်။
“သူတို့(အစိုးရတပ်) ထီးမကျုခီးရွာထဲ ၀င်ပြီးပစ်တာ လက်နက်ကြီးပါ ပါတယ်။ ရွာသူကြီးသေပြီး ကျွဲတကောင်လည်း ဒဏ်ရာရ သွားတယ်။ အဲဒီရွာအပြင်ထွက်တဲ့အခါ KNU တပ်တွေ စောင့်ပစ်တော့ အနီးအနား ကလေ့မိုခီးရွာက လူတွေကို ခေါ်ပြီး ပစ္စည်း ထမ်းခိုင်းပြီး အရှေ့သွားခိုင်းတယ်။ အဲဒီရွာသားတွေရဲ့ ပစ္စည်းအချို့ကိုလည်း သိမ်းသွားတယ်။”ဟု ၎င်းက ပြောသည်။
ထိုနေ့တွင်ပင် ကရင်အမျိုးသားလွတ်မြောက်ရေးတပ်မတော်-KNLA ဗိုလ်ဒိငါး ဦးဆောင်သည့် တပ်ရင်း(၂၂)မှ အစိုးရစစ်တပ် ကို တိုက်ခိုက်ခဲ့ရာ အစိုးရတပ်မှ ၂ဦး ကျဆုံးပြီး ၁၂ဦး ဒဏ်ရာရရှိခဲ့သည်။
မြန်မာအစိုးရ စစ်တပ်သည် ပစ်သတ်ခံရသူ ရွာသား၏ နေအိမ်မှ ရွှေနားကပ် ၆စုံ၊ ရွှေလက်စွပ် ၁ကွင်းနှင့်အတူ ထိုင်းငွေ ဘတ် တစ်သောင်းကို သိမ်းယူခဲ့ပြီး ကလေ့မိုခွီးရွာမှ ရွာသားများ၏ ထိုင်းဘတ်ငွေ ၇ထောင်ကျော်၊ အိမ်သုံးပစ္စည်းနှင့် အစားအစာများ ကို အဓမ္မသိမ်းယူခဲ့သည်ဟုလည်း အဆိုပါဒေသခံရွာသားက ထပ်မံ ပြောဆိုသည်။
၎င်းအပြင် ထီးမကျုခွီးရွာသားကို ပစ်သတ်ခဲ့ပြီးနောက် ထိုရွာရှိ လူနေအိမ်များမှ ၀ါး ပျဉ်ပြားအခင်းများ၊ ထမင်းအိုးများ၊ ၀ါးကျည် တောင့် စသည့်အိမ်တွင်းပစ္စည်းများကို ပြန်အသုံးပြု၍ မရအောင် အစိုးရစစ်တပ်မှ ထိုးဖောက်ဖျက်ဆီးခဲ့သည်ဟု သိရသည်။
Photo-KIC (စစ်တပ်မှ ဖျက်ဆီးခဲ့သည့် ရွာသားများ၏ပစ္စည်းများ)
ကလေ့မိုခီးရွာမှ အစိုးရတပ်၏ အဓမ္မပစ္စည်း အသိမ်းခံရသူများမှာ နော်မုပရီး ၇၀နှစ်၊ နော်ဖီးအဲ့ ၅၂နှစ်၊ စောတေ့လယ့် ၄၁နှစ်၊ နော်မုထူး ၃၈နှစ်၊ နော်မခင်ရွှေ ၄၀နှစ်၊ နော်မရွေ ၃၈နှစ်၊ နော်တုတူး ၄၀နှစ်၊ နော်ဟဲလှ ၄၀နှစ်၊ စောထုဟဲ ၃၆နှစ်၊ စောဖါးနိုး ၃၅နှစ်၊ နော်မုအောင် ၂၈နှစ်၊ နော်ဖောခု ၂၉နှစ်၊ စောပွယ်ဖိုး ၄၀နှစ်၊ နော်မြဖော ၃၅နှစ်၊ နော်မုခူး ၆၀နှစ်နှင့် စောဖါးဒါးဖိုး ၂၆နှစ်တို့ ဖြစ်သည်။
ကလယ့်ဒေးအခြေစိုက် မြန်မာအစိုးရတပ်ဖွဲ့ဝင်များသည် ထိုဒေသရှိ ထီးမကျုခီး၊ ငါးကြပ်ကွင်း၊ ထီးတိုကော်၊ ကလေ့မိုးခီး၊ ကလေ့မိုထာ့ စသည့်ကျေးရွာများတွင် သွားလာလှုပ်ရှားလျှက်ရှိသည်ဟု သိရသည်။
DKBA လူထုအစည်း အဝေး ပြုလုပ်မည်
စောခါးစူးညား (ကေအိုင်စီ)
ကရင်ပြည်နယ်၊ မြ၀တီမြို့နယ် ဖလူးဒေသရှိ တာအုထာ့နေရာတွင် ဗိုလ်မှူးချုပ်စောလားပွယ် ဦးစီးသည့် တိုးတက်သောဗုဒ္ဓဘာ သာ ကရင်အမျိုးသားတပ်မတော် (DKBA)က မနက်ဖြန် ၁၀နာရီ၌ လူထုအစည်းအဝေးတရပ် ပြုလုပ်မည်ဖြစ်ကြောင်း DKBA ဘက်မှ ပြောသည်။
ထိုအစည်းအဝေးအတွက် ကြာအင်းဆိပ်ကြီးမြို့နယ်၊ ကျိုက်ဒုံနှင့် ဖလူးဒေသရှိ ရွာပေါင်း ၄၀ခန့်မှ ရွာသူကြီးများကို ဖိတ်ကြား ထားသည်ဟု DKBA မှ ပြည်ပဆက်ဆံရေးတာဝန်ခံ ဗိုလ်မှူးစောလိုးလိုက ကေအိုင်စီသို့ ပြောသည်။
“ကျနော်တို့ DKBA တွေ ဘာတွေ လုပ်ခဲ့လဲ။ လက်ရှိ ဘာတွေ လုပ်နေလဲ။ နောက် လူထုတွေ ဘာဖြစ်ချင်လဲ။ အဲဒါတွေကို ရှင်း လင်းမယ်။ ဖိတ်ကြားထားတဲ့သူ တချို့တော့ ရောက်နေပြီ။”ဟု ပြောသည်။
သို့သော် ၎င်းတို့ ပြုလုပ်မည့် အစည်းအဝေးနေရာနှင့် အလှမ်းဝေးသည့် အချို့ရွာများမှ ရွာသူကြီးများကိုသာ ဖိတ်ကြားကြောင်း နှင့် မလာနိုင်သော ရွာသူကြီးများအစား ရွာသားများက ကိုယ်စားအနေဖြင့် လာရောက်ကြမည်ဖြစ်ကြောင်း သူက ဆက်ပြော သည်။
