By မအေးအေးမာ
ကရင်အမျိုးသား အစည်းအရုံးရဲ့ ဗဟိုကော်မတီဝင် ဦးမန်းငြိမ်းမောင်ဟာ ထိုင်းနိုင်ငံကနေ တရုတ်နိုင်ငံကို သွားစဉ်မှာ ဗီဇာသက်တမ်း ကုန်ဆုံးသွားတာကြောင့် တရုတ်နိုင်ငံကရော ထိုင်းနိုင်ငံကပါ ပြန်ဝင်ခွင့်မပေးဘဲ ရှိနေရာက တရုတ်နိုင်ငံ ကူမင်းလေဆိပ်ကနေ ပျောက်ဆုံးသွားခဲ့တယ်လို့ KNU ဘက်က ထုတ်ဖော်ပြောကြားပါတယ်။ အပြည့်အစုံကို မအေးအေးမာက သတင်းပေးပို့ထားပါတယ်။
ပြီးခဲ့တဲ့ တလလောက်က ကရင်အမျိုးသား အစည်းအရုံးရဲ့ မဟာမိတ် ဆက်ဆံရေး ဗဟိုကော်မတီဝင် ဦးမန်းငြိမ်းမောင်ဟာ ခရီးသွားရင်း ဗီဇာသက်တမ်း ကုန်ဆုံးသွားတဲ့အတွက် ထိုင်းနိုင်ငံကို ပြန်ဝင်လာဖို့ အခက်အခဲ ရှိရာကနေ တရုတ်နိုင်ငံကို ပြန်ပို့တာ ခံရပြီးနောက် တရုတ်နိုင်ငံ ကူမင်းလေဆိပ်ကနေ ပျောက်ဆုံးသွားခဲ့ကြောင်း KNU တွဲဖက်အတွင်းရေးမှူး ဗိုလ်မှူး စောလှငွေက အခုလို ပြောပါတယ်။
“သူ ထိုင်းနိုင်ငံကနေ ထွက်ပြီး ကူမင်းကို သွားတယ်။ ကူမင်းရောက်ပြီး ပြန်လာတဲ့ အခါကျတော့ သူ့ရဲ့ ထိုင်းနိုင်ငံ ဗီဇာသက်တမ်း ကုန်ဆုံးနေပြီ။ အဲဒီတော့ ဒီကလည်း လက်မခံတော့ဘဲ ကူမင်း ပြန်ပို့တယ်။ ကူမင်းကလည်း ဒီဘက်ကို ပြန်ပို့ရင်း ပို့ရင်းနဲ့ ကျနော်တို့ သိရသလောက် ၂ ပတ် ၃ ပတ်လောက် ဟိုလေဆိပ်နဲ့ ဒီလေဆိပ် လူးလာခေါက်တုံ့ သုံးလေးခေါက်လောက် ဖြစ်ပြီး နောက်ပိုင်းမှာ ပျောက်သွားတယ်။ နောက်ဆုံး ပျောက်သွားတာ ကူမင်းလေဆိပ်မှာပဲ ပျောက်သွားတယ်။”
ဦးမန်းငြိမ်းမောင် ပျောက်ဆုံးသွားတာနဲ့ ပတ်သက်ပြီး တရုတ်ပြည်ကနေ မြန်မာပြည်ကို ပြန်ပို့တယ်ဆိုတဲ့ သတင်းတွေ ထွက်ပေါ်နေခဲ့ပါတယ်။
တရုတ်၊ မြန်မာ နယ်စပ်က စစ်ရေးလေ့လာသူ ဦးအောင်ကျော်ဇောကတော့ တရုတ်နိုင်ငံက သက်ဆိုင်ရာ ရုံးတွေကို စုံစမ်းတဲ့ အခါမှာ တရုတ်နိုင်ငံဘက်က ပြန်ပို့တာ မဟုတ်ဘူးလို့ သတင်းရတယ်လို့လည်း ဆိုပါတယ်။ ဒီနောက် ကူမင်းကနေ ရန်ကုန်ကိုထွက်တဲ့ လေယာဉ်ရဲ့ အထွက်စာရင်းမှာ သူ့ရဲ့ ပတ်စ်ပို့ (Passport) နာမည်ကို တွေ့ရှိရကြောင်း စုံစမ်းတွေ့ရှိရတယ်လို့ ဦးအောင်ကျော်ဇောက ဆက်ပြောပြပါတယ်။
“ဇူလိုင်လကုန်ပိုင်းမှာ တပ်ပေါင်းစု ခေါင်းဆောင်တယောက် ကျနော့်ကို အကူအညီတောင်းတယ်။ တရုတ်ပြည်ကို နည်းနည်း စုံစမ်းပေးပါ၊ ကိုမန်းငြိမ်းမောင် ဇူလိုင်လပိုင်းက ခွေးမင်လေဆိပ်မှာ ပျောက်သွားတယ်လို့ သတင်းကြားတယ်။ အဲတော့ ကျနော်နဲ့ သူနဲ့ပဲ သက်ဆိုင်ရာ တရုတ်ဌာနတွေကို စုံစမ်းတဲ့ အခါမှာ ကျနော်တို့ရတဲ့ သတင်းက ၂၃ ရက်နေ့မှာ သူ တခေါက် ချင်းမိုင်ကို ထွက်တယ်။ ချင်းမိုင်လေဆိပ်က လက်မခံလို့ ပြန်လာတယ်။
“နောက်တခါ ညနေပိုင်းမှာ ဘန်ကောက်ကို လေယာဉ်ပျံ တခေါက် ပြန်ကူးတယ်။ ဘန်ကောက်လေဆိပ်က လက်မခံလို့ ပြန်လာရတယ်။ အဲဒီလို ဖြစ်ပြီးနောက် ဒီမှာရှိတဲ့ သူ့ရဲ့အသိတယောက်က ရန်ကုန်လက်မှတ် ၀ယ်ပေးတယ်။ ကျနော်တို့ ၂ ယောက် ထပ်စုံစမ်းတဲ့ အခါကျတော့ သူက ၂၄ ရက်နေ့လား၊ ၂၅ ရက်နေ့လား မသိဘူး၊ အဲဒီ ရန်ကုန်လက်မှတ်နဲ့ လေယာဉ်ကွင်းမှာတော့ အထွက်ပြထားတယ်။ သူ ပါသွား၊ မပါသွားတော့ ကျနော်တို့ မသိဘူးပေါ့ဗျာ။”
ဦးမန်းငြိမ်းမောင် ပျောက်ဆုံးတဲ့ သတင်းနဲ့ ပတ်သက်လို့ ကရင်အမျိုးသား အစည်းအရုံးက ရှာဖွေ စုံစမ်းတာတွေ လုပ်တဲ့အခါမှာ မြန်မာပြည်မှာ အဖမ်းခံထားရတယ်ဆိုတဲ့ သတင်းသာ ကြားရပြီး အတည်ပြုချက်တော့ မရသေးဘူးလို့ ဆိုပါတယ်။
“KNU က ရှာတာတော့ အဲဒီကိစ္စနဲ့ ပတ်သက်ပြီးတော့ ကျနော်တို့ လက်လှမ်းမီသလောက် ပြည်တွင်း ပြည်ပ သက်ဆိုင်ရာ မဟာမိတ်တွေ၊ မိတ်ဆွေတွေနဲ့ ရှာပါတယ်။ မြန်မာပြည်ထဲ ပြန်ရောက်သွားပြီးတော့ လူဝင်မှု ကြီးကြပ်ရေး အက်ဥပဒေနဲ့ ငြိပြီးတော့ တခြားပုဂ္ဂိုလ်တချို့နဲ့အတူ အဖမ်းခံရတယ်လို့ အဲဒီလောက်ပဲ ကျနော်တို့ သိရပါတယ်။”
ဦမန်းငြိမ်းမောင်ဟာ KNU ကရင်အမျိုးသား အစည်းအရုံးရဲ့ ဗဟိုကော်မတီဝင်တဦး ဖြစ်သလို KNU အပါအ၀င် တခြား တိုင်းရင်းသား လက်နက်ကိုင်တွေနဲ့ ဖွဲ့စည်းထားတဲ့ တပ်ပေါင်းစုဖြစ်တဲ့ တိုင်းရင်းသား လူမျိုးများ ဖက်ဒရယ်ကောင်စီ (UNFC) မှာလည်း ကရင်အမျိုးသား အစည်းအရုံးရဲ့ မဟာမိတ် ဆက်ဆံရေး တာဝန်ခံအဖြစ် လုပ်ဆောင်နေသူ ဖြစ်ပါတယ်။
http://www.voanews.com/burmese/news/mann-nyein-maung-arrested-128717873.html
Wednesday, August 31, 2011
KNU ဗဟိုကော်မတီဝင် မန်းငြိမ်းမောင် ပျောက်ဆုံးနေ
တရားမဝင်ကားလုပ်ငန်း ထိပ်တန်းအာဏာပိုင်များ ပတ်သက်နေ
ဧရာဝတီ
တရားမ၀င် လိုင်စင်မဲ့ ကားများတင်သွင်းပြီး တရားဝင်ကားအဖြစ် လိုင်စင်ချထားပေးသော လုပ်ငန်းအဆင့်ဆင့်တွင် စစ်ဗိုလ်ချုပ်များ၏ ဆွေမျိုးများ၊ အစိုးရ၀န်ကြီးများနှင့် ဌာနဆိုင်ရာ ညွှန်ချုပ်များ အထိ ပါဝင်ပတ်သက်နေကြောင်း သတင်း ရရှိသည်။
မြန်မာပြည်ဘက်သို့ တင်သွင်းမည့် လိုင်စင်မဲ့ကားများအား ထိုင်း - မြန်မာနယ်စပ် မဲဆောက်မြို့တွင် ဤသို့ တွေ့ရသည် (ဓာတ်ပုံ - ဧရာဝတီ)
ဘဏ္ဍာရေးနှင့်အခွန် ၀န်ကြီးဌာန ဝန်ကြီး ဦးလှထွန်း၊ စက်မှု ၂ ၀န်ကြီး ဦးစိုးသိန်း၊ ကုန်းလမ်းပို့ဆောင်ရေး ညွှန်ကြားမှု ဦးစီးဌာန ညွှန်ကြားရေးမှူးချုပ် အပါအ၀င် အစိုးရအရာရှိများနှင့် စစ်ဘက်ဆိုင်ရာ ဗိုလ်ချုပ်များ၏ မိသားစုဝင်များ၊ ဆွေမျိုးများသည် လိုင်စင်မဲ့ကား တင်သွင်းရောင်းချ လိုင်စင်ဝင်သည့် လုပ်ငန်းများတွင် ပါဝင် ပတ်သက်နေကြောင်း အစိုးရ၀န်ထမ်း အသိုင်းအ၀န်းနှင့် ကားထုတ်လုပ်ရေးကုမ္ပဏီများမှ သိရသည်။
“ပြည်တွင်းကို ကားတွေ တရားမ၀င် သွင်းလာတာ ၀န်ကြီးတွေ၊ ညွှန်ချုပ်တွေ အားလုံး သိပါတယ်။ သူတို့က လာဘ်ပေး လာဘ်ယူကိစ္စကို တိုက်ရိုက် မပတ်သက်သလို နေတယ်။ ညွှန်ကြားရေးမှူးတွေက တာဝန်ယူ ပိုက်ဆံရှာ၊ အချိန်တန်ရင် ၀န်ကြီးတွေ၊ ညွှန်ချုပ်တွေကို ရလာတဲ့ ဝေစုထဲကနေ သွားကန်တော့တဲ့ ပုံစံမျိုးနဲ့ လာဘ်ပေးလာဘ်ယူ လုပ်နေတာ။ လိုင်စင်မဲ့ကားတွေ လိုင်စင်ရဖို့ဆိုတာ ကလည်း နောက်ဆုံး ၀န်ကြီးနဲ့ ညွှန်ချုပ်တွေလက်မှတ်ထိုးပြီးမှ တရားဝင်တာ” ဟု နေပြည်တော်အခြေစိုက် အမည်မဖော်လိုသော အစိုးရအရာရှိကြီးတဦးက ပြောသည်။
ဘဏ္ဍာရေးနှင့် အခွန်ဝန်ကြီးဌာန ၀န်ကြီးဦးလှထွန်းသည် အကောက်ခွန်ဦးစီးဌာန၏ ညွှန်ကြားရေးမှူးချုပ် အဖြစ် ၎င်း၏ လူယုံဖြစ်သော ဘဏ္ဍာရေးနှင့် အခွန်ဝန်ကြီးဌာန ရုံးအဖွဲ့မှူး ဦးထွန်းသိန်းကို ညွှန်ကြားရေးမှူးချုပ် အဖြစ် ယခုနှစ် မေလ ကုန်တွင် အစားထိုးခန့်အပ်ခဲ့သည်။ ယခင် ညွှန်ကြားရေးမှူးချုပ် ဦးစံသောင်းကိုမူ မြန်မာ့စီးပွားရေးဘဏ် ဦးဆောင် ညွှန်ကြားရေးမှူးအဖြစ် ခန့်အပ်ခဲ့ပြီး ဦးစံသောင်းလက်ထက်က အကောက်ခွန်ဦးစီးဌာနအတွင်း ဖြစ်ပေါ်ခဲ့သော အကျင့်ပျက် ခြစားမှုများကို တစုံတရာအရေးယူ ဆောင်ရွက်ခြင်းမရှိခဲ့ဟု သိရှိရသည်။
“ရုံးအဖွဲ့မှူးကို ညွှန်ချုပ်ရာထူးပေးတဲ့ အစဉ်အလာ မရှိသလောက် နည်းတယ်။ ဦးလှထွန်းကတော့ သူရဲ့လက်ရင်းတပည့်ကို ချက်ချင်း ညွှန်ချုပ်အဆင့် တိုးပေးခဲ့တယ်။ ဦးထွန်းသိန်းလက်ထက် မှာလည်း ဌာနတွင်း အကျင့်ပျက်ခြစားမှုတွေ ထိုးတက် လာတယ်။ ဦးစံသောင်း လက်ထက်မှာလည်း ခြစားမှုတွေ တောက်လျှောက် ဖြစ်ခဲ့တာပဲ” ဟု နေပြည်တော် ဘဏ္ဍာရေးနှင့် အခွန်ဝန်ကြီးဌာနမှ အရာရှိကြီးတဦးက ပြောသည်။
အမှတ် ၂ စက်မှုဝန်ကြီးဌာန၀န်ကြီး ဦးစိုးသိန်းသည် ကားထုတ်လုပ်ရေး ကုမ္ပဏီ မှတ်ပုံတင်ခွင့်နှင့် ထုတ်လုပ်ခွင့်ပြုသည့် ကားအရေအတွက် စသည့် အရေးပါသော လုပ်ပိုင်ခွင့်များ ချထားပေးနိုင်သည့် အခွင့်အာဏာ ရှိပြီး နိုင်ငံခြားဖြစ် ကားများကို စက်မှုဇုန်ထုတ် ကားအဖြစ် လာဘ်ငွေယူကာ အများအပြားခွင့်ပြုခဲ့ကြောင်း သိရှိရသည်။
“သာမန်ဝပ်ရှော့အဆင့်လောက်ပဲ ရှိတဲ့ အလုပ်ရုံတွေကိုလည်း ကားထုတ်လုပ်ရေး ကုမ္ပဏီပိုင် စက်ရုံဆိုပြီး နာမည်တပ်ခွင့် ပြုတယ်။ တရားမ၀င်ကားတွေကို ဇုန်ထုတ်ကားတွေအဖြစ် ခွင့်ပြုခဲ့တာလည်း စက်မှု ၂ ၀န်ကြီး ဌာနပဲ။ နိုင်ငံခြားဖြစ် ကားတွေမှန်း သိရက်နဲ့ စက်မှုဇုန်ကားပါဆိုပြီး အသိအမှတ်ပြု ပေးခဲ့တယ်။ အားလုံးက နောက်ကြောင်း ပြန်လိုက်လို့ ရပါတယ်။ တကယ်ခုံရုံးဖွဲ့ စစ်မယ်ဆိုရင် တမှုချင်း ဖော်လို့ရတယ်။ အကောက်ခွန်၊ စက်မှု ၂ ၊ ကညန၊ ကားထုတ်လုပ်ရေး ကုမ္ပဏီ အားလုံးပဲ” ဟု ရန်ကုန်စီးပွားရေးသမား တဦးက ပြောသည်။
ယခုအခါ စက်မှု ၂ ၀န်ကြီးဌာနသည် စက်မှုဇုန်ကားအဖြစ် အမည်ခံထားသော Hi-Ace ကားများ လိုင်စင်ဝင်ပါက တစီးလျှင် အနည်းဆုံး အမေရိကန်ဒေါ်လာ ၁၃၀၀၀ မှ ၂၀၀၀၀ အထိ ဒဏ်ရိုက်နေပြီး ထိုသို့ ဒဏ်ရိုက်ခြင်းမှာလည်း ၀န်ကြီးဌာနများ အားလုံး ပတ်သက် ဆက်နွှယ်နေသော အကျင့်ပျက်ခြစားမှုများ မပေါ်ပေါက်စေရန် အချိန်မီ ဆောင်ရွက်သည့် လုပ်ဆောင်ချက် တခုဖြစ်သည်ဟု ယင်းဌာနများနှင့် နီးစပ်သူများက ဆိုသည်။
ကားလိုင်စင်နှင့် နံပါတ် ထုတ်ပေးရသည့် ရထားပို့ဆောင်ရေး ၀န်ကြီးဌာန လက်အောက်ရှိ ကုန်လမ်းပို့ဆောင်ရေး ညွှန်ကြားမှု ဦးစီးဌာနသည် အကျင့်ပျက်ခြစားမှုများနှင့် ဆက်နွှယ်လျက်ရှိကြောင်း၊ ကားထုတ်လုပ်ရေး ကုမ္ပဏီများသည် စစ်ဗိုလ်ချုပ်များ၏ မိသားစုဆွေမျိုးများနှင့် ပတ်သက်ဆက်နွှယ်မှုရှိပြီး ကုမ္ပဏီ များကလည်း အစိုးရထိပ်တန်း အကြီးအကဲများ၏ အမည်ကို အသုံးချကာ ကားများတင်သွင်းခဲ့ကြကြောင်း သိရှိရသည်။
“ကားထုတ်တဲ့ ကုမ္ပဏီတွေက စက်မှု ၁ ဝန်ကြီးဟောင်း ဦးအောင်သောင်း သားတွေနဲ့ ပိုင်တယ်၊ ဗိုလ်ချုပ်ကြီး သီဟသူရ တင်အောင်မြင့်ဦး (ဒုတိယ သမ္မတ) သားနဲ့ပိုင်တယ်ဆိုပြီး နာမည်တွေသုံး ကားတွေသွင်းတယ်။ နာမည်လည်းသုံးတယ်၊
လာဘ်ငွေလည်း ပေးတယ်။ ကားထုတ်တဲ့ ကုမ္ပဏီတွေအားလုံးက ဒီနည်းလမ်း နှစ်ခုကို သုံးပြီး ကားတွေသွင်းခဲ့ကြတာ။ တကယ်တော့ ပြည်တွင်းမှာ အဆင့်တန်းမီတဲ့ ကားထုတ်နိုင်တဲ့ အခြေအနေမရှိသေးပါဘူး။ သူများနိုင်ငံက ခိုးသွင်းတာတွေ ဆင်ပြီး ပြန်ရောင်းတဲ့ အဆင့်မှာပဲရှိပါတယ်” ဟု ရန်ကုန် အခြေစိုက် စီးပွားရေးသမားက ဆိုသည်။
စက်မှု ၂ ၀န်ကြီးဦးစိုးသိန်း ဥက္ကဋ္ဌအဖြစ် ဆောင်ရွက်လျက်ရှိသော မြန်မာ့စက်မှုလက်မှု ဖွံ့ဖြိုးတိုးတက်ရေး ကော်မတီက ၂၀၀၀ ပြည့်နှစ်မှ ၂၀၁၁ ခုနှစ်အထိ ကားထုတ်လုပ်ရေး ကုမ္ပဏီများကို စက်မှုဇုန်ထုတ်ကား ၉၈၈၈၄ စီးထုတ်လုပ်ခွင့် ပြုခဲ့ပြီး ယခုနှစ် တွင် ၉၅၇၇ စီး ထုတ်လုပ်ခွင့်ပြုထားသည်ဟု သိရသည်။
ပြည်နယ်၊ တိုင်းအလိုက် ငြိမ်းချမ်းရေး ကမ်းလှမ်းချက် UNFC ငြင်းဆိုပြန်ကြား
သြဂုတ်လ ၃၀ရက်။ (ကေအိုင်စီ)
မြန်မာအစိုးရ၏ ငြိမ်းချမ်းရေး ဆွေးနွေးရန် ကမ်းလှမ်းချက်သည် တိုင်းရင်းသားလက်နက်ကိုင် တပ်ဖွဲ့များအတွက် ရလဒ်ကောင်း မရရှိနိုင်သည့်အတွက် လက်မခံနိုင်ကြောင်း ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC မှ ယမန်နေ့က ထုတ်ပြန်လိုက်သည်။
UNFC အနေဖြင့် တဖွဲ့ချင်း သီးခြားဆိုင်ရာ ပြည်နယ် (သို့မဟုတ်) တိုင်းဒေသကြီးအစိုးရများနှင့် ပဏာမဆက်သွယ်ရန် ဆို သည့်အချက်အပေါ် လုံးဝ လက်မခံနိုင်ကြောင်းနှင့် ၎င်းမှာ ရလဒ်ကောင်းမရနိုင်ကြောင်း ထုတ်ပြန်ခဲ့ခြင်း ဖြစ်သည်။
၎င်းအပြင် ထိုသို့ တဖွဲ့ချင်းဖိတ်ခေါ်မှုသည် တိုင်းရင်းသားလူမျိုးများ၏ စည်းလုံးညီညွတ်စွာ ရပ်တည်မှုကို “သပ်လျှိုဖြိုခွဲရာကျ သည်”ဟု ယူဆသည့်အပြင် ယခင် အတွေ့အကြုံများအရ တဖွဲ့ချင်း ဆွေးနွေးခြင်းအားဖြင့် ထိရောက်မှုမရှိ ရလဒ်ကောင်းမရနိုင် ကြောင်း ကြေညာချက်တွင် ထည့်သွင်းဖော်ပြထားသည်။
“ပြည်နယ်အလိုက် ဆွေးနွေးတယ်ဆိုတာ တိုင်းရင်းသားတွေကို ခွဲချင်တဲ့သဘောပဲ။ ဘာလို့လဲဆိုတော့ အရင်ကလဲ ဒီလိုပဲ။ တွေ့ဆုံဆွေးနွေးရေးတွေ လုပ်ခဲ့တယ်။ ဒါပေမယ့် ရလဒ် ဘာမှပေါ်မလာဘူး။”ဟု UNFC အဖွဲ့ဝင်ဖြစ်သည့် ကရင်အမျိုးသားအ စည်းအရုံး၏ အထွေထွေအတွင်းရေးမှူးချုပ် နော်စီဖိုးရာစိန်က ပြောသည်။
UNFC ထုတ်ပြန်ချက်တွင် နိုင်ငံရေးပြဿနာသည် တိုင်းဒေသကြီး/ပြည်နယ်အလိုက် သီးခြားဖြစ်ပွားနေခြင်းလည်းမဟုတ်၊ ပြည်ထောင်စုအဆင့် သို့မဟုတ် တမျိုးသားလုံးအဆင့်၌ ဖြစ်ပေါ်နေသော ပြဿနာများသာဖြစ်၍ ကျယ်ကျယ်ပြန့်ပြန့် ဆွေးနွေး ဖြေရှင်းမှသာလျှင် ပြေလည်နိုင်မည်ဟု (UNFC) အနေနှင့် ယုံကြည်ထားခြင်းကြောင့် အစိုးရ၏ ကမ်းလှမ်းချက်ကို လက်မခံခြင်း ဖြစ်သည်ဟု ပြောဆိုထားသည်။
UNFC က ချမှတ်ထားသည့် မူအတိုင်း တဖွဲ့ချင်းဆွေးနွေးမည်မဟုတ်ကြောင်း တိုင်းရင်းသားအားလုံးသည်လည်း နိုင်ငံရေး ပြဿနာများကို ဖြေရှင်းရာတွင် အတူတကွ ပူးပေါင်းဆွေးနွေးလိုကြောင်း နော်စီဖိုးရာစိန်က ပြောသည်။
အစိုးရဘက်မှ ဆွေးနွေးမည့် အဖွဲ့အစည်း ဖွဲ့စည်းပြီးပါက အဆိုပါ အဖွဲ့အစည်းနှင့် (UNFC) ဘက်မှ အလားတူ ဖွဲ့စည်းတာဝန် ပေးအပ်ထားသော “ဆွေးနွေးရေးအဖွဲ့”နှင့် တိုက်ရိုက်ဆက်သွယ်ဆက်ဆံ၍ ဆွေးနွေးသွားခြင်းဖြင့် လက်နက်ကိုင်တိုက်ပွဲများ ကို ရပ်စဲစေပြီး နိုင်ငံရေးပြဿနာများ ပြေလည်စေကာ ငြိမ်းချမ်းရေးကိုလည်း ဖော်ဆောင် အောင်မြင်နိုင်မည်ဖြစ်ကြောင်း UNFC က ပြန်ကြားထားသည်။
ပြီးခဲ့သည့်အပတ်က ကရင်ပြည်နယ်မှ ငြိမ်းချမ်းရေးကိုယ်စားလှယ် ၂ဦး ကေအဲန်ယူနှင့် လာရောက်တွေ့ဆုံခဲ့ကြောင်း အတည် မပြုနိုင်သေးသည့် သတင်းအရ သိရသော်လည်း ကေအဲန်ယူဘက်မှ မဟုတ်မှန်ကြောင်း ငြင်းဆိုထားသည်။
ညီညွှတ်သော တိုင်းရင်းသားလူမျိုးများ ဖက်ဒရယ်ကောင်စီ-UNFC ကို ၂၀၁၁ခုနှစ်၊ ဖေဖော်ဝါရီလ ၁၆ရက်နေ့က တိုင်းရင်းသား လက်နက်ကိုင်အဖွဲ့ ၁၂ဖွဲ့ဖြင့် ဖွဲ့စည်းခဲ့ပြီးနောက် အမာခံအဖွဲ့ ၆ဖွဲ့ဖြစ်သည့် ကချင်ပြည်လွတ်မြောက်ရေးအဖွဲ့(KIO)၊ သျှမ်း ပြည်တိုးတက်ရေးပါတီ(SSPP)၊ ကရင်အမျိုးသားအစည်းအရုံး(KNU)၊ ကရင်နီပြည်တိုးတက်ရေးပါတီ(KNPP)၊ မွန်ပြည်သစ်ပါ တီ(NMSP)၊ ချင်းအမျိုးသားတပ်ဦး(CNF) တို့ဖြင့် ပြင်ဆင်ဖွဲ့စည်းခဲ့သည်။
ပလောင်ပြည်နယ် လွတ်မြောက်ရေးတပ်ဦး(PSLF)၊ လားဟူဒီမိုကရက်တစ်သမဂ္ဂ(LDU)၊ ညီညွှတ်သော ရခိုင်အမျိုးသားပါတီ (NUPA)၊ ၀ အမျိုးသားအဖွဲ့ချုပ်(WNO)၊ ပအိုဝ်းအမျိုးသားလွတ်မြောက်ရေးအဖွဲ့(PNLO)၊ ကချင်အမျိုးသားအဖွဲ့(KNO) တို့ သည် ဆက်စပ်အဖွဲ့များအဖြစ် တည်ရှိနေသည်။
ထားဝယ်ဆိပ်ကမ်း စီမံကိန်းကြောင့် ရွာ ၅ရွာ အရင်ဆုံး ပြောင်းရွှေ့ ရမည်
သြဂုတ်လ ၂၉ရက်။ စောခါးစူး (ကေအိုင်စီ)
တနင်္သာရီတိုင်း ထားဝယ်ရေနက်ဆိပ်ကမ်း ဆောက်လုပ်ရေး စီမံကိန်းကြောင့် ထားဝယ်မြို့နယ်တွင်းရှိ နဘူးလယ်ကျေး ရွာအုပ်စုရှိ ရွာ ၅ရွာ ပထမဆုံးအသုတ်အနေနှင့် ပြောင်းရွှေ့ခံရတော့မည်ဟု ထားဝယ်ဒေသခံများက ပြောသည်။
ထားဝယ်ဆိပ်ကမ်း စီမံကိန်းနယ်မြေအတွင်း ကျရောက်နေသောကြောင့်ဟု ဆိုကာ ပြောင်းရွှေ့ရန် သြဂုတ်လအတွင်း က အစိုးရနှင့် ကုမ္ပဏီတာဝန်ရှိသူတို့က အဆိုပါ ရွာများသို့ သွားရောက် အသိပေးခဲ့သည်။ သို့သော် မည်သည့်ရက်လ အတွင်း အပြီးအပိုင် ပြောင်းရွှေ့ရမည်ကိုမူ အချိန်ကန့်သတ်ထားခြင်း မရှိသေးကြောင်း ထားဝယ်ဒေသခံတဦးက ပြော သည်။
“ရွာတွေကို ပေါင်းပြီး တစုတည်းပဲ ပေါင်းထားမယ်။ (နေရာသစ်မှာ) အုတ်ကာ သွပ်မိုး၊ နောက် သစ်သားအိမ်တွေ ဆောက်ပေးမယ်ပေါ့။ သူတို့(ကုမ္ပဏီနှင့် အစိုးရအာဏာပိုင်) က အိမ်နံပါတ်တွေ လာတပ်ပေးနေပြီ။”ဟု ပြောသည်။