DKBA မှ ဒု-စစ်ဦးစီးချုပ် ဗိုလ်မှူးကြီးမိုရှေး ဦးဆောင်သော ငြိမ်းချမ်းရေးဖော်ဆောင်ရေးအဖွဲ့သည် မြန်မာအစိုးရ၏ ငြိမ်းချမ်းမှု တည်ဆောက်ရေးအဖွဲ့နှင့် ဘားအံမြို့၌ နိုဝင်ဘာလ ၁ရက်နေ့မှစ၍ သုံးရက်ကြာ တွေ့ဆုံခဲ့ပြီး အချက် ၅ချက်ပါ ပဏာမ သဘောတူညီမှုကို လက်မှတ်ရေးထိုးခဲ့ကြသည်။
၎င်းတွေ့ဆုံမှု၊ လက်မှတ်ရေးထိုးမှု အပြီးနောက်ပိုင်း DKBA မှ ယခုလို လူထုအစည်းအဝေးကို ပြုလုပ်လာခြင်း ဖြစ်သည်။
DKBA ကလို့ထူးဘောတပ်ဖွဲ့သည် လူထုအစည်းအဝေးအတွက် ကြိုတင်ပြင်ဆင်ရန် ယမန်နေ့က တပ်မှူးများ အစည်းအဝေး တရပ် ပြုလုပ်ခဲ့ရာတွင် မြန်မာအစိုးရနှင့် သွားရောက်တွေ့ဆုံခဲ့သည့် DKBA ကိုယ်စားလှယ်များက ၎င်းတို့ ဆွေးနွေးခဲ့သည်များ ကို ပြန်လည် ရှင်းပြခဲ့သည်ဟု သိရသည်။
အဆိုပါ DKBA တပ်ဖွဲ့သည် ပြီးခဲ့သည့် အောက်တိုဘာလ ၂၆ရက်နေ့ကလည်း ဘားအံမြို့ ၀န်ကြီးရုံး၌ ပြည်နယ်အစိုးရ အဖွဲ့နှင့် တွေ့ဆုံခဲ့သည်။
ကရင်ပြည်နယ် ငြိမ်းချမ်းရေးဖော်ဆောင်အဖွဲ့တွင် ပြည်နယ် လုံခြုံရေးနှင့် နယ်စပ်ရေးရာ ၀န်ကြီး ဗိုလ်မှူးကြီးအောင်လွင်၊ ဦးစီးအရာရှိ(ပထမတန်း) ပြည်သူ့စစ်မှ ဒုဗိုလ်မှူးကြီးကျော်မြင့်၊ နယ်စပ်ဒေသဖွံ့ဖြိုးရေးဦးစီးဌာန ဒုတိယ ညွှန်ကြားရေးမှူး ဦးသက်နောင်၊ ပြည်နယ်ဥပဒေချုပ် ဦးသိန်းလွင်တို့ ပါဝင်ကြသည်။
အလားတူ ဗိုလ်မှူးကြီးမိုရှေး ဦးဆောင်သော DKBA ကလို့ထူးဘော ငြိမ်းချမ်းရေးဖော်ဆောင်အဖွဲ့တွင် စောဟိဒို့၊ စောမောင် လေးနှင့် စောစိန်ဝင်းတို့ ပါဝင်ခဲ့ကြသည်။
(ဒီကေဘီအေ ကလို့ထူးဘောတပ်ဖွဲ့မှ အဖွဲ့ဝင်အချို့)
အစိုးရနှင့် DKBA တို့ သဘောတူညီခဲ့သည့် အချက်များထဲတွင် ယခုလ ၆ရက်နေ့မှစ၍ အပစ်ခတ်ရပ်စဲကြရန်၊ အပစ်အခတ် ရပ်စဲရေး ကာလအတွင်း ဆုံဆည်းမြိုင်ဝန်းကျင်၌ DKBA တပ်များအား ယာယီ အခြေပြု နေထိုင်ရန်၊ မြ၀တီမြို့တွင် DKBA ၏ ယာယီ ဆက်ဆံရေးစခန်း ဖွင့်လှစ်ရန်၊ နယ်ကျော်လွန်၍ လက်နက်ကိုင်ဆောင်မှု နှစ်ဖက် ကြိုတင်ညှိနှိုင်းမှု ဆောင်ရွက်ကြရန် နှင့် နယ်မြေဖွံ့ဖြိုးတိုးတက်မှုများ ပြုလုပ်ပြီး ထာဝရငြိမ်းချမ်းရေး ရသည်အထိ ဆက်လက် ဆွေးနွေးကြရန်တို့ ပါရှိကြောင်း သိရ သည်။
Tuesday, November 8, 2011
တပ်သားအချင်းချင်း ပစ်ခတ်မှုဖြစ်
ကေအိုင်စီ
မြ၀တီမြို့၊ အမှတ်(၄)ရပ်ကွက်ရှိ အစိုးရတပ် ရှေ့တန်းရုံးမှ တပ်သား နှစ်ဦးတို့သည် ယမန်နေ့က ခိုက်ရန်ဖြစ်ပွားကာ အချင်း ချင်း ပစ်ခတ်မှုကြောင့် တစ်ဦးမှာ သေနတ်ထိမှန်သွားခဲ့သည်။
၎င်းနေ့လည်ဘက်တွင် ဖြစ်ပွားခဲ့သည့် ပစ်ခတ်မှုကြောင့် သေနတ်ဒဏ်ရာရရှိသွားသူ တပ်သားကို မြ၀တီဆေးရုံ၌ ခွဲစိတ်ကုသ ခဲ့ရသည်ဟု မြို့ခံတစ်ဦးက ပြောသည်။
“ရှေ့တန်းရုံးက ရဲဘော် နှစ်ယောက် အချင်းချင်း စကားများပြီး ပစ်ကြတာပဲ။ ဒါပေမဲ့ တယောက်ပဲ သေနတ်ထိတယ်။ အဲဒီရဲ ဘော်က အသည်းကိုထိတော့ ခွဲစိတ်လိုက်ရတယ်။ မွန်းလွဲ ၂နာရီလောက်မှ ခွဲစိတ်မှုက ပြီးတာလေ။”ဟု ၎င်းမြို့ခံက ဆိုသည်။
အလားတူ ထိုနေ့ည ၇နာရီမှစ၍ မြ၀တီအာဏာပိုင်များသည် မြစန္ဒီပန်းခြံတွင်းရှိ ခမ်းမဆောင်၌ အစိုးရသစ် တနှစ်ပြည့် နှစ် ပတ်လည် အခမ်းအနားကို ကျင်းပပြုလုပ်ခဲ့ကြသည်ဟုလည်း နီးစပ်သူများက ပြောသည်။
အဆိုပါ အခမ်းအနားသို့ စစ်ကွပ်ကဲရေးဌာနချုပ်-စကခ(၁၂)မှူး၊ ဗျူဟာမှူး၊ ခယက/မယက ဥက္ကဌ၊ ရဲမှူး၊ ဌာနဆိုင်ရာ ၀န်ကြီးများ နှင့် ဗိုလ်မှူးမုတ်သုန် ပါဝင်သည့် နယ်ခြားစောင့်တပ်များလည်း တက်ရောက်ခဲ့ကြသည်ဟု သိရသည်။