နဘူးလယ်ကျေးရွာ အပါအ၀င် ပရဒတ်၊ ထိန်ကြီး၊ လွဲရှောင်နှင့် မူဒူးကျေးရွာများကို နဘူးလည်ကျေးရွာအုပ်စု နယ်မြေ အတွင်းရှိ ဘာဝရွာနှင့် ဘာဝဆိပ်ကမ်းအကြားသို့ ပြောင်းရွှေ့ရမည်ဖြစ်သည်။
ထိုဒေသကို သွားရောက်ခဲ့သည့် ဒေသခံ သတင်းထောက်တဦးဖြစ်သူ စောအယ်နာက “အဲဒီရွာသားတွေ ပြောင်းရွှေ့ လိုက်ပြီဆိုရင် သူတို့အတွက် လုပ်ကိုင်စားသောက်ရတာ အခက်အခဲတွေ့မယ်။ ဘာဖြစ်လဲဆိုတော့ သူတို့ အလုပ်လုပ် ဖို့ မြေကွက်တွေ မရှိတော့ဘူးလေ။”ဟု ပြောသည်။
ထိုဒေသခံများသည် အများအားဖြင့် ဓနိ၊ ထန်း၊ ရာဘာ၊ နာနတ်နှင့် သီဟိုဠ် စသည့် ဥယျာဉ်ခြံလုပ်ငန်းများကို အဓိက လုပ်ကိုင်လျှက်ရှိသည့်အပြင် ငါးဖမ်းလုပ်ငန်းလည်း လုပ်ကိုင်ကြသည်။
ထားဝယ်ရေနက်ဆိပ်ကမ်း စီမံကိန်းကြောင့် ထားဝယ်မြို့နယ်တွင် မြန်မာ၊ ကရင်နှင့် မွန် ဒေသခံရွာပေါင်း ၃၀ကျော် ပြောင်းရွှေ့ရဖွယ်ရှိသည်ဟုလည်း စောအယ်နာက ပြောသည်။
ယခုကဲ့သို့ အစောဆုံးအသုတ်အနေနှင့် ရွာ ၅ရွာကို ပြောင်းရွှေ့ရန် အစိုးရနှင့် ကုမ္ပဏီတို့က စီစဉ်နေသော်လည်း ဒေသ ခံများ၏ ဆုံးရှုံးမှုများအား လျော်ကြေးပေးရေးနှင့် မည်သည့်လျော်ကြေးပမာဏ ပေးမည်ကို မသိရသေးပေ။
ထားဝယ်ရေနက်ဆိပ်ကမ်းကို ဘန်ကောက်အခြေစိုက် Italial-Thai Development က ထိုင်းဘတ်ငွေ ၄၀၀ ဘီလျံ ကျော် ရင်းနှီးမြုပ်နှံထားပြီး စီမံကိန်းနေရာကို ထိုင်းနိုင်ငံမှ ပညာရှင်များက ၂၀၀၅ ခုနှစ်ကတည်းက လာရောက်လေ့လာ ခဲ့သည်။ ၂၀၀၈ခုနှစ်၊ မေလတွင် မြန်မာနှင့် ထိုင်း နှစ်နိုင်ငံ အစိုးရတို့က နားလည်မှုစာချွန်လွှာ ရေးထိုးခဲ့သည်။
ထားဝယ်ဆိပ်ကမ်း စီမံကိန်းတွင် ရေနက်ဆိပ်ကမ်း တည်ဆောက်ရေး၊ သင်္ဘောတည်ဆောက်ရေး၊ စက်မှုဇုံနယ်မြေများ တည်ဆောက်ခြင်း၊ ရေနံဓာတုဆိုင်ရာ စက်မှုလုပ်ငန်းများ ထူထောင်ခြင်း၊ ရေနံချက်စက်ရုံ တည်ဆောက်ခြင်း၊ သံမဏိ စက်ရုံ၊ လျှပ်စစ်စက်ရုံများ တည်ဆောက်ခြင်း၊ ထားဝယ်-ကန်ချနဘူရီ(ထိုင်းနိုင်ငံ) အဝေးပြေးကားလမ်းနှင့် ရထားလမ်း ဖောက်လုပ်ခြင်း၊ ကားလမ်းနှင့် ရထားလမ်းတစ်လျှောက် ရေနံပိုက်လိုင်းသွယ်တန်းခြင်းလုပ်ငန်းများ ပါဝင်သည်။
သံဖြူဇရပ် ရဲစခန်းကို အမည် မသိ သေနတ်သမား ၂ဦး ပစ်ခတ်
သြဂုတ်လ ၂၉ရက်။ (ကေအိုင်စီ)
မွန်ပြည်နယ် သံဖြူဇရပ်မြို့၊ အောင်ဇေယျရပ်ကွက်ရှိ မြို့မရဲစခန်းကို အမည်မသိ သေနတ်သမားနှစ်ဦးက ယနေ့ နေ့လည် ၁၁နာရီ ဝန်းကျင်ခန့်က သေနတ်ဖြင့် ပစ်ခတ်သွားခဲ့သည်။
ဆိုင်ကယ်စီးလာသည့် ထိုသေနတ်သမား ၂ဦးသည် မြို့လယ်ရှိ ရဲစခန်းကို ၄၀-မမဖြင့် ပစ်ခတ်သွားရာ စခန်းခြံစည်းရိုးထိကာ ပေါက်ကွဲမှုမရှိသည့်အတွက် တစုံတရာ ထိခိုက်မှုမရှိကြောင်း သိရသည်။
“အရပ်သားဝတ်စုံနဲ့ပဲ ၂ယောက် ဆိုင်ကယ်စီးရင်းနဲ့ ပစ်သွားတာ။ နောက်က စီးတဲ့လူက ပစ်တယ်။ စခန်းဝင်းကိုတော့ ထိသွား တယ်။ ဒါပေမယ့် ဘာထိခိုက်မှုမှ မရှိဘူး။”ဟု သံဖြူဇရပ်မှ ရဲအရာရှိတဦးက ပြောသည်။
ထိုသေနတ်သမားနှစ်ဦးသည် မော်လမြိုင်ဘက်မှ လာသည့်လမ်းအတိုင်း ဝင်လာပြီး ရဲစခန်းကို ပစ်ခတ်ကာ ပငသွားရာလမ်းဘက် သို့ ဆိုင်ကယ်ဖြင့် ထွက်ပြေးမောင်းနှင်သွားကြောင်း မြို့ခံများက ပြောသည်။
အဆိုပါရဲစခန်းကို ဝင်ပစ်သွားသည့် သေနတ်သမားနှစ်ဦးမှာ မည်သူမည်ဝါဖြစ်ပြီး မည်သည့်အဖွဲ့အစည်းမှ ဖြစ်သည်ကို အာဏာပိုင် များက ရှာဖွေဖော်ထုတ်နိုင်ခြင်း မရှိသေးပေ။
သံဖြူဇရပ် မြို့ခံတစ်ဦးက “စခန်းကို ပစ်သွားပြီးတော့ ပငသွားတဲ့လမ်းဘက်ကို မောင်းပြေးသွားတာကြားတယ်၊ အသေးစိတ်ကို တော့ ဘာမှမသိရသေးဘူး။”ဟု ပြောသည်။
ရဲစခန်းဝင်ပစ်သွားသည့် ထိုသေနတ်သမားနှစ်ဦးကို မြို့ပေါ်ရှိ တာဝန်ရှိရဲများနှင့် စစ်တပ်များတို့က လိုက်လံရှာဖွေနေဆဲဖြစ်သည်ဟု ၎င်းမြို့ခံက ပြောသည်။
၂၀၁၀ ခုနှစ်၊ မေလက သံဖြူဇရပ် မြို့မရဲစခန်းအတွင်း ဗုံးတလုံးပေါက်ကွဲခဲ့သော်လည်း ယခုဖြစ်စဉ်လိုပင် တစုံတရာ ထိခိုက်ပျက် စီးမှု မရှိခဲ့ပေ။
အလားတူ ၂၀၁၁ခုနှစ်၊ ဇွန်လတွင်လည်း သံဖြူဇရပ်မြို့၊ မြို့နယ်အုပ်ချုပ်ရေးမှူး အိမ်အနီး၌ ဗုံးတလုံးပေါက်ကွဲခဲ့ရာ အုတ်တံတိုင်း ပြို ကျတာသည်မှလွဲ၍ ပျက်စီးဆုံးရှုံးမှု မရှိသလို ထိုဗုံးပေါက်ကွဲမှုမှာလည်း မည်သူ့လက်ချက်ဖြစ်သည်ကို အာဏာပိုင်တို့က ဖော်ထုတ် နိုင်ခြင်း မရှိခဲ့ပေ။
ထိုင်း ကရင်လူမျိုးစုကွန်ရက် ၄၅ ဖွဲ့  ဆန္ဒပြ
August 30, 2011 by မန်းစိုင်းမွန်
ထိုင်းနိုင်ငံမှာ ဌာနေကရင်တိုင်းရင်းသားတွေအပေါ် သစ်တောနှင့် သဘာဝသယံ ဇာတဌာနက လူ့အခွင့်အရေးချိုးဖောက်နေမှုကို ထိုင်းနိုင်ငံရှိ ကရင်လူမျိုးစုကွန်ရက် ၄၅ ဖွဲ့ က နိုင်ငံမြောက်ပိုင်း ချင်းမိုင်ခရိုင်ရုံးရှေ့မှာ မနေ့က ဆန္ဒပြကြပါတယ်။
မီးရှို့ခံရသည့် နေအိမ်တလုံး
ပက်ခ်ျဘူရီခရိုင် ကဲန်ကကျန် သစ်တောကြိုးဝိုင်းနေ ကရင်တိုင်းရင်းသားတွေဟာ သစ်တောပြုန်းတီးအောင် လုပ်နေမှု စတဲ့စွပ်စွဲချက်တွေနဲ့ ဒီတိုင်းရင်းသားတွေရဲ့ တောင် ယာတွေ၊ အိမ်တွေကို မီးရှို့တဲ့အပြင် လူတွေကိုလည်း ဖမ်းဆီးနေတာကြောင့် စစ်ဆေးအ ရေးယူပေးဖို့ အစိုးရကို တောင်းဆိုဆန္ဒပြကြတာပါ။
ဆန္ဒပြပွဲဦးဆောင်တဲ့ ထိုင်းနိုင်ငံ အမျိုးသား လူမှုရေးနဲ့ စီးပွားရေးအကြံပေးအဖွဲ့ဝင် မစ္စတာဝိုင်ရင်က ဒီကိစ္စကို ချင်းမိုင်ခရိုင်ဝန်ကတဆင့် ၀န်ကြီးချုပ်ဆီ တောင်းဆိုချက်တွေ တင်ပြထားတယ်လို့ ပြောပါတယ်။
“ကျနော်တို့ရဲ့ ညီအစ်ကို ကရင်တွေကို သဘ၀သစ်တောထိန်းသိမ်းရေး ဌာနအမှု ထမ်းတွေက သစ်တောပြုန်းအောင် လုပ်သူတွေလို့ မတရားစွပ်စွဲတယ်။ အထောက်အ ထား ဓာတ်ပုံတွေကိုကြည့်တော့ သစ်တောထိန်းသိမ်းတဲ့ အလှည့်ကျ ရွှေ့ပြောင်းတောင် ယာ အမျိုးအစားတွေဗျ။ သစ်ပင်ကလည်း ငယ်ငယ်လေးတွေပါ။”
ဒါ့အပြင် ဒီဒေသမှာ နေထိုင်သူတွေဟာ မြန်မာပြည်ဘက်က ကေအန်ယူတပ်ဖွဲ့ဝင် တွေ၊ ထိုင်းနိုင်ငံထဲခိုးဝင်နေသူတွေ၊ မူးယစ်ဆေးစိုက်ပျိုးသူတွေလို့လည်း စွပ်စွဲပေမယ့် အ ကြောင်းပြချက်တွေဟာ မခိုင်လုံပါဘူးလို့လည်း မစ္စတာဝိုင်ရင်က ပြောပါတယ်။
ကဲန်ကကျန် သဘာဝသစ်တော ထိန်းသိမ်းရေးဌာနမှူး နိုင်ချိုင်ဝပ်ကတော့ ဒီသစ် တောကြိုးဝိုင်းထဲမှာ နေထိုင်သူတွေဟာ သစ်တောကိုဖျက်ဆီးပြီး ဘိန်းပင်တွေစိုက်လို့ ခုလို အရေးယူနေတာပါလို့ ထိုင်းသတင်းဌာနတွေကို ပြောထားပါတယ်။ ထိုင်းအမျိုးသားလူ့အခွင့်အရေးကော်မရှင် မြေယာနှင့်သစ်တောဆပ်ကော်မတီ ဥက္ကဋ္ဌ ဒေါက်တာ နိရန်ဒေါင်ဖိတပ်ဝတ်ချရကတော့ ဒီကိစ္စနဲ့ပတ်သက်လို့ အထူးအစည်းအ ဝေး ချက်ခြင်းခေါ်တယ်လို့ ထိုင်းသတင်းတွေက ဖော်ပြပါတယ်။
၂၀၁၁ ခုနှစ် သန်းခေါင်စာရင်းအရ ထိုင်းနိုင်ငံမှာ ကရင်လူမျိုး ၄ သိန်းလောက် ရှိပြီး ထိုင်းနိုင်ငံရဲ့ လူဦးရေအများဆုံး တောင်ပေါ်လူမျိုးစုဖြစ်ပါတယ်။
ထိုင်းနိုင်ငံမြောက်ဘက်စွန်းကနေ တောင်ဘက်စွန်းအထိ ထိုင်း-မြန်မာ နယ်စပ် ဒေသတွေ၊ ထိုင်း-လာအိုနယ်စပ်နဲ့ နိုင်ငံအတွင်းပိုင်းဒေသတချို့မှာ ကရင်တိုင်းရင်းသားတွေဟာ နှစ်ပေါင်းရာနဲ့ချီ နေထိုင်ကြတာဖြစ်ပါတယ်။
http://burmese.dvb.no/archives/14903
Saturday, August 27, 2011
ခုခံကာကွယ်စစ်အရှိန်မြှင့်ရန် အက်စ်အက်စ်အေနှင့် ဒီကေဘီအေ ဆွေးနွေး
by ခင်မင်းဇော် DVB
နယ်ခြားစောင့်တပ်ဖွဲ့ရေးကို လက်မခံဘဲ စစ်အစိုးရလက်ထက်ကနေ ခုအစိုးရအထိ ပြန်လည်တိုက်ခိုက်နေတဲ့ အက်စ်အက်စ်အေ (ရှမ်းပြည်လွတ်မြောက်ရေးတပ်မတော်)နဲ့ ဒီကေဘီအေ (တိုးတက်သောကရင်ဗုဒ္ဓဘာသာ တပ်မတော်) တို့ တွေ့ဆုံပြီး မြို့တွင်းတိုက်ပွဲ ဆင်နွှဲပြီး ခုခံကာကွယ်စစ် တိုးမြှင့်မယ်လို့ သတင်းရရှိပါတယ်။
တွေ့ဆုံပွဲနဲ့ပတ်သက်လို့ ဒီကေဘီအေ ကလိုထူးဘော စစ်ဆင်ရေးမှူး ဗိုလ်မှူးစောစန်းအောင်က ခုလို ပြောပြပါတယ်။
“အက်စ်အက်စ်အေ တပ်မှူးကြီးတွေနဲ့ ကျနော်တို့ဆီက ဗျူဟာမှူးအဆင့် ရှိတဲ့ ဗိုလ်မှူးကျော်သက်နဲ့ သွားတွေ့တယ်။ ညှိနှိုင်းတယ်။ လာမယ့် အနီးကပ်ဆုံး အနာဂတ်မှာ အာဏာရှင်စနစ် ပြိုလဲဖို့အတွက် ဘယ်လိုတိုက်မလဲ၊ ဘယ်လိုချေမှုန်းမလဲဆိုတာ သွားပြီး ညှိနှိုင်းတိုင်ပင်ခဲ့တယ်။”
သမ္မတဦးသိန်းစိန် ဦးဆောင်တဲ့ အစိုးရက ငြိမ်းချမ်းရေးတံခါး ဖွင့်ထားတယ်လို့ ကြေညာပေမယ့် တိုင်းရင်းသားလက်နက်ကိုင် နယ်မြေတွေမှာ တိုက်ပွဲတွေ ဆက်ဖြစ်နေ တာကြောင့် အချိန်ကိုက် တိုက်ပွဲဖော်နိုင်အောင် ခုလို ပူးပေါင်းဆွေးနွေးရတာလို့ ဒီကေဘီအေက သတင်းထုတ်ပြန်ပါတယ်။
“တနေ့နေ့ တချိန်ချိန်မှာ အာဏာရှင် စစ်အစိုးရက ကျနော်တို့ တိုင်းရင်းသားတွေကို ကျူပင်ခုတ် ကျူငုတ်မကျန်တဲ့ နည်းတွေနဲ့ ရက်စက်ဦးမယ်ဆိုရင် ကျနော်တို့ အက်စ်အက်စ်အေနဲ့တကွ ကျန်တဲ့တိုင်းရင်းသား အသီးသီးလည်း မြို့တွင်း တိုက်ပွဲတို့ တောင်တန်းဒေသ သူတို့ရဲ့ ထိုးစစ်တွေကို နည်းအမျိုးမျိုးနဲ့ ခုခံတိုက်ခိုက်မယ်။ ကျန်တာတွေလည်း ခံစစ်အသေမဟုတ်ဘဲနဲ့ ထိုးစစ်နဲ့ ဆက်လက်တိုက်ဖို့ ကျနော်တို့ တိုင်ပင် ညှိနှိုင်းကြတယ်။”
အက်စ်အက်စ်အေ တောင်ပိုင်းနဲ့ မြောက်ပိုင်း ဒီနှစ်အတွင်း တဖွဲ့တည်း ပြန်လည် ပေါင်းစည်းခဲ့ပါတယ်။
ကေအန်ယူ (ကရင်အမျိုးသားအစည်းအရုံး)ကနေ ခွဲထွက်လာခဲ့တဲ့ ဒီကေဘီအေ ကတော့ နအဖ စစ်အစိုးရနဲ့ အပစ်အခတ်ရပ်စဲရေး သဘောတူခဲ့ပေမယ့် နယ်ခြားစောင့် တပ် ဖွဲ့စည်းရေးနဲ့ ၂၀၁၀ ရွေးကောက်ပွဲတို့ကို လက်မခံနိုင်လို့ တိုက်ပွဲပြန်ဝင်လာခဲ့တာပါ။
KNU နှင့် ဆွေးနွေးရန် အစိုးရကိုယ်စားလှယ်စေလွှတ်
ဧရာဝတီ Friday, 26 August 2011
အစိုးရက ကရင်အမျိုးသား အစည်းအရုံး (KNU) နှင့် ငြိမ်းချမ်းရေး ဆွေးနွေးရန် ဘာသာရေး ခေါင်းဆောင်များကို မကြာသေးမီက တာဝန်ပေး လိုက်သည်ဟု ကရင်တိုင်းရင်းသား နိုင်ငံရေးသမားတဦးက ဧရာဝတီကို ပြောသည်။
အစိုးရ နှင့် လက်နက်ကိုင်အဖွဲ့ တဖွဲ့ချင်း ဆွေးနွေးကြမည် မဟုတ်ဘဲ တပ်ပေါင်းစုအနေဖြင့်သာ ဆွေးနွေးနိုင်မည်ဟု KNU ဒု ဥက္ကဋ္ဌ ပဒိုဒေးဗစ်သကဘောက ပြောသည် (ဓာတ်ပုံ - ဧရာဝတီ)
ကရင်ပြည်နယ်အစိုးရ ၀န်ကြီးချုပ် ဗိုလ်မှူးချုပ်ဇော်မင်းက စီစဉ်ခြင်းဖြစ်သည်ဟု ဆိုသည်။
"ဒီရက်ပိုင်းအတွင်းမှာပဲ KNU နဲ့ ဆွေးနွေးဘို့ ဗုဒ္ဓဘာသာနဲ့ ခရစ်ယာန် ကရင်ဘာသာရေး ခေါင်းဆောင်တွေကို စေလွှတ်ဖို့ စီစဉ်ထားတယ်။ ဒီတခါလုပ်မယ့် ငြိမ်းချမ်းရေးက ပြည်နယ် အဆင့်က လုပ်မှာ ဖြစ်တယ်။ အဲဒီ ကိုယ်စားလှယ်အဖွဲ့မှာ ကျနော့်မိတ်ဆွေ ဘုန်းတော်ကြီးတွေလည်း ပါတယ်" ဟု ကရင်နိုင်ငံရေးပါတီတခု၏ ခေါင်းဆောင်က ပြောသည်။
နောက်ဆုံးရရှိသည့်သတင်းအရ ကရင်ပြည်နယ်ဝန်ကြီးချုပ်၏ ပဏာမ ကိုယ်စားလှယ်အဖွဲ့သည် ထိုင်းမြန်မာနယ်စပ်ရှိ KNU အဆင့်မြင့် ခေါင်းဆောင်တချို့နှင့် ယမန်နေ့က တွေ့ဆုံခဲ့သည်ဟု သိရသည်။
သို့သော်လည်း KNU က အစိုးရ၏ အစီအစဉ်ကို လက်ခံမည် မဟုတ်ကြောင်း၊ တိုင်းရင်းသားအဖွဲ့များက အစိုးရနှင့်တွေ့ဆုံဆွေးနွေးရန် UNFC ခေါ် တိုင်းရင်းသားလူမျိုးများ ဖက်ဒရယ်ကောင်စီကို ဖွဲ့စည်းထားပြီးဖြစ်ကြောင်းKNU ဒုဥက္ကဌ ပဒိုဒေးဗစ်သကဘောက ဧရာဝတီကို ပြောသည်။
"မြန်မာအစိုးရအနေနဲ့ ဒီကိစ္စ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC နဲ့ သွားပြောရင်တော့ ဖြစ်နိုင်တယ်။ KNU နဲ့တော့ တိုက်ရိုက် ပြောလို့ မရဘူး။ UNFC မှာ အခြေခံဥပဒေ ရှိတယ်။ ဒါကြောင့် ကျနော်တို့ ပယ်ချတာဖြစ်တယ်။ သူတို့ အရင်ကလည်း တဖွဲ့ချင်းစီကို လိမ်ညာနေတယ်၊ တိုင်းရင်းသားတွေကို အနိုင်ကျင့် ဗိုလ်ကျနေတယ်" ဟု ပဒိုဒေးဗစ်သကဘောက ပြောသည်။
လက်နက်ကိုင်အဖွဲ့များကို သီးခြားစီ ဆွေးနွေးရန် ကြိုးပမ်းနေခြင်းမှာ ဖဲ့ထုတ် စည်းရုံးခြင်းဖြစ်သည်ဟု သူက ဆိုသည်။
မကြာသေးသမီက ကချင်လွတ်လပ်ရေး အဖွဲ့၊ မွန်ပြည်သစ်ပါတီတို့ကလည်း KNU နည်းတူ တုံ့ပြန်ထားပြီးဖြစ်သည်။
UNFC တပ်ပေါင်းစုကို တိုင်းရင်းသား လက်နက်ကိုင်အဖွဲ့ ၆ ဖွဲ့နှင့် ဆက်စပ်အဖွဲ့ ၆ ဖွဲ့ တို့က ယခုနှစ် ဖေဖေါ်ဝါရီလက စတင် ဖွဲ့စည်းခဲ့သည်။
http://www.irrawaddy.org/bur/index.php/news/7163-knu---
Friday, August 26, 2011
မစ္စတာ ကင်တားနား တိုင်းရင်းသားပါတီများနှင့် တွေ့ဆုံခဲ့
စောသိန်းမြင့် (ကေအိုင်စီ)
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာကင်တားနားသည် သြဂုတ်လ ၂၃ရက်နေ့က တိုင်းရင်းသားပါတီများကို နေပြည်တော်ရှိ လွှတ်တော် အဆောက်အအုံ ဇမ္ဗူသီရိ အစည်းအဝေးခမ်းမတွင် တွေ့ဆုံခဲ့သည်မှာ သာမန်အနေဖြင့်သာဖြစ်ကြောင်း မွန်ဒေသလုံးဆိုင်ရာ ဒီမိုကရေစီပါတီက ပြောသည်။
မွန်ဒေသလုံးဆိုင်ရာ ဒီမိုကရေစီပါတီ ဥက္ကဌ နိုင်ငွေသိန်းက “တွေ့ဆုံမှုကတော့ သာမန်အားဖြင့် သဘောပါပဲ။ ကျနော်တို့ ကိုယ် စားလှယ်ပြောတာက ထူးထူးခြားခြား ဆွေးနွေးတာတော့မရှိပါဘူး။ အများနဲ့တွေ့ပြီးတော့ အများနဲ့ပြောတဲ့စကားပါပဲတဲ့။ Hum-an right နဲ့ပတ်သက်ပြီးတော့ နည်းနည်းပါးပါး ပြောပြီးတော့ ပြန်ပြောတဲ့သဘောပဲရှိတယ်။ သူကလည်း Human right နဲ့ ပတ် သက်တာကို သိချင်တာ များတယ်။”ဟု ကေအိုင်စီကို ပြောသည်။
ယင်းတွေ့ဆုံမှုတွင် ရွေးကောက်ပွဲဝင်သည့် လွှတ်တော်တက်ရောက်သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ စည်း လုံးညီညွှတ်ရေးနှင့် ဒီမိုကရေစီပါတီ ကချင်ပြည်နယ်(စဒက) စသည့်နိုင်ငံရေးပါတီ ၁၆ပါတီ ပါဝင်ခဲ့သလို တသီးပုဂ္ဂလတို့မှ ပြည်သူ့လွှတ်တော်နှင့် အမျိုးသားလွှတ်တော် ကိုယ်စားလှယ်များဖြစ်ကြသည့် ဦးသူရိန်ဇော်၊ ဦးခက်ထိန်နန်၊ ဦးမန်းအောင်တင် မြင့်၊ ဦးဆိုင်ပေါင်းနပ်၊ ဦးခွန်လိန်း၊ ဦးဘရန်ရှောင်၊ ဦးနယ်လ်ဆင် (ခ) ဦးဆောင်ဆီ၊ ဒေါက်တာသန်းဝင်း၊ ဦးညွှန့်တင်၊ ဦးနေ၀င်း ထွန်း၊ ဦးစောနေကော်ကြီး၊ ဦးစခုန်တိန့်ယိန်း၊ ဒေါက်တာဗညားအောင်မိုး၊ ဒေါ်ဇာတလဲမ်း၊ ဦးအိုက်မုန်း၊ ဒေါ်နန်းစေအွာ၊ ဦး အောင်ထွန်းသာ၊ ဦးဝင်းဆွေနှင့် ဦးသိန်းညွှန့်တို့ကိုပါ တခါတည်း တွေ့ဆုံခဲ့သည်ဟု အစိုးရသတင်းစာတွင် ဖော်ပြထားသည်။
မစ္စတာကင်တားနား၏ တွေ့ဆုံမှုတွင် မြန်မာပြည်မှာ လွတ်လပ်တဲ့ လူ့အခွင့်အရေးကော်မတီ ဖွဲ့စည်းနိုင်ရေး အဆိုပြုကြပြီး နိုင်ငံရေးအကျဉ်းသားများအရေး၊ တိုင်းရင်းသားဒေသအတွင်း လက်နက်ကိုင်ပဋိပက္ခများကြောင့် ဖြစ်ပေါ်နေသည့် လူ့အခွင့်အ ရေးချိုးဖောက်မှု အခြေအနေများကို တင်ပြဆွေးနွေးခဲ့သည်ဟု ပြည်ပအခြေစိုက် မြန်မာသတင်းဌာနများက ဆိုသည်။
ထိုနေ့တွင် မစ္စတာကင်တားနားက ပြည်ထောင်စုအစိုးရအဖွဲ့ဝင်များ၊ သမ္မတအကြံပေးအဖွဲ့ဝင်များနှင့် တွေ့ဆုံခဲ့ပြီး ယမန်နေ့ က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် သူမ၏နေအိမ်တွင် တွေ့ဆုံခဲ့သလို ယနေ့မနက်ကလည်း ရန် ကုန်မြို့၊ အင်းစိန်ထောင်သို့ သွားရောက်ကာ နိုင်ငံရေးအကျဉ်းသားတချို့နှင့် တွေ့ဆုံခဲ့သည်ဟု သိရသည်။
၎င်းအပြင် မစ္စတာကင်းတားနား ခရီးစဉ်နောက်ဆုံးရက်တွင် လူ့အခွင့်အရေး လှုပ်ရှားသူများက မြန်မာနိုင်ငံအတွင်း လူ့အခွင့် အရေးမှုများ တိုင်ပြကြသည်ဟု သိရသည်။