ကိုယ်တိုင် မြင်တွေ့ခဲ့သူတစ်ဦးက “သူတို့ လူကြီးတွေကတော့ ပျော်ပျော်နေ၊ ကောင်းကောင်းစားပဲ။ သာမန်လူထုတွေကတော့ ငတ်နေကြတယ်လေ။”ဟု သူမ၏အမြင်ကို ပြောသည်။
နယ်လှည့်ကျောပိုးအိတ်ကျန်းမာရေး အဖွဲ့ ၂ဦးကို အစိုးရစစ်တပ် ဖမ်းဆီး
နန်းသူးလေ (ကေအိုင်စီ)
ကရင်ပြည်နယ်၊ ဖာပွန်မြို့နယ် မာထောကျေးရွာအုပ်စုအတွင်း သွားရောက် ဆေးကုသပေးခဲ့သည့် နယ်လှည့်ကျောပိုးအိတ် ကျန်းမာရေးလုပ်သားအဖွဲ့(BPHWT) ၀န်ထမ်းနှစ်ဦးကို မြန်မာအစိုးရစစ်တပ်က ဖမ်းဆီးခဲ့သည်ဟု သိရသည်။
၎င်းဆေးဝန်ထမ်း အမျိုးသမီးနှင့် အမျိုးသားတို့သည် ယခင်လ ၂၉ရက်နေ့က ထိုဒေသရှိ ကိုးခီးတွင် လူနာတစ်ဦးအား ဆေးကု သပေးနေစဉ် အစိုးရတပ် တပ်မ(၁၁) လက်အောက်ခံ ခမရ(၂၁၂)တပ်ရင်း ရောက်ရှိလာပြီး ဖမ်းဆီးခေါ်ဆောင်သွားခြင်းဖြစ် သည်ဟု ကရင်အမျိုးသား လွတ်မြောက်ရေးတပ်မတော်-KNLA တပ်မဟာ(၅) ရုံးထိုင်မှူး ဗိုလ်မှူးစောကလယ်ဒို့က ပြောသည်။
“ကိုးခီးဒေသမှာ လူနာတစ်ယောက်က နေမကောင်းလို့ဆိုပြီး သူတို့က လူနာအလုပ်လုပ်တဲ့ ကွမ်းသီးခြံမှာပဲ ဆေးသွားကုပေး တယ်လေ။ အဲ့ဒါသူတို့က လူနာကို ဆေးကုနေတုန်းပဲ စစ်တပ်က ရောက်လာပြီး သူတို့နှစ်ယောက်စလုံးကို ဖမ်းခေါ်သွားတာ။” ဟု ပြောသည်။
ဖမ်းဆီးခံရသူ အမျိုးသားမှာ အသက် ၂၅နှစ်အရွယ် စောဖားစေးချိုးဖြစ်ပြီး အမျိုးသမီးမှာ အသက် ၂၄နှစ်အရွယ် နော်ကမွီးခုတို့ ဖြစ်သည်ဟု သူက ဆက်ပြောသည်။
လက်ရှိ နောက်ဆုံးအခြေအနေရ ဖမ်းဆီးခေါ်ဆောင်ခြင်းခံရသည့် ဆေးဝန်ထမ်းအမျိုးသမီးမှာ ဖာပွန်မြို့နယ်ရှိ စစ်ဗျုဟာဌာန ချုပ်-စဗခ(၁) ဗျူဟာရုံးသို့ ပို့ဆောင်ခံရပြီး အမျိုးသားမှာမူ မည်သည့်သတင်းမှ မရရှိကြောင်းလည်း ၎င်းက ရှင်းပြသည်။
Photo-KIC (ဖာပွန်ခရိုင်ရှိ BPHWT ၀န်ထမ်းများ၏ ဆေးကုသမှုခရီးတခု)
ဖာပွန်မြို့၏ အရှေ့ဘက်တွင် စစ်ဗျူဟာအခြေစိုက် ခလရ(၁၉)၊ ခမရ(၃၄၀)၊ ခမရ(၃၄၁)နှင့် ခမရ(၄၃၄) တပ်ရင်းတို့ အခြေ စိုက် လှုပ်ရှားလျှက်ရှိသည်။
ယခင်လ ၁၇ရက်နေ့ကလည်း ထိုင်း-မြန်မာနယ်စပ် လှိုင်းဘွဲမြို့နယ် သောင်ရင်းမြစ်တွင် အစိုးရစစ်တပ်တို့က ထိုင်းဘက်ခြမ်း ကူးကာ မြစ်တစ်ဖက်ကမ်းရှိ ကရင်တပ်ဖွဲ့ဝင်များအား ၀င်ရောက်ပစ်ခတ်ခဲ့ရာတွင် KNLA ဆေးမှူးတစ်ဦး ဖမ်းဆီးခံခဲ့ရသည်။
စစ်တပ်မှ အမျိုးသမီးငယ် ၃ဦးကို အဓမ္မကျင့်သတ်ဖြတ်
နော်ဆဲကလယ် (ကေအိုင်စီ)
ရှမ်းပြည်မြောက်ပိုင်း မူဆယ်မြို့နယ် နမ့်ဖဲပါရွာမှ အမျိုးသမီးငယ် ၃ဦးအား ခလရ(၂၉၀) တပ်ရင်မှူး လက်အောက်ခံတပ်များမှ ပြီးခဲ့သည့်အပတ်က မုဒိမ်းကျင့် သတ်ဖြတ်ခဲ့သည်ဟု ဒေသခံ တစ်ဦးက ကေအိုင်စီကို ပြောသည်။
“ရွာက တရုတ်ရွာဗျ။ အသတ်ခံရတာကလည်း တရုတ်အမျိုးသမီးလေးတွေပါ။ မုဒိမ်းကျင့်ထားတဲ့ လက္ခဏာလည်း တွေ့ရ တယ်လေ။ ရွာကလူတွေက ဖြစ်ဖြစ်ချင်း ရဲစခန်းတိုင်ဖို့ လုပ်ကြသေးတယ်။ တိုင်ရင် စစ်တပ်က လာနှိပ်စက်ဦးမယ်ဆိုပြီး မတိုင် ဖြစ်တော့ဘူး။”ဟု ၎င်းဒေသခံက ဆက်ပြောသည်။
အသတ်ခံရသော အမျိုးသမီးလေးများမှာ အသက် ၁၇နှစ်အရွယ်သာ ရှိသေးကြောင်းလည်း သိရသည်။
၎င်းစစ်တပ်သည် ၂၅ရက်နေ့က ထိုနမ့်ဖဲရွာ မရောက်မှီ စစ်ကြောင်းချီရာ လမ်းပေါ်ရှိ နမ့်တောင်နှင့် မုန်းပေါ်ရွာကြားရှိ ကောင်း ခါးရွာကိုလည်း ၀င်ရောက်ကာ ရွာထဲရှိ ကြက်များကို ယူဆောင်သွားကြောင်း သိရသည်။