သြဂုတ် ၂၁ရက်နေ့က မြန်မာနိုင်ငံကို စတင် ရောက်ရှိခဲ့သည့် မစ္စတာကင်တာနားသည် ယနေ့ညနေပိုင်းတွင် ပြန်လည်ထွက်ခွာ မည်ဖြစ်ပြီး မင်္ဂလာဒုံလေဆိပ်၌ သတင်းစာရှင်းလင်းပွဲ ပြုလုပ်ရန်ရှိသည်ဟု ပြည်တွင်းသတင်းများအရ သိရသည်။
အုန်းဖျန်စခန်း ဒုက္ခသည်များကို ဂျပန်နိုင်ငံက ခေါ်မည်
စောခါးစူး (ကေအိုင်စီ)
တတိယနိုင်ငံသို့ နေရပ်ပြောင်းရွှေ့နေရာချထားရေး အစီအစဉ်အရ ထိုင်း-မြန်မာနယ်စပ် တာ့ခ်ခရိုင်၊ ဖုတ်ဖရမြို့နယ်အတွင်းရှိ အုန်းဖျန်ဒုက္ခသည်စခန်းမှ ဒုက္ခသည်များကို ၂၀၁၂ခုနှစ်၌ ဂျပန်နိုင်ငံက ခေါ်ယူ နေထိုင်ခွင့်ပြုသွားမည်ဟု အုန်းဖျန်စခန်းတာဝန် ရှိသူများက ပြောသည်။ သို့သော် လက်ခံခေါ်ယူမည့် ဒုက္ခသည် အရေအတွက်ကိုမူ မသိရသေးပေ။
ဇူလိုင်လက ဂျပန်အစိုးရ ကိုယ်စားလှယ်နှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီး(UNHCR) အဖွဲ့တို့က အုန်းဖျန် စခန်းရှိ တာဝန်ရှိသူများနှင့် လာရောက်တွေ့ဆုံကာ ဂျပန်နိုင်ငံ သွားရောက်နေထိုင်လိုသူ ဒုက္ခသည်များကို လာမည့်နှစ် စက် တင်ဘာတွင် အမည်စာရင်း လာကောက်ယူမည်ဟု အသိပေး ပြောကြားခဲ့သည်။
အုန်းဖျန်စခန်း ဥက္ကဌ စောဝါးထီးက “သူတို့(ဂျပန်နှင့် UNHCR)က ဂျပန်နိုင်ငံ သွားချင်တဲ့သူတွေ လာမယ့်နှစ်မှာ လျှောက်လို့ရ ပြီပေါ့။ ဒုက္ခသည်တွေ စခန်းကနေ ထွက်ဖို့ တဆင့်ပြီးတဆင့် သူတို့ ဆောင်ရွက်သွားမယ်။”ဟု ပြောသည်။
ဂျပန်အစိုးရက ၎င်းနိုင်ငံအတွင်း အခြေချနေထိုင်ရန် လျှောက်လွှာတင်သူများသည် UNHCR ၏ တရားဝင် မှတ်ပုံတင်လက် မှတ် ကိုင်ဆောင်ထားသူများ ဖြစ်ရမည်ဟု သတ်မှတ်ထားပြီး အရွေးခံရသူများကို ၂၀၁၃ခုနှစ်၊ စက်တင်ဘာလတွင် ဂျပန်နိုင်ငံ သို့ လာရောက်နိုင်ရန် စီစဉ်မည်ဖြစ်ကြောင်း သူက ဆက်ပြောသည်။
အုန်းဖျန်စခန်းတွင် နေထိုင်သူ ဒုက္ခသည် နော်ဘော့ညောက “ဂျပန်နိုင်ငံကို သွားဖို့ စိတ်ဝင်စားတဲ့သူ အများကြီးရှိတယ်။ ဂျပန် နိုင်ငံက အလုပ်နိုင်ရင် လုပ်သလို အခကြေးရတယ်လေ။ ကျမလည်း စိတ်ဝင်စားတယ်။ ဒါပေမယ့် မိသားစု အကန့်အသတ် ရှိတော့ သွားလို့ မရဘူး။”ဟု ပြောသည်။
ဂျပန်နိုင်ငံလျှောက်သူများသည် ခြေပြတ်၊ လက်ပြတ်ဒုက္ခိတ မဖြစ်ရ၊ အိမ်ထောင်သည်များ ဖြစ်ရမည်၊ သို့သော် မိသားစုဦးရေ ၄ယောက်ထက် မများသူ၊ အသက် ၄၀နှစ်အောက် အရွယ်ရှိသူ ဖြစ်ရမည်ဟု ဂျပန်အစိုးရက သတ်မှတ်ထားကြောင်းလည်း အုန်းဖျန်တာဝန်ရှိသူများက ပြောသည်။
ဂျပန်နိုင်ငံတွင် အခြေချသည့် ဒုက္ခသည်များကို ဂျပန်အစိုးရက ငွေကြေးနှင့်အတူ ဂျပန်ဘာသာစကား၊ စာပေ ယဉ်ကျေးမှုနှင့် အသက်မွေးဝမ်းကျောင်း ပညာတို့ကို ၆လကြာ ကူညီထောက်ပံ့ သင်ကြားပေးသည်။
သို့သော် ယခုနှစ် မတ်လ၌ ဂျပန်နိုင်ငံတွင် ဆူနာမီ သဘာဝဘေးအန္တရာယ် ကျရောက်ပြီး လူအများအပြား သေဆုံးမှုကြောင့် အုန်းဖျန်စခန်းရှိ ဒုက္ခသည်အချို့ ဂျပန်နိုင်ငံသွားရန် တုံ့ဆိုင်းနေသည်ဟု အုန်းဖျန်ဒုက္ခသည်များက ပြောသည်။
Photo-KIC (အုန်းဖျန်ဒုက္ခသည်စခန်း)
ထိုင်းနိုင်ငံ၊ မဲဆောက်မြို့မှ တောင်ဘက် ၇၅ကီလိုမီတာခန့် အကွာတွင်ရှိသည့် အုန်းဖျန်စခန်းသည် ၁၉၉၉ခုနှစ်တွင် စတင် တည်ထောင်ခဲ့ပြီး မြန်မာဒုက္ခသည် နှစ်သောင်းကျော် နေထိုင်လျက်ရှိသည်ဟု ကရင်ဒုက္ခသည်များကော်မတီ-KRC ၏ ဇူလိုင် လထုတ် အစီရင်ခံစာအရ သိရသည်။
ပြီးခဲ့သည့် ၂၀၁၀ခုနှစ်၌ ထိုင်း-မြန်မာနယ်စပ် အကြီးဆုံး ဒုက္ခသည်စခန်းဖြစ်သည့် မယ်လစခန်းမှ ဒုက္ခသည် ၃၂ဦးကို ဂျပန်အ စိုးရက ၎င်း၏နိုင်ငံတွင် အခြေချ နေထိုင်ခွင့်ပြုခဲ့ပြီး ဖြစ်သည်။
ထိုင်း-မြန်မာ နယ်စပ်တလျှောက်တွင် မယ်လ၊ အုန်းဖျန်၊ နို့ဖိုး၊ မယ်လအူး၊ မယ်ရာမို၊ ထမ်းဟင်၊ ဘန့်ဒုံယမ်း စသည့် ကရင်ဒုက္ခ သည်စခန်း ၇ခုနှင့် ကရင်နီစခန်း အမှတ်(၁)၊ အမှတ်(၂) အပါအ၀င် ဒုက္ခသည်စခန်း ၉ခုရှိပြီး လူဦးရေ တစ်သိန်းကျော်ရှိသည် ဟု သိရသည်။
အစိုးရစစ်တပ်တွင် ကလေးစစ်သားရှိနေဆဲ
နန်းဖော့ဂေ (ကေအိုင်စီ)
အစိုးရသစ် တက်လာသော်လည်း မြန်မာစစ်တပ်အတွင်း၌ ကလေးစစ်သားများကို ခေါ်ယူ အသုံးပြုလျှက်ရှိနေသေးကြောင်း သြဂုတ်လ ၂၃ရက်နေ့က ကေအဲန်ယူနယ်မြေသို့ ထွက်ပြေးရောက်ရှိလာသည့် အသက် ၁၇နှစ်အရွယ် မြန်မာတပ်သားက ထုတ်ဖော်ပြောဆိုသည်။
မြ၀တီမြို့နယ်၊ မော်ခီးကျေးရွာတွင် တပ်စွဲလှုပ်ရှားနေသည့် မြန်မာစစ်တပ် အမှတ်(၅) စစ်ကွပ်ကဲရေးဌာနချုပ် လက်အောက်ခံ ခလရ(၃၇၂)တပ်ရင်းမှ တပ်သား မောင်ရဲထက်သည် ကေအဲန်အယ်လ်အေ တပ်ရင်း(၂၀၁)တပ်ဖွဲ့ဝင်များထံ သြဂုတ်လ ၂၃ ရက်နေ့က ထွက်ပြေးရောက်ရှိလာပြီး ယခုလို ပြောဆိုလိုက်ခြင်း ဖြစ်သည်။
“တပ်ထဲမှာ ကျနော်က အငယ်ဆုံးပဲ။ ကျန်တာက အသက် ၂၀နဲ့အထက်တွေ။ ဒါပေမဲ့ ကျနော် စစ်အခြေခံသင်တန်း တက်ခဲ့ တုန်းက ကျနော်တို့တပ်ခွဲမှာ ၂၅၂ယောက်ရှိတာ ကလေးစစ်သားက ၁၀ယောက်လောက်ရှိတယ်။ ကျနော့်ထက် ငယ်တာချည်း ပဲ။”ဟု တပ်သားမောင်ရဲထက်က ပြောသည်။
သူက တပ်ရင်းမှ ထွက်ပြေးလာရသည့် အကြောင်းကိုလည်း ယခုလို ပြောပြခဲ့သည်။ “ကျနော် ငှက်ဖျားမိပြီးတော့ ခြေထောက် ချိသွားတာ။ အဲဒါ ဗိုလ်ကြီးရဲလေးဝင်းက ကျနော့်ကို ဖိနပ်စီးခိုင်းတယ်။ လယ်ဒိုစီးခိုင်းတာ ၃မိနစ်ပဲ အချိန်ပေးတာကို ၅မိနစ်ဖြစ် သွားလို့ ကျနော့်ကို အပြစ်ပေးတာ။ ခြေထောက်ချိနေတာကို ဂျွမ်းထိုးခိုင်းတော့ စိတ်ပျက်ပြီး ထွက်လာတာပဲ။”ဟု ပြောသည်။
ယမန်နှစ် မေလက ရန်ကုန်ဘူတာကြီးတွင် သူငယ်ချင်းတဦးနှင့်အတူ စစ်သားနှစ်ဦး၏ ခြိမ်းခြောက်ခေါ်ဆောင်မှုကြောင့် ၂၀၁၀ ခုနှစ်၊ ဇွန်လ ၁၆ရက်နေ့တွင် စစ်သင်တန်းတက်ရောက်ကာ တပ်ထဲ ၀င်ရောက်ခဲ့ရပြီး ယခုလ ၂၀ရက်နေ့က လက်နက်ခဲယမ်း မပါဘဲ တပ်ထဲမှ ထွက်ပြေးလာခြင်းဖြစ်သည်ဟု ကလေးစစ်သား မောင်ရဲထက်က ပြောသည်။
“ကျနော် လက်နက်မယူလာဘူး။ ယူလာရင် သူတို့တွေ လိုက်လာမှာစိုးလို့။ ယူနီဖောင်းရယ်၊ ပုဆိုးတစ်ထည်ရယ်ပဲ ပါတယ်။ ကျနော် မလုပ်ချင်တာက နဂိုကတည်းကကို မလုပ်ချင်တာ။ တပ်ထဲမှာက ထွက်ပြေးချင်သူတွေချည်းပဲ။”ဟု ၎င်းက ဆိုသည်။
သူသည် ဖောင်ကြီးရှိ စစ်လေ့ကျင့်ရေးစခန်းတွင် ၄လခွဲ သင်တန်းတက်ခဲ့ပြီး ခလရ(၃၇၂)နဲ့အတူ ရခိုင်ပြည်နယ်၊ အမ်းမြို့နယ် တွင် ၄လကြာ တာဝန်ယူပြီး ယခုနှစ် ဖေဖော်ဝါရီလ ၂၁ရက်နေ့တွင် ကရင်ပြည်နယ်ဘက် ရောက်ရှိလာခြင်းဖြစ်သည်။
“ကျနော်တို့စစ်ကြောင်းမှာတော့ အကျဉ်းသားပေါ်တာ ၆ယောက်ပါတယ်။ တယောက်က ထွက်ပြေးသွားပြီး နောက်တယောက် က ပျောက်သွားတယ်။ စစ်ကြောင်း(၂)မှာတော့ အကျဉ်းသားတွေ တော်တော်များများပါတယ်။ တပ်ထဲမှာတော့ လုပ်ရတာ အများကြီးပဲ။ ၀ါးခုတ်ရတယ်။ တဲဆောက်ရတယ်။ နောက်ပြီးတော့ ခိုင်းတာတွေ အကုန်လုပ်ရတာပေါ့။ တပ်ထဲမှာ ကလေးစစ် သားဆိုတာ မရှိသင့်ဘူး။ ဘာဖြစ်လို့လဲဆိုတော့ မိဘနဲ့လည်း မနေရဘူး။ အဝေးကြီးမှာ။ ပညာရေးကလည်း မစုံဘူး။ နောက်ပြီး တော့ ခွင့်ယူလို့လည်း မရဘူး။”ဟု သူ၏အမြင်ကို ပြောသည်။
ပြီးခဲ့သည့် ၂၀၁၀၊ နိုဝင်ဘာလက ပြုလုပ်ခဲ့သည့် ရွေးကောက်ပွဲတွင် တပ်တွင်းရှိ တပ်သားများကိုယ်စား တပ်ရင်းမှူးများသာ မဲ ထည့်ပေးခဲ့ကြောင်းနှင့် စစ်တပ်ထဲတွင် ကလေးစစ်သားများ ဆက်လက် ရှိနေသေးသည့်အတွက် မရှိသင့်တော့ကြောင်းလည်း ကိုယ်ပိုင်နံပါတ် တ-၄၃၈၅၆၇နှင့် မောင်ရဲထက်က ပြောသည်။
ယခု ထွက်ပြေးရောက်ရှိလာသည့် ကလေးစစ်သားကို ၎င်း၏ဆန္ဒအလျောက် အကောင်းဆုံးဖြစ်အောင် စီစဉ်ပေးသွားမည်ဟု ကေအဲန်ယူ တွဲဖက်အတွင်းရေးမှူး(၁) ဗိုလ်မှူးစောလှငွေက ပြောသည်။
မြ၀တီမြို့နယ်၊ မော်ခီးဒေသတွင် ဒုဗိုလ်မှူးကြီးမြတ်ထွန်းနိုင် ဦးစီးသည့် ခလရ(၃၇၂)တပ်ဖွဲ့အပြင် ခလရ(၃၇၁)၊ (၃၇၃)တပ် ရင်းများလည်း လှုပ်ရှားတပ်စွဲထားလျှက်ရှိသည်ဟု သိရသည်။
Thursday, August 25, 2011
ချောင်းရေကြီးမှုကြောင့် ကရင်နီ ဒုက္ခသည်တဦး ရေနစ်သေဆုံးခဲ့
နန်းသူးလေ (ကေအိုင်စီ)
ထိုင်းနိုင်ငံ မယ်ဟောင်ဆောင်ခရိုင်၊ မဲ့စရင်းမြို့နယ်ရှိ ကရင်နီဒုက္ခသည်စခန်း အမှတ်(၂)တွင် မဲ့စရင်းချောင်း ရေကြီးမှုကြောင့် စခန်းတွင်းရှိ ရိက္ခာဂိုဒေါင်မှူးတစ်ဦး ရေနစ်သေဆုံးသွားခဲ့သည်ဟု စခန်းတွင်းနေထိုင်သူများ၏ ပြောပြချက်အရ သိရသည်။
သြဂုတ်လဆန်းပိုင်းမှ စတင်ပြီး မိုးများဆက်တိုက် ရွာသွန်းနေမှုကြောင့် စခန်းအတွင်းရှိ မဲ့စရင်းချောင်း ရေစီးနှုန်း ပိုသန်လာကာ သြဂုတ်လ ၁၀ရက်နေ့တွင် ရိက္ခာဂိုဒေါင်သို့ ကြည့်ရှုရန် သွားရောက်ခဲ့သည့် စခန်း၏ ရိက္ခာဂိုဒေါင်မှူး ဒုတာဝန်ခံ စောခင်မောင် ခူး ၅၂နှစ်သည် ရေနစ်မြုပ်ကာ သေဆုံးသွားခဲ့ကြောင်း စခန်းသူ နော်ခရစ်မယ်ရီထူးက ယခုလို ပြောပြသည်။
သူမက “ပြီးခဲ့တဲ့ ၁၀ရက်နေ့က စခန်းထဲမှာ ရေတွေကလည်း အရမ်းကြီးပြီး ရေစီးလည်းသန်နေတယ်။ ရေတွေလည်း အရမ်း ကြီးနေတုန်း ညနေပိုင်း ၆နာရီလောက်မှာ သူ ဂိုဒေါင်ကိုအသွား လမ်းမှာကျောက်တုံးနဲ့ တိုက်မိပြီး ရေထဲကျသွားတယ်။ သူ့ ပစ္စည်းတွေလည်း အကုန်ရေထဲမျောသွားတော့ အဲ့ဒါတွေ လိုက်ကောက်ရင်း ရေစီးထဲမှာ သူပါ မျောသွားတယ်။ အဲ့ဒီအချိန်က နည်းနည်းမှောင်နေပြီဆိုတော့ အနီးမှာ ဘယ်သူမှမရှိဘူး။”ဟု ပြောသည်။
နှစ်ပတ်ကျော် ပျောက်ဆုံးနေသည့် စောခင်မောင်ခူး၏အလောင်းအား သြဂုတ်လ ၂၃ရက် နေ့လည်ပိုင်းတွင် ပြန်လည်တွေ့ရှိခဲ့ ကြပြီး သေဆုံးသူ၏ မိသားစုဝင်များ၊ စခန်းသူစခန်းသားများနှင့် စခန်းတာဝန်ရှိသူများ ပူးပေါင်းပြီး စခန်း၏သုဿန်သို့ သွား ရောက်ပို့ဆောင်ခဲ့ကြသည်ဟု နော်ခရစ်မယ်ရီထူးက ပြောသည်။
စောခင်မောင်ခူးအတွက် ရည်စူး၍ မိသားစုဝင်များက မနက်ဖြန်တွင် ဘုရားဝတ်ပြု ဆုတောင်းပေးကြမည်ဖြစ်ကြောင်း မိသားစု ၀င်တစ်ဦးက ဆိုသည်။
ယခု ရေကြီးသည့် ကရင်နီဒုက္ခသည်စခန်းတွင် လွန်ခဲ့သည့် ၅နှစ်ခန့်က တကြိမ်ရေကြီးခဲ့ပြီး ထိုစဉ်က နေအိမ် ၇လုံး ပျက်စီး သွားခဲ့သော်လည်း ဒုက္ခသည်များ သေဆုံးဒဏ်ရာရမှု မရှိကြောင်း သိရသည်။
လက်ရှိအချိန်တွင် ကရင်နီဒုက္ခသည်စခန်း၌ ရေများ ပြန်လည်လျော့ကျသွားပြီဖြစ်ကြောင်း စခန်းသားတစ်ဦးက ပြောသည်။
မဲ့ဟောင်ဆောင်ခရိုင်တွင် ကရင်နီဒုက္ခသည်စခန်း အမှတ်(၁)နှင့် အမှတ်(၂)ဟူ၍ စခန်း ၂ခုရှိပြီး စခန်း(၂)နှင့် ၈၀ကီလိုမီတာ ကွာဝေးသည့် စခန်း(၁)တွင်မူ ရေကြီးမှု တစုံတရာ မရှိပေ။ ကရင်နီဒုက္ခသည်စခန်း(၂)သည် မဲ့စရင်းမြို့မှ ၁၄၀ကီလိုမီတာ ကွာ ဝေးပြီး ဒုက္ခသည်ဦးရေအားဖြင့် ၃,၆၈၀ဦးရှိကြောင်း သိရသည်။
ငြိမ်းချမ်းရေးလိုလားလျှင် တနိုင်ငံလုံး အပစ်ရပ်ရန်လိုဟု ဒီကေဘီအေပြော
by ဒီဗွီဘီ
ြ
ငိမ်းချမ်းရေးလုပ်လိုရင် တနိုင်ငံလုံး အပစ်အခတ်ရပ်စဲပြီး တပ်တွေဆုတ်ခွာဖို့နဲ့ နိုင်ငံရေးအကျဉ်းသားတွေလွှတ်ပြီး အန်အယ်လ်ဒီအပါဝင် တခြားနိုင်ငံရေးပါတီတွေနဲ့ တွေ့ဆုံဆွေးနွေးဖို့ ဒီကေဘီက သဘောထားထုတ်ပြန်လိုက်ပါတယ်။
ခုလ ၁၈ ရက်မှာ နေပြည်တော်က ကိုယ်စားလှယ်အဖွဲ့တဖွဲ့ ကရင်ပြည်နယ် ဘားအံမြို့ တောင်ကလေးဆရာတော်ကနေဆင့် ဗိုလ်ချုပ်စောလဲဘွဲ ဦးဆောင်တဲ့ ဒီကေဘီအေ ကလိုထူးဘောစစ်ဌာနချုပ်ကို ငြိမ်းရေးကိစ္စ ဆွေးနွေးလိုကြောင်း ချဉ်းကပ်ခဲ့ ပါတယ်။
ဒီချဉ်းကပ်မှုအပေါ် တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) ကလိုထူးဘော တပ်ရင်းက တောင်းဆိုချက်လေးချက်နဲ့ သဘောထား ထုတ်ပြန်ပြီး တုံ့ပြန်လိုက်တာပါ။
“အစိုးရအနေနဲ့ ငြိမ်းချမ်းရေးလုပ်လိုရင် တနိုင်ငံလုံးအတိုင်းအတာနဲ့ အပစ်ခတ်ရပ်စဲရေး တရားဝင်ကြေညာဖို့၊ တိုင်းရင်းသား ဒေသတွေမှာ အခြေပြုထားတဲ့ တပ်တွေဆုတ်ခွာဖို့၊ ထိန်းသိမ်းထားတဲ့ နိုင်ငံရေးအကျဉ်းသားတွေကို ခြွင်းချက်မရှိ လွှတ်ဖို့နဲ့ အမျိုးသားဒီမိုကရေစီအဖွဲ့ချုပ် အပါအဝင် နိုင်ငံရေးပါတီတွေနဲ့ အစိုးရအဖွဲ့တို့ တွေ့ဆုံဆွေးနွေးဖို့” စတဲ့တောင်းဆိုချက်တွေဖြစ်ပါတယ်။
ဩဂုတ် ၂၂ ရက်စွဲပါ ဒီကေဘီအေ သဘောထားကြေညာချက်မှာ ဦးသိန်းစိန် အစိုးရအနေနဲ့ ပြည်တွင်းငြိမ်းချမ်းရေး လုပ်ငန်းစဉ်ကို တနိုင်ငံလုံးအတိုင်းအတာဆောင်တဲ့ ဆွေးနွေးမှုတွေကို ဂုဏ်သိက္ခာရှိရှိ လုပ်ဆောင်သွားဖို့ လိုတယ်လို့လည်း ပါရှိပါတယ်။
ပြည်တွင်းစစ်ကာလရှည်အတွင်း တိုင်းရင်းသားပြည်သူတွေ နစ်နာဆုံးရှုံးမှုတွေကို နေ့စဉ်တွေ့မြင်နေတဲ့အပေါ် မိမိတို့အနေနဲ့ စစ်မှန်တဲ့ ပြည်တွင်းငြိမ်းချမ်းရေးကို အမှန်တ ကယ် လိုလားကြောင်းလည်း ပြောထားပါတယ်။
ဒါ့အပြင် မြန်မာအစိုးရက နယ်ခြားစောင့်အဖြစ် လက်ခံလိုက်တဲ့ ဒီကေဘီကေ တပ်မှူးဟောင်းတချို့ကို စေလွှတ်ပြီး သူတို့အဖွဲ့အစည်းအတွင်း ဖဲ့ထုတ်စည်းရုံးမှုတွေ ရှိနေတယ်လို့လည်း ထောက်ပြထားပြီး ဒါဟာ အစိုးရရဲ့ ကောက်ကျစ်တဲ့လုပ်ရပ်လို့ ရှုမြင် ကြောင်း၊ ဒါကြောင့် အစိုးရအနေနဲ့ ဂုဏ်ုသိက္ခာရှိရှိ တနိုင်ငံလုံး ငြိမ်းချမ်းရေး ဖော် ဆောင်ဖို့လိုကြောင်းလည်း ထောက်ပြထားပါတယ်။
ဒီကေဘီအေ ကလို့ထူးဘော တပ်ဖွဲ့ဟာ နယ်ခြားစောင့်တပ် အသွင်ပြောင်းရေးကို လက်မခံဘဲ ၂၀၁၀ နိုဝင်ဘာကစပြီး အစိုးရကို ပြန်လည်တိုက်ခိုက်နေတာဖြစ်ပါတယ်။
Sunday, August 21, 2011
အစိုးရတပ်မှ ကေအဲန်ယူထံ လက်နက်ကြီးများဖြင့် လှမ်းပစ်ခတ်ခဲ့
နန်းဖော့ဂေ (ကေအိုင်စီ)
ကေအဲန်ယူ တပ်မဟာ(၇)နယ်မြေအတွင်းရှိ အစိုးရစစ်တပ် စကခ(၁၂) လက်အောက်ခံတပ်များက ကေအဲန်အယ်လ်အေ တပ် ရင်းတပ်ဖွဲ့များ ရှိနိုင်မည့်နေရာများသို့ မှန်းဆကာ ယခုရက်ပိုင်းအတွင်း လက်နက်ကြီးများဖြင့် ပစ်ခတ်ခဲ့ကြောင်း ကေအဲန်ယူ ဘက်က ပြောသည်။
ကေအဲန်အယ်လ်အေ တပ်မဟာ(၇)မှူး ဗိုလ်မှူးချုပ်စောဂျော်နီက “မနေ့က မွန်းလွဲပိုင်းလောက်မှာ ခလယ့်ဒေးမှာ စခန်းထိုင်နေ တဲ့ (၅၄၈)နဲ့ (၂၃၁) စစ်ကြောင်းတွေက ကျနော်တို့နေရာဘက်ကို ခန့်မှန်းပြီး လက်နက်ကြီးတွေနဲ့ လေးငါးခြောက်ချက်လောက် လှမ်းပြီးတော့ ပစ်ချတယ်။ ဒီလထဲမှာ အစိုးရတပ်က ကျနော်တို့ကို လာပစ်တာ ပြီးခဲ့တဲ့ရက်က တကြိမ်နဲ့ဆိုရင် နှစ်ကြိမ်ရှိပြီ။” ဟု အတည်ပြု ပြောဆိုသည်။
အဆိုပါတပ်များသည် သြဂုတ်လ ၁၆ရက်နေ့၊ မွန်းလွဲပိုင်းတွင် လှိုင်းဘွဲမြို့နယ်၊ မဲ့သဝေါဂွင်၌ MA, 97 လက်နက်ကြီးများဖြင့် ၁၀ချက်ခန့် ပစ်ခတ်ခဲ့သလို ညနေပိုင်းတွင် ခလယ့်ဒေးစခန်းမှနေ၍ ကေအဲန်အယ်လ်အေတပ်များထံသို့ လက်နက်ကြီး ၁၅လုံး ပစ်ခတ်ခဲ့သည်ဟုလည်း ကေအဲန်အယ်လ်အေ တပ်မဟာ(၇)ရုံးထိုင်မှူး ဗိုလ်မှူးစောအယ်ဆဲဆဲက ယခုလို ဖြည့်စွက်ပြောဆို လိုက်သည်။
“ဒီလ ၁၆ရက်နေ့က ခလယ့်ဒေးမှာရှိတဲ့ အစိုးရရဲ့ လှုပ်ရှားတပ်တွေက ညနေ ၅နာရီကျော်ကျော်ကနေ ည ၇နာရီအထိ လက် နက်ကြီးနဲ့ ၁၅ချက်လောက် ပစ်တယ်လို့ အဲဒီဂွင်ဘက်မှာ လှုပ်ရှားနေတဲ့ ကျနော်တို့ရဲဘော်တွေက ပြောတယ်။”ဟု ဗိုလ်မှူး စောအယ်ဆဲဆဲက ပြောသည်။
၎င်းတပ်ရင်းနှစ်ရင်းသည် ယခုလဆန်းပိုင်းကတည်းက ပိုင်ကျုံမြို့နယ်ရှိ ခလယ့်ဒေးနှင့် လှိုင်းဘွဲမြို့နယ်ရှိ မဲ့သဝေါဂွင်များသို့ ရောက်ရှိလာကာ စစ်ကြောင်းနှစ်ကြောင်းစီ ခွဲပြီး နယ်မြေရှင်းလင်းရေးကို စတင် လှုပ်ရှားလာခြင်း ဖြစ်သည်။
ခမရ(၅၄၈) စစ်ကြောင်း ၁နှင့် ခလရ(၂၃၁) စစ်ကြောင်း ၂တို့က ခလယ့်ဒေးဂွင်၌လည်းကောင်း၊ ခမရ(၅၄၈) စစ်ကြောင်း ၂နှင့် ခလရ (၂၃၁) စစ်ကြောင်း ၁တို့က မဲ့သဝေါဂွင်ရှိ မိအေးပူ၊ ဘောနော်လေးနေရာများ၌လည်းကောင်း နယ်မြေရှင်းလင်းရေး လုပ် ဆောင်လျှက်ရှိသည်။