“အိမ်တိုင်းကိုဝင်ပြီး မွေးထားတဲ့အကောင်တွေ ယူတာ။ အိမ်တအိမ်ကတော့ မီးဖွားပြီးစ အမျိုးသမီးတစ်ယောက်ထဲနေတာ။ ကြက်မွေးထားတာ မရှိဘူးလို့ပြောတော့ တံခါးအတင်းဖွင့်ပြီး အိမ်ထဲက ပစ္စည်းတွေယူ သွားတာပဲလေ။”ဟု ရွာခံတစ်ဦးက ပြော သည်။
ပြီးခဲ့သည့် အောက်တိုဘာလကလည်း မြစ်ကြီးနား-ဗန်းမော်သွား ကားလမ်းအနောက်ဖက်ခြမ်း ရှဒပါရွာတွင် တရုတ်အမျိုးသမီး ၃ဦးအား အစိုးရစစ်သားများက အဓမ္မပြုကျင့်ခဲ့ကြသည်။
စက်တင်ဘာလမှစ၍ ထိုးစစ်များကြောင့် လားရှိုး၊ ကွတ်ခိုင်၊ မူဆယ်ဒေသများရှိ ဒေသခံများမှာ လူ့အခွင့်အရေး ချိုးဖောက်မှုများ ကို ခံနေကြရသည်။
ကရင်မိန်းကလေးငယ် ၃ဦး လုယက်ခံရ
(ကေအိုင်စီ)
ထိုင်းနိုင်ငံတောင်ပိုင်း ရတ်ခ်ျဘူရီခရိုင်မှ ကရင်မိန်းကလေးငယ် ၃ဦးကို ထိုင်းလူမျိုး အငှားဆိုင်ကယ်သမားသုံးဦးက ငွေလိမ် လည် လုယက်မှုတခု ယမန်နေ့က ဖြစ်ပွားခဲ့သည်။
ယမန်နေ့ မနက် ၇နာရီကျော်တွင် ရတ်ခ်ျဘူရီခရိုင်၊ ဘန့်ပို(Banh Bho)မြို့တွင် အလုပ်လုပ်ကိုင်သူ အသက် ၁၆-၁၈နှစ်အရွယ် ရှိ ကရင်လူမျိုး မိန်းကလေး ၃ဦးမှာ တိုင်းရင်းသားမှတ်ပုံတင် ပြန်ယူရန် မိမိတို့ ကျေးရွာသို့အပြန် ဆိုင်ကယ်သမား ၃ဦးမှ ဘတ် ငွေ ၃,၀၀၀ လိမ်လည်တောင်းယူခဲ့ခြင်း ဖြစ်သည်ဟု လုယက်ခံရသူများနှင့် နီးစပ်သူတစ်ဦးက ယခုလို ပြောသည်။
သူမက “မနေ့မနက်က ဘန့်ပိုမှာ အလုပ်လုပ်တဲ့ ကလေးမ ၃ယောက်ကို ထိုင်းဆိုင်ကယ်သမား အမျိုးသမီးတယောက်နဲ့ အမျိုး သားနှစ်ယောက်က လိုင်းကားမရှိတော့ဘူးလို့ လိမ်ပြီး ဆိုင်ကယ်နဲ့ လိုက်ပို့တယ်။ သူတို့သုံးယောက်ဆီက ဘတ်ငွေတွေ ယူ လိုက်ပြီး ပါဝိုင်မြို့(Baway)ရဲ့ ဆေးရုံရှေ့မှာ ထားခဲ့လိုက်တယ်။”ဟု ပြောဆိုသည်။
၎င်းမိန်းကလေးများမှာ ရတ်ချဘူရီခရိုင် စွန်ဖုဒေသရှိ ထိုင်းကရင်ကျေးရွာ တကော်လာ့ရွာသူများဖြစ်ကြပြီး သွားလာခွင့် လက် မှတ်ရှိကြသော်လည်း ဆိုင်ကယ်သမားများက ခြိမ်းခြောက်ကာ လုယက်ပစ်ထားခဲ့ခြင်းဖြစ်ကြောင်း အသက် ၁၈နှစ်အရွယ် လု ယက်ခံရသူ မိန်းကလေးက ကေအိုင်စီသို့ ပြောသည်။
“ကျမတို့က သွားလာနေကျဆို ကားခက ဘတ် ၈၀ပဲလေ။ ကျမတို့ကို တဦးစီ ခွဲတင်သွားတာ။ ကျမက လမ်းမှားနေပြီဆိုတော့ နင်တို့မှာ လက်မှတ်ရှိလား၊ ငွေရှိလားမေးတယ်။ နောက် ဆိုင်ကယ်သမားက ကျမမှာ ငွေမပါမှန်းသိတော့ သူ့အဖော်တွေကို ဖုန်းလှမ်းဆက်တယ်။ နောက် ကျမတို့သုံးယောက်ဆုံတော့ ငွေရှိတဲ့ ကျမအစ်မ၀မ်းကွဲဆီက ငွေ ၂၅၀၀ဘတ်ယူပြီး ရောက်ပြီဆို ပြီး ထွက်သွားလိုက်ကြတယ်လေ။”ဟု ဆိုသည်။
ယင်းသို့ လုယက်ခံရသူ မိန်းကလေးများမှာ မျက်နှာချင်းဆိုင် ဈေးဆိုင်မှ ကရင်အလုပ်သမား လင်မယားနှစ်ဦးကို မေးမြန်းမှသာ မိမိတို့ရောက်ရှိနေသည်မှာ ပါဝိုင်မြို့ဖြစ်ကြောင်း သိရှိခဲ့ပြီး မိဘဆွေမျိုးများထံ ဖုန်းဆက်အကြောင်းကြားခဲ့သော်လည်း လုယက် မှုကို ထိုင်းအာဏာပိုင်များထံ တိုင်ကြားခြင်း မရှိခဲ့ပေ။
ထိုဒေသတွင် နေထိုင်သူ ကရင်အမျိုးသားတစ်ဦးက “ဒီနယ်တွေမှာက ဥပဒေစိုးမိုးမှု မရှိဘူးလေ။ အရင်ကဆို မုဒိမ်းကျင့်လိုက် တာတွေလည်း ရဲတွေက ဘာမှကိုင်တွယ်ဖြေရှင်းတာ မရှိဘူး။ တိုင်လည်း ထိရောက်တဲ့ အရေးယူဆောင်ရွက်မှုတွေ လုပ် ဆောင်ပေးခဲ့ရိုး ထုံးစံမှ မရှိတာ။ ဒီတော့ အလုခံရတာကို တိုင်မနေတော့ဘူးလည်း ဖြစ်မှာပါ။”ဟု သူ၏ အတွေ့အကြုံကို ပြော ပြသည်။