၎င်းတပ်များသည် အင်အား ၂၀၀ကျော်ရှိပြီး ယခုနှစ် မေလမှစ၍ ကေအဲန်ယူ တပ်မဟာ(၇)နယ်မြေသို့ ရောက်ရှိလာခြင်းဖြစ် သည်။ သို့သော် ထိုဒေသရှိ နယ်မြေခံတပ်များမှာမူ အရှေ့တောင်တိုင်းစစ်ဌာနချုပ်-ရတခ လက်အောက်ခံတပ်များဖြစ်သည့် ခမရ(၃၃၈)၊ (၃၃၉)၊ (၃၁)နှင့် ခလရ(၂၈)၊ (၉၇)တပ်ရင်းများဖြစ်သည်ဟုလည်း ကေအဲန်အယ်လ်အေ တပ်မဟာ(၇)၏ မှတ် တမ်းများအရ သိရသည်။
ယင်းသို့ လာရောက်ပစ်ခတ်မှုကို ကေအဲန်အယ်လ်အေဘက်မှ ပြန်လည် ပစ်ခတ်ခြင်းမရှိဟုလည်း တပ်မဟာ(၇)မှူးက ယခုလို ဆက်ပြောသည်။ “ကျနော်တို့ဂွင်ထဲကို သူတို့(အစိုးရတပ်)က အဲလို လာပစ်ပေမဲ့ လက်နက်ကြီးကျတဲ့နေရာက ကျနော်တို့လူ တွေနဲ့ တခြားစီပဲလေ။ ဒီတော့ ကျနော်တို့က သူတို့ကို ပြန်ပစ်စရာ ဘာအကြောင်းမှ မရှိပါဘူး။”ဟု ဗိုလ်မှူးချုပ်စောဂျော်နီက ပြောသည်။
ထို့အပြင် သြဂုတ်လ ၁၇ရက်နေ့က မြ၀တီမြို့နယ်၊ မဲ့ပလဲ့တံတားရှိ ဗိုလ်မှူးစောဒိဒိ ဦးစီးသော နယ်ခြားစောင့်တပ်(၁၀၁၇)မှ တပ်ဖွဲ့ဝင်နှစ်ဦးကို ကေအဲန်အယ်လ်အေ တပ်ရင်း(၁၀၁)မှ ဖမ်းဆီးမိပြီး ၎င်းတို့ထံမှ ကာဘိုင်သေနတ် ၂လက် သိမ်းဆည်းကာ လူကို ပြန်လည် လွှတ်ပေးခဲ့သည်ဟု သိရသည်။
Thursday, August 18, 2011
ကရင်ဒေသထိုးစစ် ပိုများလာဖွယ်ရှိ
ကရင်ပြည်နယ်အတွင်း အစိုးရတပ်၏ စစ်ရေးလှုပ်ရှားမှု ပိုမို များပြားလာဖွယ်ရှိသဖြင့် ပြောက်ကျား စစ်ဆင်ရေး အတွက် ပြင်ဆင်ထားကြောင်း ကရင်လက်နက်ကိုင် အဖွဲ့များက ပြောသည်။
အစိုးရက အပစ်အခတ် ရပ်ရေး ထပ်မံ ညှိနှိုင်းဖွယ် မရှိကြောင်း ယူဆရသည်ဟု တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA) တပ်ရင်း ၉၀၂ မှ ဗိုလ်မှုးကြီး စောကျော်သက်၏ တပ်ဖွဲ့ဝင် တဦးက ဧရာဝတီသို့ ပြောသည်။
“တပ်မ၂၂ က စစ်သားတွေကို ကျနော်တို့ ဒေသတွေမှာ ထပ်တိုး ချထားတယ်၊ လက်နက်ကြီးတွေလည်း ပါတယ်” ဟု သူက ပြောသည်။
တိုက်ပွဲငယ်များက ကော့ကရိတ်၊ လှိုင်းဘွဲ့မြို့နယ်များတွင် နေ့စဉ် ဖြစ်ပွားလျက်ရှိသည်ဟု DKBA တပ်ဖွဲ့ဝင်များက ပြောသည်။
မကြာသေးမီက မြ၀တီ၊ ဘုရားသုံးဆူမြို့များအတွင်း ၀င်ရောက်တိုက်ခိုက်ဖူးသော DKBA က နောင်တွင်လည်း အလားတူ ပြုလုပ်ဦးမည်ဟု ဆိုသည်။
"လာမယ့်နွေရာသီမှာ ကော့ကရိတ်၊ မြ၀တီ၊ လှိုင်းဘွဲ့ စတဲ့ မြို့တွေမှာ မြို့တွင်းတိုက်ပွဲ စစ်ဆင်ရေးတွေ တိုးမြှင့်သွားဖို့ ရှိတယ်" ဟု DKBA တပ်မဟာ ၅ မှ စစ်ဆင်ရေးမှူး ဗိုလ်မှူးဆန်းအောင်က ဧရာဝတီကို ဗုဒ္ဓဟူးနေ့တွင် ပြောသည်။
DKBA သည် ၁၉၉၅ တွင် ပေါ်ပေါက်လာခြင်း ဖြစ်ပြီး ကရင်အမျိုးသားအစည်းအရုံး (KNU) မှ ခွဲထွက်လာသည့် အဖွဲ့များအနက် အင်အားအကြီးဆုံးအဖွဲ့ဖြစ်သည်။ DKBA တပ်တချို့သည် အစိုးရ၏စီစဉ်မှုဖြင့် မကြာသေးမီက နယ်ခြားစောင့်တပ်များအဖြစ် အသွင်ပြောင်းသွားသည်။
ကရင်ပြည်နယ်အတွင်း KNU နှင့် DKBA အဖွဲ့များ၊ အဖွဲ့ငယ်များ လှုပ်ရှားနေပြီး ၎င်းတို့ကို အစိုးရတပ်များက ချေမှုန်းလျက်ရှိသည်။ ထိုသို့ ချေမှုန်းရာတွင် ကရင်နယ်ခြားစောင့်တပ်ကို အသုံးပြုနေသည်။
ဤအတောအတွင်း KNU က ၎င်းတို့ ဆုံးရှုံးခဲ့ရသည့် မာနယ်ပလော ဌာနချုပ်အနီး တပ်ဖွဲ့များ စေလွှတ်ထားသည်ဟု ဆိုသည်။
“မာနယ်ပလောခွင်ကိုတော့ ပိုပြီးတော့ လှုပ်ရှားလာနိုင်တယ်၊ ဟိုတုန်းက တလက်မလောက် လှုပ်ရှားနိုင်ရင် အခုတော့ တလက်ဝါးလောက်တော့ လှုပ်ရှားလာနိုင်ပြီ” ဟု KNU တွဲဖက် အတွင်းရေးမှူး (၁) ဗိုလ်မှူးစောလှငွေက ဧရာဝတီသို့ ပြောကြားသည်။
တိုက်ပွဲများကြောင့် ဒေသခံတို့က တောတောင်များအတွင်း ပြေးလွှား ပုန်းအောင်နေရသည်။ ထိုင်းနိုင်ငံဘက်ခြမ်းဒုက္ခသည်စခန်းများသို့ သွားရောက်ခိုလှုံသူများလည်း ရှိသည်။
တော်လှန်ရေးကို ကူညီပံ့ပိုးကြရန် ကရင်နီပြည်သူများကို KNPP တိုက်တွန်း
စောခါးစူး (ကေအိုင်စီ)
အမျိုးသားရေးအတွက် ရှေးရှု၍ တော်လှန်ရေးကို ကူညီပံ့ပိုးကြရန် ယနေ့ သြဂုတ်လ ၁၇ရက်နေ့၌ ကျရောက်သော ၆၃နှစ်မြောက် ကရင်နီပြည် တပ်မတော်နေ့တွင် ကရင်နီပြည်သူများအား ကရင်အမျိုးသား တိုးတက်ရေးပါတီ-KNPP က တိုက်တွန်ပြောကြားလိုက် သည်။
ထိုင်း-မြန်မာနယ်စပ် KNPP ထိန်းချုပ်နယ်မြေ လိုဘာခိုခရိုင်၊ မယ်စဲမြို့နယ်အတွင်းရှိ ကရင်နီတပ်မတော် မှတ်တိုင်တပ်စခန်း၌ ပြု လုပ်သည့် အခမ်းအနားတွင် KNPP က ထိုသို့ ပြောကြားလိုက်ခြင်း ဖြစ်သည်။
KNPP ၏ အထွေထွေအတွင်းရေးမှူး ခူဦးရယ်က “လက်နက်ကိုင်တပ်ဖွဲ့တွေမှာ ပါဝင်တဲ့ ကျနော်တို့ ရဲဘော်ရဲဘက်တွေဟာ ပြည် သူကြားက မွေးဖွားလာတဲ့ သားသမီးတွေ ဖြစ်တဲ့အတွက် ပြည်သူတွေကလည်း ကျနော်တို့နဲ့ အတူတကွ ပူးပေါင်းဆောင်ရွက်ကြဖို့ အထူးပန်ကြားချင်တယ်။”ဟု ကေအိုင်စီကို ပြောသည်။
ကရင်နီလူထု၏ ပူးပေါင်းပံ့ပိုးမှုကို ရယူပြီး မြန်မာအစိုးရကို လက်နက်ကိုင်နည်းနှင့် နိုင်ငံရေးနည်း နှစ်မျိုးပေါင်းပြီး မြန်မာနိုင်ငံ ဖယ်ဒ ရယ်ပြည်ထောင်စု တည်ဆောက်နိုင်သည်အထိ ဆက်လက် တိုက်ပွဲဝင်သွားမည်ဖြစ်ကြောင်း KNPP က ပြောသည်။
နိုင်ငံရေး ပဋိပက္ခ ရှိနေသည့်အတွက် ကရင်ပြည်တပ်မတော်သည် မြန်မာအစိုးရနှင့် လက်နက်ကိုင်တိုက်ပွဲ ဆင်နွှဲနေရသော်လည်း နိုင်ငံရေး ပြဿနာကို နိုင်ငံရေးနည်းဖြင့် အဖြေရှာမှသာ ငြိမ်းချမ်းရရှိနိုင်မည်ဟု ယုံကြည်ကြောင်း သူက ဆက်ပြောသည်။
ကရင်အမျိုးသားအစည်းအရုံး-KNU၏ ဒု-ဥက္ကဌ စောဒေးဗစ်သကဘောက “ကရင်နီအမျိုးသားအနေနဲ့ သူတို့(မြန်မာအစိုးရ)ကို တော်လှန်တိုက်ပွဲဝင်တဲ့အခါမှာ စွမ်းစွမ်းတမံ ပါဝင်တယ်။ KNU အနေနဲ့ KNPP နဲ့လက်တွဲပြီး တော်လှန်ရေး ဆုံးခန်းတိုင်အောင် ပူး ပေါင်းဆောင်ရွက်သွားမယ်။”ဟု ပြောသည်။
KNU နှင့် KNPP သည် ၁၉၄၈ခုနှစ် မြန်မာနိုင်ငံ လွတ်လပ်ရေး ရပြီးသည့်နောက်ပိုင်း မြန်မာအစိုးရ အဆက်အဆက်ကို လက်တွဲ တော်လှန်ခဲ့သည့် မဟာမိတ်အဖွဲ့များ ဖြစ်သည်။
ဗြိတိသျှအစိုးရ မြန်မာနိုင်ငံမှ ထွက်ခွာပြီးနောက် ၁၉၄၈ခုနှစ်၊ သြဂုတ်လ ၉ရက်နေ့တွင် ကရင်နီပြည်အား မြန်မာအစိုးရက စတင် ၀င်ရောက် တိုက်ခိုက်ခဲ့သည်။ ထို့နောက် ကရင်နီခေါင်းဆောင်များက လူစုပြီး ပြန်လည်တိုက်ခိုက်ကာ သြဂုတ်လ ၁၇ရက်နေ့တွင် တပ်မတော်တစ်ရပ် အသွင်အဖြစ် စတင် ဖွဲ့စည်းခဲ့သည်။
ကရင်နီတပ်မတော် စတင်ဖွဲ့စည်းစဉ်က လွတ်လပ်သည့် ကရင်နီပြည်ထောင်စု တပ်မတော်အမည်ဖြင့် ဖွဲ့စည်းခဲ့ပြီး ၁၉၇၄ခုနှစ်တွင် အမျိုးသား ကွန်ဂရက်တွင် ကရင်နီပြည်တပ်မတော်ဟု ပြောင်းလဲ ခေါ်ဝေါ်ခဲ့သည်။
ဆောင်ပုဒ်ဖျက်ရုံဖြင့် မီဒီယာလွတ်လပ်မည်မဟုတ်ဟု မြန်မာသတင်းသမားများ ပြောဆို
နန်းသူးလေ (ကေအိုင်စီ)
မြန်မာအစိုးရ သတင်းစာများတွင် ဖော်ပြနေခဲ့သည့် ပြင်ပသတင်း ဌာနများအပေါ် ပုပ်ခတ်ရေးသားထားသည့် ဆောင်ပုဒ်အား ယမန်နေ့က ဖြုတ်လိုက်ခြင်းသည် အစိုးရသစ်၏ အပြောင်းအလဲတရပ်ဖြစ်သော်လည်း အသွင်သဏ္ဍာန်အရ ပြောင်းလဲမှုသာ ဖြစ်ကြောင်း ပြည်တွင်းပြည်ပ မြန်မာသတင်းသမားများက ဝေဖန်ပြောဆိုနေကြသည်။
မြန်မာသတင်းသမဂ္ဂ ဒုဥက္ကဌ ဦးဇင်လင်းက အချိန်အတိုင်းအတာတခုအထိ စောင့်ကြည့်ရန် လိုအပ်ကြောင်းနှင့် လွတ်လပ် သည့် သတင်းမီဒီယာ ဖြစ်ရန် လုပ်ဆောင်ရန် လိုအပ်ကြောင်း ယခုလို ပြောသည်။
“ဒီလိုဖြုတ်လိုက်တယ်ဆိုပေမဲ့ အသွင်သဏ္ဍာန်အရ ပြောင်းလဲမှုတခုသာဖြစ်တယ်။ ဖမ်းထားတဲ့ သတင်းသမားတွေကလည်း အများကြီး၊ ပြီးတော့ သတင်းစာရှင်းလင်းပွဲမှာလည်း လူတယောက်ကို မေးခွန်တခုပဲ မေးခွင့်ရှိပြီး ပြန်ဖြေထားတဲ့ အဖြေတွေကို လည်း တိတိကျကျ မဖော်ပြထားဘူး။ သတင်းစာတွေမှာ ထိန်ချန်ထားတာတွေ ရှိနေသေးတယ်။ ခိုင်ခိုင်လုံလုံ ပြောရမယ်ဆိုရင် စောသေးတယ်။ အချိန်ယူပြီး စောင့်ကြည့်ဖို့ လိုအပ်ပါတယ်။”ဟု ဆိုသည်။