လွန်ခဲ့သည့် နှစ်အတန်ကြာက ထိုင်းနိုင်ငံတောင်ပိုင်းရှိ ရတ်ချဘူရီဆေးရုံ ၀င်ရောက်စီးနင်းခံရမှုများ၊ ဘုရားသခင်တပ်ဖွဲ့(God Army) ကိစ္စများအပြင် ထိုင်းနိုင်ငံသားများ၏ ခိုးဆိုးလုယက်မှုများ မကြာခဏ ဖြစ်ပွားခဲ့သည်။
Thursday, November 3, 2011
မဲဆောက်မြို့ CDC အထက်တန်းကျောင်းအနီး လုယက်မှုဖြစ်ပွား
နန်းသူလေ (ကေအိုင်စီ)
ထိုင်းနိုင်ငံ မဲဆောက်မြို့ရှိ ဒေါက်တာစင်သီယာမောင် ထူထောင်ထားသည့် Children Development Center-CDC အထက်တန်း ကျောင်းအနီးတွင် ယမန်နေ့က လုယက်မှုတခု ဖြစ်ပွားခဲ့သည်။
မယ်တော်ဆေးခန်းမှ လက်ထောက်ဆရာဝန်သင်တန်း-HA တက်ရောက်သူ ၂ဦးနှင့် CDC ကျောင်းသား ၁ဦး၏ ပစ္စည်းကို ထိုင်း စကားပြောဆိုသူ လူနှစ်ဦးက CDC ကျောင်းအလွန် လမ်းခုလတ်တနေရာတွင် လုယက်ခဲ့ခြင်းဖြစ်သည်ဟု မယ်တော်ဆေးခန်း ၏ သင်တန်းဆရာလည်းဖြစ်သူ လုံခြုံရေးနှင့် စည်းကမ်းထိန်းသိမ်းရေး တာဝန်ခံ ဆရာစောနေဦးက ပြောသည်။
၎င်းက “မနေ့မနက် ၈နာရီက CDC ကျောင်းသားလေးက ကျောင်းသွားတာ ကျောင်းမရောက်ခင်မှာပဲ လူနှစ်ယောက်က ခြိမ်း ခြောက်ထိုးနှက်ပြီး ကျောင်းသားရဲ့ အိတ်ထဲက ဖုန်းကို ယူသွားတယ်။ ညနေပိုင်း ၄နာရီကျတော့ မယ်တော်ဆေးခန်းမှာ လက် တွေ့ဆင်းနေတဲ့ HA သင်တန်းက လူနှစ်ယောက် လုယက်ခံရပြန်တယ်။”ဟု ပြောသည်။
ထိုလုယက်သူနှစ်ဦးသည် HA သင်တန်းသူနှစ်ဦးကို ဓားနှင့်ထောက်၊ သေနတ်ဖြင့်ချိန်ကာ ၎င်းတို့ထံမှ ကင်မရာတစ်လုံး၊ ဖုန်း နှစ်လုံး၊ ထိုင်းဘတ်ငွေတစ်ထောင်၊ ဆေးစာရွက်စာတမ်း၊ မှတ်စုစာအုပ်နှင့် အ၀တ်အစား ၂စုံကိုပါ လုယူပြီး ကားမောင်းထွက် သွားသည်ဟု လုယက်ခံရသည့် သင်တန်းသူတစ်ဦးက ယခုလို ပြောသည်။
“ကျမတို့ ဂျူတီကနေ သင်တန်းကျောင်းကို စက်ဘီးနဲ့ပြန်အလာ CDC ကျောင်းအလွန်လေးမှာ နောက်ကနေ ကားတစီးမောင်း လာပြီး ကျားကွက်အင်္ကျီနဲ့လူက ဆင်းလာတယ်။ နောက် ဓါးနဲ့ထောက်ပြီး ကျမတို့ကို ထိုင်ခိုင်းတယ်။ ကားပေါ်က လူတော့ သေနတ်နဲ့ချိန်ထားတယ်။ ထိုင်းလိုတွေ ဆဲဆိုပြီး ပါလာတဲ့ အိတ်တွေကို လုယူသွားတယ်။”ဟု သူမက ရှင်းပြသည်။
အဆိုပါကိစ္စကို ညနေ ၅နာရီခန့်တွင် သက်ဆိုင်ရာ မဲဆောက် ပုလိပ်ရုံးသို့ သွားရောက်တိုင်ကြားထားခဲ့ပြီး ည ၁၀နာရီဝန်းကျင် တွင် လုယက်သူနှစ်ဦး မောင်းနှင်အသုံးပြုသည့် ကားကိုသာ ဖမ်းမိတွေ့ရှိခဲ့ကြောင်း သိရသည်။
“ထိုင်းစစ်တပ်နဲ့ သက်ဆိုင်ရာ(ပုလိပ်)တွေက ၁၀နာရီ လောက်မှာ အဲဒီ ကားကိုတွေ့တယ်။ ကားကလည်း ဓါတ်ဆီကုန်နေပြီ လူကတော့မတွေ့ဘူး။ ကားပေါ်မှာ ကင်မရာတလုံးနဲ့ ဖုန်းတလုံးကို ပြန်တွေ့တယ်။ ညတွင်းချင်းပဲ။ သူတို့ပစ္စည်း ဟုတ်မဟုတ် သွားကြည့်တော့ ဟုတ်တယ်။ ဒါပေမယ့် ပုလိပ်တွေကတော့ ပစ္စည်းတွေကို အခု ပြန်မပေးသေးဘူး။”ဟု ပြောသည်။
သို့သော် ယနေ့မနက်တွင် တရားခံတဦးအား ဖမ်းဆီးရရှိထားပြီ ဖြစ်ကြောင်းနှင့် တရားခံနှစ်ဦးစလုံး ဖမ်းမိလျှင် ပစ္စည်းများကို ပြန်ပေးမည်ဟု မဲဆောက်ရဲစခန်းမှ မယ်တော်ဆေးခန်း တာဝန်ရှိသူများအား အကြောင်းကြားခဲ့သည်။
မဲဆောက်မြို့တွင် လက်ထောက်ဆရာဝန် သင်တန်းတက်ရောက်သူနှင့် CDC ကျောင်းသား၏ ပစ္စည်းကို ယခင်က လုယက်ခံရ ခြင်း တကြိမ်တခါမျှ မရှိခဲ့ပေ။
Wednesday, November 2, 2011
စစ်တပ်၏ ပစ်ခတ်မှုကြောင့် ရွာသူရွာသားများ ထွက်ပြေး တိမ်းရှောင်နေရ
စောခါးစူးညား (ကေအိုင်စီ)
ကရင်ပြည်နယ်၊ သံတောင်မြို့နယ် သောက်ရေခပ်ချောင်း အရှေ့ဘက်ခြမ်းရှိ ခေါသခေါရွာကို မြန်မာအစိုးရတပ်က လက်နက် ကြီးငယ်ဖြင့် ပစ်ခတ်ခဲ့၍ ရွာသူရွာသားများက အိမ်ကိုစွန့်ပြီး လွတ်မြောက်ရာသို့ ထွက်ပြေးတိမ်းရှောင်ခဲ့ကြသည်ဟု ဌာနေမဲ့ ပြည်တွင်းကရင်ဒုက္ခသည်များဆိုင်ရာ ကော်မတီ (CIDKP) က ပြောသည်။
ပြီးခဲ့သည့် အောက်တိုဘာလ ၁၂ရက်နေ့က ထိုဒေသရှိ လှုပ်ရှားနေသည့် မြန်မာစစ်တပ် ခြေလျင်တပ်ရင်း ခလရ(၉၂)နှင့် ခြေ မြန်တပ်ရင်း ခမရ(၆၀၃)တို့သည် ကရင်အမျိုးသားလွတ်မြောက်ရေးတပ်မတော်(KNLA)နှင့် ခေါသခေါရွာ၏ အရှေ့ဘက် ၆ဖာ လုံအကွာတွင် တိုက်ပွဲဖြစ်ပွားပြီးနောက် ရွာကို ပစ်ခတ်ခြင်းဖြစ်သည်ဟု ထိုဒေသခံ CIDKP အဖွဲ့ဝင်တစ်ဦးက ပြောသည်။
၎င်းက “အဲဒီနေ့မှာ မိုးလည်းရွာတော့ ထွက်ပြေးတဲ့ရွာသားတွေဟာ စားစရာမပါသလို အ၀တ်အထည်၊ စောင်၊ အမိုးအကာ အသုံးအဆောင်လည်း မပါတော့ တောထဲမှာ ဖြစ်သလိုပဲ နေရတယ်။ တချို့ဖျားနာသူလည်း ရှိတယ်။”ဟု ကေအိုင်စီသို့ ပြော သည်။
မြန်မာစစ်တပ်သည် ပစ်ခတ်မှုပြုလုပ်ခဲ့ပြီးနောက် ထိုရွာတွင်းရှိ နေအိမ်များသို့ ၀င်ရောက်မွှေနှောက်မှု ပြုလုပ်ကာ ရွာသားများ ပိုင်ဆိုင်သော ကျပ်သိန်းပေါင်းများစွာ ယူဆောင်သွားသည့်အပြင် နေအိမ်အမိုး၊ အကာ၊ အခင်းများနှင့် ကျေးရွာ ဘုရားရှိခိုး ကျောင်းကိုလည်း ပစ်ခတ်ဖျက်ဆီးခဲ့သည်ဟု ၎င်းက ရှင်းပြသည်။
မြန်မာစစ်တပ်သည် ရွာအတွင်း အိမ်များရှိ ဆန်၊ ဆား၊ ငါးပိ စသည့် စားစရာများကို ၎င်းတို့ရိက္ခာအဖြစ် ယူဆောင်သွားခဲ့ပြီး မသယ်ပိုးနိုင်သည်များကို ဖျက်ဆီးခဲ့သည်ဟုလည်း အဆိုပါရွာသားတစ်ဦးကလည်း ပြောသည်။
သူက “အခုအချိန်မှာ ရွာသားတွေ အလုပ်များတဲ့အချိန် ဖာလာခူး၊ ကွမ်းသီးခူးနဲ့ စပါးရိတ်သိမ်းချိန် ဖြစ်တယ်။ ဒီနှစ်လည်း မိုး ဆက်တိုက်ရွာလို့ အလုပ်လုပ်ရတာ အဆင်မပြေတဲ့အချိန်မှာ ဗမာစစ်တပ်ကလည်း အခုလိုလုပ်တော့ လာမယ့်ရာသီမှာ ဘာနဲ့ စားရမလဲ။”ဟု ပြောသည်။
ရွာပေါင်း ၃၀ကျော်ရှိသည့် သောက်ရေခပ်ချောင်းအရှေ့ဘက်တွင် မြန်မာစစ်တပ်များ၏ သွားလာလှုပ်ရှားမှုကြောင့် ရွာ ၉ရွာမှ လူဦးရေ ၁,၆၀၀ကျော်မှာ သွားလာရေး အခက်အခဲနှင့် ရင်ဆိုင်နေကြရသည်ဟု CIDKP က ပြောသည်။
Photo-CIDKP (အိုးအိမ်စွန့်ကာ ထွက်ပြေးနေရသည့် ရွာသူရွာသားများ)
သို့သော် ထွက်ပြေးနေရသည့် ရွာသူရွာသားများမှာ ယခုအချိန်တွင် မိမိနေရပ်ရွာသို့ ပြန်လည် နေထိုင်ခြင်း ရှိမရှိကိုမူ မသိရ သေးပေ။
Tuesday, November 1, 2011
အပစ်ရပ်ရေးအတွက် အစိုးရအဖွဲ့နှင့် ဒီကေဘီအေ တွေ့ဆုံခဲ့
စောသိန်းမြင့် (ကေအိုင်စီ)
တိုးတက်သော ဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ)သည် အစိုးရအဖွဲ့နှင့် အပစ်အခတ်ရပ်စဲရေးအတွက် ကရင်ပြည်နယ် ဘားအံမြို့ရှိ ပြည်နယ်ဝန်ကြီးရုံးတွင် ပြီးခဲ့သည့်အပတ်က တွေ့ဆုံဆွေးနွေးခဲ့သည်ဟု သိရသည်။
ဒီကေဘီအေ ဒုတိယစစ်ဦးစီးချုပ် ဗိုလ်မှူးချုပ်မိုရှေး ဦးဆောင်သောအဖွဲ့နှင့် အစိုးရဘက်က တိုင်းရင်းသားရေးရာနှင့် ပြည်တွင်းငြိမ်းချမ်းရေး ဖော်ဆောင်မှုကော်မတီ ဥက္ကဌ ဦးသိန်းဇော် ဦးဆောင်သည့်အဖွဲ့တို့သည် အောက်တိုဘာလ ၂၆ရက်နေ့က အပစ်အခတ်ရပ်စဲရေးနှင့် ပတ် သက်ပြီး အလွတ်သဘော တွေ့ဆုံဆွေးနွေးခြင်းသာဖြစ်သည်ဟု ဒီကေဘီအေတပ်ဖွဲ့ ပြောခွင့်ရသူ ဗိုလ်မှူးဆန်းအောင်က ပြောသည်။
ဗိုလ်မှူးဆန်းအောင်က “လက်ရှိ နိုင်ငံတော်က တာဝန်ရှိတဲ့ပုဂ္ဂိုလ်တွေ၊ အရာရှိတွေနဲ့ ကျနော်တို့ခေါင်းဆောင်တွေနဲ့ တွေ့ဆုံရာမှာ ပြည်သူ လူထုတွေ လိုလားတဲ့ ငြိမ်းချမ်းရေးအပေါ်မှာ မူတည်ပြီးတော့ တကယ်စေတနာအမှန်နဲ့ ကျနော်တို့ကို ချပြတယ်။ ဆွေးနွေးတယ်။ အပစ်အ ခတ်ရပ်စဲရေးနဲ့ ပတ်သက်ပြီး ယုံကြည်မှု အရင် တည်ဆောက်တယ်။ အဲဒီအဖြေပဲ ရခဲ့တယ်။”ဟု ပြောသည်။
ယခု တွေ့ဆုံမှုတွင် ဒီကေဘီအေဘက်မှ ဒုစစ်ဦးစီးချုပ် ဗိုလ်မှူးချုပ်မိုရှေး၊ ဗိုလ်မှူးစိန်ဝင်းနှင့် ဗိုလ်ကြီးပီးလာတို့ တက်ရောက်ကြပြီး အစိုးရ ဘက်မှ တိုင်းရင်းသားရေးရာနှင့် ပြည်တွင်းငြိမ်းချမ်းရေး ဖော်ဆောင်မှုကော်မတီ ဥက္ကဌ ဦးသိန်းဇော်၊ ဦးမောင်မောင်သိန်း၊ ကရင်ပြည်နယ် ၀န်ကြီးချုပ် ဦးဇော်မင်း၊ မွန်ပြည်နယ်ဝန်ကြီး ဦးအုန်းမြင့်နှင့် အရှေ့တောင်တိုင်း စစ်ဌာနချုပ်တိုင်းမှူး ဗိုလ်မှူးချုပ်ဝင်းအောင်လှိုင်တို့ တက် ရောက်ခဲ့သည်ဟု သိရသည်။
အစိုးရ၏ ကမ်းလှမ်းလာမှုအရ ပြုလုပ်ခဲ့သည့် ယခု တွေ့ဆုံဆွေးနွေးမှုတွင် ဆုံးဖြတ်ချက် တစုံတရာ ချမှတ်နိုင်ခြင်း မရှိခဲ့သော်လည်း ထပ်မံ တွေ့ဆုံဆွေးနွေးရန် ရှိသေးကြောင်းလည်း ဗိုလ်မှူးဆန်းအောင်က ဆက်ပြောသည်။
ဒီကေဘီအေနှင့် အစိုးရတို့ တွေ့ဆုံမှုအပေါ် ကေအဲန်ယူ ဒုဥက္ကဌ ပဒိုစောဒေးဗစ်သကဘောက “တစ်ဖွဲ့ချင်း သွားတာကတော့ သွားတာပေါ့ လေ။ ဒါပေမယ့် လုပ်နည်းလုပ်ဟန်က မှားနေတယ်။ ဒီလိုတစ်ဖွဲ့ချင်း ခွဲတွေ့နေလို့ကတော့ သိပ်ထူးမှာ မဟုတ်ဘူးလေ။ တိုင်းရင်းသား မဟာမိတ်အစုအဖွဲ့နဲ့ ဆွေးနွေးမှပဲ အလုပ်ဖြစ်မယ် ထင်တယ်။”ဟု သုံးသပ်ပြောဆိုသည်။
အဆိုပါတွေ့ဆုံမှုကို အချို့က မွန်ပြည်နယ်၊ မော်လမြိုင်မြို့တွင်လည်းကောင်း၊ မုတ္တမတွင်လည်းကောင်း ပြောဆိုနေကြသော်လည်း ဗိုလ်မှူး ဆန်းအောင်မှ တိကျရေရာသည့် အတည်ပြုမှုကို မပေးနိုင်ကြောင်း ထပ်မံ ပြောဆိုခဲ့သည်။
ဒီကေဘီအေနှင့် အစိုးရတို့ကြား အပစ်ရပ်စဲရေးနှင့် ပတ်သက်ပြီး တွေ့ဆုံဆွေးနွေးခဲ့သော်လည်း အစိုးရစစ်တပ်မှ ဒီကေဘီအေတပ်ဖွဲ့၏ လှုပ်ရှားနယ်မြေအတွင်းသို့ အကြောင်းကြားခြင်းမရှိဘဲ ၀င်ထွက်သွားလာနေပါက မိမိကိုယ်ကို ကာကွယ်သည့်အနေဖြင့် ခုခံပစ်ခတ်ရမည် ဖြစ်ကြောင်း ဒီကေဘီအေက ပြောသည်။
Photo-DKBA (ဗိုလ်မှူးချုပ်စောလားပွယ်နှင့် တပ်ဖွဲ့ဝင်အချို့)
၁၉၉၄ခုနှစ်က ကေအဲန်ယူမှ ခွဲထွက်ကာ မြန်မာအစိုးရနှင့် ပူးပေါင်းခဲ့သည့် ဒီကေဘီအေတပ်ဖွဲ့ အများစုမှာ ၂၀၁၀ခုနှစ်က နယ်ခြားစောင့် တပ်အဖြစ်သို့ အသွင်ပြောင်းခဲ့သော်လည်း ဗိုလ်မှူးချုပ်စောလားပွယ် ဦးဆောင်သည့် ဒီကေဘီအေ ကလို့ထူးဘောဗျူဟာကမူ ရွေးကောက်ပွဲ ကို ဆန့်ကျင်ကာ စစ်အစိုးရကို ပြန်လည် ခုခံတော်လှန်ခဲ့သည်။
မြန်မာနိုင်ငံတွင် အစိုးရ အဆက်ဆက်က တိုင်းရင်းသား လက်နက်ကိုင်တပ်ဖွဲ့များနှင့် တစ်ဖွဲ့ချင်းစီ တွေ့ဆုံဆွေးနွေးမှုများ အကြိမ်ကြိမ် ပြု လုပ်ခဲ့သော်လည်း ငြိမ်းချမ်းရေး ဖော်ဆောင်မှု မလုပ်ဆောင်နိုင်သည့်အပြင် ပြည်တွင်း စစ်အခြေအနေ ပို၍ ဆိုးရွားလာလျှက်ရှိသည်ဟု ပြည် တွင်း၊ ပြည်ပရှိ နိုင်ငံရေး၊ စစ်ရေး အကဲခတ်သူများက ပြောသည်။
ဥက္ကဌကို ဖြုတ်ရန် ဖလုံ-စဝေါ်ပါတီ အရေးပေါ် အစည်းအဝေးပြုလုပ်
စောခါးစူးညား (ကေအိုင်စီ)
ဖလုံ-စဝေါ် ဒီမိုကရက်တစ်ပါတီ-PSDP ၏ လက်ရှိ ဥက္ကဌ စောသန်းကျော်ဦးကို ပါတီစည်းကမ်း ဖောက်ဖျက်မှုဟူ၍ ပါတီအဖွဲ့ ၀င်များက ဖြုတ်ချရန် ကြိုးပမ်းသည့်အနေဖြင့် ကရင်ပြည်နယ်၊ ဖားအံမြို့ရှိ ဖလုံ-စဝေါ်ပါတီရုံးတွင် ယနေ့မနက်က အရေးပေါ် အစည်းအဝေး ပြုလုပ်ခဲ့သည်။
ဖလုံ-စဝေါ်ပါတီအဖွဲ့ဝင်တဦးသည် ပုဂ္ဂိုလ်ရေး အကျိုးစီးပွားလုပ်ခွင့် မရှိကြောင်း ချမှတ်ထားသည်ကို စောသန်းကျော်ဦးက ချိုး ဖောက်ခဲ့သည့်အပေါ် ပါတီအဖွဲ့ဝင်များမှ ဖြုတ်ချရန် ကြိုးပမ်းခဲ့ခြင်းဖြစ်သည်ဟု ၎င်းပါတီနှင့် နီးစပ်သည့်သူတဦးက ကေအိုင်စီ ကို ပြောသည်။
“သူ(စောသန်းကျော်ဦး)ဟာ ခနောက်စိမ်းထုတ်လုပ်တဲ့ သံလွင်သီဟ ကုမ္ပဏီရဲ့ ပိုင်ရှင်နဲ့ စီးပွားရေး အစုရှယ်ယာလုပ်ကြတာ ၂လလောက်ရှိပြီ။ နောက် ပါတီရဲ့ ခွင့်ပြုချက်မယူဘဲ ပုဂ္ဂိုလ်ရေး အကျိုးစီးပွားတွေ လိုက်လုပ်ထားတာလည်း ရှိတော့ ပါတီက မကြိုက်လို့ အစည်းအဝေးမှာပဲ ဆုံးဖြတ်သွားဖို့ အခုလို အစည်းအဝေးလုပ်လိုက်တာ။”ဟု ပြောဆိုသည်။
အစည်းအဝေးကို ဖလုံ-စဝေါ်ပါတီ၏ ဥက္ကဌနှင့် လွှတ်တော်အမတ်များဖြစ်သည့် နန်းစေအွာ၊ စောမင်းအောင်လင်း၊ စောကျော် နိုင်၊ စောရှားထွန့်ဖောင်၊ ပါတီ၏ အမျိုးသမီးအဖွဲ့ ဥက္ကဌ နော်ယုဇန၀ါနှင့် လူငယ်အဖွဲ့ ဥက္ကဌ စောခင်ကျော်ဦးတို့ အပါအ၀င် စုစုပေါင်း လူ ၆၀ခန့် တက်ရောက်ခဲ့သည်ဟု သိရသည်။
မနက် ၁၀နာရီမှ မွန်းလွဲ ၁နာရီ ကြာမြင့်သည် ထိုအစည်းအဝေးတွင် ဥက္ကဌကို ဖယ်ရှားခြင်း မဖယ်ရှားခြင်း နှစ်ဖွဲ့ကြား အခြေအ တင် ငြင်းခုံမှုများရှိသော်လည်း ကိုယ်ထိလက်ရောက် ဖြစ်ကြသည်အထိမူ မရှိခဲ့ပေ။
၎င်းအစည်းအဝေးတွင် စောသန်းကျော်ဦး စည်းရုံးထားသည့် နယ်ခံစည်းရုံးရေးမှူးအချို့မှတပါး ဖလုံ-စဝေါ်ပါတီ၏ ထိပ်ပိုင်း ခေါင်းဆောင်အမတ်များ အားလုံးနှင့် အဖွဲ့ဝင်များအားလုံးက ဥက္ကဌအနေဖြင့် လတ်တလောရာထူး နှုတ်ထွက်ပေးရန် လက် မှတ်ထိုးကာ တောင်းဆိုခဲ့ကြသည်ဟု ဖလုံ-စဝေါ်ပါတီက ပြောသည်။
သို့သော် ၎င်းက ရာထူးမှ နှုတ်ထွက်ရန် ငြင်းဆိုခဲ့သည့်အတွက် ယင်းပြဿနာကို လာမည့် ဒီဇင်ဘာလ PSDP ပါတီနှစ်ပတ် လည်နေ့၌ ထပ်မံ ဖြေရှင်းသွားမည်ဟုလည်း သိရသည်။
ယခုလ ၂၄ရက်နေ့ကလည်း ဖလုံ-စဝေါ်ပါတီ ဥက္ကဌ စောသန်းကျော်ဦးသည် ပါတီ၏ အမျိုးသမီးအဖွဲ့ ဥက္ကဌ နော်ယုဇန၀ါကို ခြိမ်းခြောက်ပြောဆိုခဲ့သည်ဟုလည်း ပါတီနှင့် နီးစပ်သူ အဆိုပါပုဂ္ဂိုလ်က ပြောသည်။
၎င်းက “ငါက ဒီကေဘီအေ လုပ်ခဲ့ဖူးတယ်။ နင့်ကို ငါ သတ်ပစ်လိုက်မယ်။ အဲလို ပြောလိုက်တာ။ နော်ယုဇန၀ါဆိုရင် မျက်ရည် တောင် ကျတယ်။”ဟု ကေအိုင်စီသို့ ပြောဆို့သည်။
Photo-KIC (ဖလုံ-စဝေါ်ပါတီ၏ အရေးပေါ် အစည်းအဝေး)
ယနေ့ အရေးပေါ်အစည်းအဝေးနှင့် ပတ်သက်၍ ကိုယ်တိုင်အစည်းအဝေးသို့ တက်ရောက်ခဲ့သူ ဖားအံမဲဆန္ဒနယ် အမှတ်-၁ ဖလုံ-စဝေါ်ပါတီ ပြည်သူ့လွှတ်တော်ကိုယ်စားလှယ် နန်းစေအွာကို ကေအိုင်စီက မေးမြန်းခဲ့ရာ ပြန်လည် ဖြေကြားခြင်းမပြုဘဲ ဖုန်းချသွားခဲ့သည်။
ဖလုံ-စဝေါ်ပါတီသည် ပြီးခဲ့သည့် ၂၀၁၀ ရွေးကောက်ပွဲတွင် အမတ်နေရာ ၁၈ဦး ၀င်ရောက်ယှဉ်ပြိုင်ခဲ့ရာ ပြည်သူ့လွှတ်တော် ကိုယ်စားလှယ်အမတ် ၂နေရာ၊ အမျိုးသားလွှတ်တော် ကိုယ်စားလှယ်အမတ် ၃နေရာနှင့် ပြည်နယ်လွှတ်တော် ကိုယ်စားလှယ် အမတ် ၄နေရာ ရရှိခဲ့သည်။
စောသန်းကျော်ဦးသည် ယခု ကရင်ပြည်နယ် လမ်းပန်းဆက်သွယ်ရေးဝန်ကြီးဖြစ်သူ ယခင် ဖလုံ-စဝေါ်ပါတီ၏ ဥက္ကဌ စောခင် မောင်မြင့်၏ နေရာတွင် အစားထိုး အရွေးခံရသူဖြစ်ပြီး ၂၀၁၀ ရွေးကောက်ပွဲအတွင်း ကျိုက်မရောမြို့နယ် အမှတ်(၁)တွင် ပြည် နယ်လွှတ်တော်ကိုယ်စားလှယ်အဖြစ် ၀င်ရောက်အရွေးခံခဲ့ရာ မဲရှုံးနိမ့်ခဲ့သည်။