အစိုးရ၏ ထိုလုပ်ဆောင်ချက်မှာ ကောင်းသည့် ပေါ်လစီတစ်ခုမဟုတ်ဘဲ စာပေစိစစ်ရေးများ ဖျက်သိမ်းပေးခြင်း၊ မြန်မာအလင်း နှင့် ကြေးမုံသတင်းစာများကို ပုဂ္ဂလိကပိုင်အဖြစ်သော်လည်းကောင်း၊ ၎င်းနှင့် သက်ဆိုင်သူများအား လွှဲပြောင်းပေးပြီး သတင်း ပြန်ကြားရေးအဖွဲ့၏ ၀ါဒဖြန့်ချိရေး ပြုလုပ်နေမှုများကို ရပ်ဆိုင်းပစ်ရန် လိုအပ်ကြောင်းလည်း ဦးဇင်လင်းက ဆက်ပြောသည်။
စစ်အစိုးရလက်ထက်ကတည်းက အစိုးရသစ်တက်သည်အထိ မြန်မာ့အလင်းနှင့် ကြေးမုံသတင်းစာများ၏ နောက်ဆုံးစာမျက် နှာတွင် ပြည်သူ့ဆန္ဒ သဘောထား ၄ချက်အပြင် “VOA, BBC ရန်တိုက်ပေးနေသည်၊ RFA, DVB သွေးထိုးနေသည်၊ ခလောက် ဆန် အကောက်ကြံ လေလှိုင်းသံ လူသတ်သမား၊ နားမယောင်လေနဲ့ သတိထား” ဆိုသည့်ဆောင်ပုဒ်များကို နေ့စဉ် ထည့်သွင်း ဖော်ပြနေသည်။
ထိုင်းနိုင်ငံအခြေစိုက် DVB သတင်းဌာန တာဝန်ခံ ဦးတိုးဇော်လတ်က “ကျနော့်အနေနဲ့ ပြောရရင် နဲနဲတော့ တိုးတက်လာတယ် ပဲ ပြောရမှာပေါ့။ ဒီဆောင်ပုဒ်ဖြုတ်လိုက်ရုံနဲ့တော့ သတင်းမီဒီယာကို ပြောင်းလဲလာမယ်လို့တော့ ပြည့်ပြည့်၀၀ ယုံကြည်လို့ မရ သေးပါဘူး။ ဘာဖြစ်လို့လဲဆိုတော့ အခုအထိလည်း အစိုးရအနေနဲ့ မလိုအပ်တဲ့ စည်းမျဉ်းစည်းကမ်းတွေ ထားရှိနေတုန်းပဲ။ နောက်ပြီး ပြင်ပမီဒီယာသမားတွေကိုလည်း ဖော်ထုတ် ဖမ်းဆီးမှုတွေ ပြုလုပ်ြပီး ထောင်ချနေတုန်းပဲလေ။ ဒါကြောင့် ဒီမလိုအပ် တဲ့ စာပေဥပဒေကြီးကို ဖယ်လိုက်ပြီး ပြင်ပသတင်းသမားတွေကို လွတ်လပ်စွာ ရေးသားခွင့်ပြုလိုက်မယ်ဆို ပိုကောင်းပါလိမ့် မယ်။”ဟု သူ၏အမြင်ကို ပြောသည်။
မြန်မာအစိုးရသစ် တက်လာပြီးနောက် စီးပွားရေးကဏ္ဍ ပြောင်းလဲမှုများရှိလာသော်လည်း မီဒီယာကဏ္ဍမှာ ပြောင်းလဲရန် များ စွာ လိုအပ်သေးကြောင်းလည်း အမည်မဖော်လိုသူ ပြည်တွင်းအယ်ဒီတာတစ်ဦးက သုံးသပ်ပြောဆိုလိုက်သည်။
၎င်းက “အစိုးရအနေနဲ့ ပြည်ပသတင်းမီဒီယာတွေကို ရန်သူလို့ သဘောထားတဲ့ အနေအထားကနေ လျော့သွားတယ်လို့တော့ ဆိုနိုင်ပါတယ်။ လတ်တလော အခြေအနေအရ အစိုးရအနေနဲ့ စီးပွားရေးမှာ အများကြီး အပြောင်းအလဲတွေတော့ ရှိလာပေမဲ့ ပြည်ပမီဒီယာသမားတွေ ပြည်တွင်းဝင်ခွင့် မရရှိသေးဘူး။ ပြည်တွင်းထဲမှာဆိုလည်း ပုဂ္ဂလိက သတင်းဌာနတွေ နေ့စဉ်သတင်း စာ ထုတ်ခွင့်မရှိသေးဘူး။ အဲ့ဒါကြောင့် ပြည်တွင်းမှာ အစိုးရရဲ့ သတင်းမီဒီယာ ပြောင်းလဲမှုတွေက အများကြီး လုပ်ဆောင်ဖို့ လိုအပ်သေးတယ်။”ဟု ပြောသည်။
အစိုးရသတင်းစာတွင် အဆိုပါဆောင်ပုဒ် ထည့်သွင်းခြင်းဖြင့် ပြင်ပမီဒီယာသမားများကို တိုက်ခိုက်နေသည့် လုပ်ရပ်များမှာ အစိုးရ၏ တဖက်စောင်းနင်းလုပ်ရပ်သာဖြစ်ပြီး မြန်မာလူထုနှင့် သတင်းမီဒီယာအကြား ယုံကြည်မှုဖြစ်မည်ကို စိုးရိမ်သည့်ဝါဒ ဖြန့်မှုသာဖြစ်ကြောင်း မဇ္ဈိမသတင်းဌာန အယ်ဒီတာ ကိုစိန်ဝင်းက အခုလို ပြောသည်။
“သူတို့က ပြည်ပမီဒီယာ ဖြစ်တည်မှုကို နားလည်တယ်။ ပြင်ပမီဒီယာတွေရှိနေရတဲ့အကြောင်းကိုလည်း နားလည်တယ်။ သို့ပေ မဲ့ လူထုကို ဒီမီဒီယာတွေအပေါ်မှာ မကောင်းမြင်လာအောင် ကြိုးစားတဲ့ ခပ်တုံးတုံး ၀ါဒဖြန့်နည်းပဲ။ အခုအဲ့ဒါဟာ ရုပ်ဆိုးပန်း ဆိုးဖြစ်တယ်လို့ မြင်လာပြီး ဖြုတ်တာပါပဲ။ ဘယ်လိုပဲဖြစ်ဖြစ် ဒီ Slogan တွေ မတွေ့ရတာ စိတ်ချမ်းသာတယ်။”ဟု သူက ဆို သည်။
ပြည်ပမီဒီယာများအား ပုတ်ခတ်ဝေဖန်ထားသည့် ဆောင်ပုဒ်ကို ၂၀၀၇ခုနှစ်၊ စက်တင်ဘာလ၌ ဖြစ်ပွားခဲ့သည့် ရွှေဝါရောင် သံဃာ့လှုပ်ရှားမှုနောက်ပိုင်း စစ်အစိုးရက နိုင်ငံပိုင် သတင်းစာများတွင် စတင် ထည့်သွင်းဖော်ပြခဲ့ခြင်း ဖြစ်သည်။
BGF မှရွာသားများ အဓမ္မခိုင်းစေခြင်း
ဒေသခံရွာသား ၁ဦး မှပြောပြရာတွင် ၁၇.၈.၂၀၁၁ ရက်နေ့တွင် BGF ရင်း (၁၀၁၇) ရင်းမှုး စောဒီးဒီ မှပြီးခဲ့တဲ့နှစ်သူတို့ တပ်စခန်းတည်ဆောက်ဖို့ အဓမ္မသိမ်းယူထားတဲ့ရွာသားမြေတွေကို ဒီနှစ် ပဲစိုက်တယ်၊ ပဲစိုက်တော့ မနေ့က ၁၇.၈.၂၀၁၁ ရက်နေ့တွင် အနီးရှိရွာမှ ရွာသား(၂၀၀)ယောက်ကို လုပ်အားခမဲ့ အဓမ္မခေါ်ယူခိုင်းစေသည်ဟု သတင်းရရှိပါတယ်။ သူ့ ပဲခင်း ဟာ (၁) ရက်ထဲ မပြီးတဲ့အတွက် ၁၉.၈.၂၀၁၁ ရက်နေ့တွင်နောက်တခါထပ်ခေါ်မည်ဟုလည်းပြောပြပါတယ်။
Wednesday, August 17, 2011
ပဲခူးမြစ်ရေကြောင့် လယ်မြေဧကထောင်ချီ နလန်မထူနိုင်အောင် ပျက်စီး
(ကေအိုင်စီ)
ပဲခူးမြို့တွင် ဇူလိုင်လနောက်ဆုံးအပတ်မှစပြီး မိုးဆက်တိုက်ပြင်းထန်စွာ ရွာသွန်းခဲ့ခြင်းကြောင့် လယ်မြေဧကထောင်ကျော် ပျက်စီး ကာ ယနေ့ထိ ပြန်လည် မလုပ်ဆောင်နိုင်သေးကြောင်း လယ်သမားများက ပြောသည်။
ပဲခူးမြစ်ရေသည် ၄၇နှစ်အတွင်း အမြင့်ဆုံး စံချိန်တင် လျှံတက်မှုနှင့် မိုးကြီးခဲ့ခြင်းကြောင့် ပဲခူးမြို့နယ်အတွင်းရှိ လယ်ယာမြေ စိုက် ပျိုးမှု အကြီးအကျယ် ပျက်စီးဆုံးရှုံးမှုရှိကြောင်း လယ်ပိုင်ရှင်တစ်ဦးက ယခုလို ပြောသည်။
“လယ်တွေ အကုန်ပျက်စီးတယ်။ ပြန်လည် လုပ်ဆောင်ဖို့ကလည်း မနိုင်တော့ဘူးလေ ၃ခါရှိသွားပြီး။ လုပ်လိုက် ရေမြုပ်လိုက်နဲ့ ထပ်ရင်းဖို့လည်း မတက်နိုင်တော့ဘူး။ ဘယ်သူ့ဆီက ဘာအကူအညီမှလည်း မရခဲ့ဘူး။”ဟု ပဲခူးမြို့၊ ကမာနတ်ကွင်းမှ လယ်မြေ ဧက ၃၀ပိုင် လယ်ပိုင်ရှင်တစ်ဦးက ပြောသည်။
ပဲခူးတိုင်းအတွင်း ပျက်စီးဆုံးရှုံးခဲ့သော လယ်ယာမြေများနှင့် မျိုးစပါးများအတွက် လယ်သမားများ၏ လိုအပ်ချက်များကို အာဏာပိုင် များဘက်မှ ကူညီပံ့ပိုးမှု တစုံတရာ မရရှိကြောင်း ၎င်းလယ်သမားက ပြောဆိုသည်။
“ဒီနှစ်တော့ ဘာမှလုပ်လို့မရအောင် ရှုံးတယ်။ တခါတည်းလည်းမဟုတ် အကြိမ်ကြိမ် ရှုံးတယ်။ နွေတုန်းကလည်း ပဲစိုက်တာ အ ဆင်မပြေ၊ စပါးကလည်းမရ လယ်သမားတွေအတွက်တော့ ထမင်းငတ်မယ့် အလားအလာပဲ။”ဟု ပဲခူးမြို့၊ မွန်စံပြရပ်ကွက်ရှိ လယ် ပိုင်ရှင် ဒေါ်ရီက ပြောသည်။
ဇူလိုင်လကုန်ခန့်မှစ၍ မိုးသည်းထန်ကာ မြစ်ရေလျှံတက်မှုကြောင့် ပဲခူး၊ ညောင်လေးပင်၊ ရွှေကျင်၊ သနပ်ပင်မြို့နယ်၊ ဒိုက်ဦးမြို့နယ်၊ က၀မြို့နယ်များမှ လယ်ယာမြေများလည်း ရေမြုပ်ကာ ပျက်စီးမှုရှိကြောင်းလည်း သိရသည်။
လက်ရှိအချိန်တွင် မိုးလျော့နည်းလာကာ မြစ်ရေများ ကျသွားသော်လည်း မြုပ်နေသည့် လယ်ကွင်းများ ဆက်လက် ရေနစ်မြုပ်နေ ဆဲဖြစ်သည့်အတွက် စပါးခင်းများ ပျက်စီးကာ လယ်ယာမြေများ နောက်ထပ် ပြန်လည် စိုက်ပျိုးနိုင်သည့် အနေအထား မရှိတော့ ကြောင်း သိရသည်။
ပဲခူးမြို့နယ်အတွင်းရှိ လယ်သမားများသည် အများအားဖြင့် နွေမှာ ပဲကို အဓိကစိုက်ပျိုးကြပြီး မိုးတွင်းချိန်၌ စပါးကို အဓိကထား စိုက်ပျိုးကြသည်။
ပဲခူးမြစ်ရေ အမြင့်ဆုံးစံချိန်ကြောင့် မြို့ပေါ်ရှိ ရပ်ကွက်များရေမြုပ်ကာ ထောင်နှင့်ချီသည့် ရေဘေးဒုက္ခသည်များကိုလည်း ရေဘေး လွတ်ရာ ဘုန်းကြီးကျောင်း၊ ဘုရားနှင့် စာသင်ကျောင်းများတွင် ရွှေ့ပြောင်းထားရသည်ဟု မြို့ခံများက ပြောဆိုနေကြသည်။
အဆိုပါ ပဲခူးမြို့အပြင် မွန်ပြည်နယ်၊ ကရင်ပြည်နယ်နှင့် ရခိုင်ပြည်နယ် အပါအဝင် မြန်မာနိုင်ငံ နေရာအနှံ့အပြား မိုးအဆက်မပြတ် ရွာသွန်းခြင်းကြောင့် မြစ်ရေ၊ ချောင်းရေများလျှံပြီး မြို့ပေါ်အပါအ၀င် ကျေးလက်ဒေသများမှာလည်း ရေကြီးကာ ရေလွှမ်းမိုးမှုဒဏ် ခံခဲ့ကြရသည်။
Tuesday, August 16, 2011
စစ်ထောက်ချုပ်နှင့် စစ်ရေးချုပ်တို့ကို ရာထူးချထား
ဧရာဝတီ
ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်က စစ်ထောက်ချုပ် ဗိုလ်ချုပ်ဝေလွင်နှင့် စစ်ရေးချုပ် ဗိုလ်ချုပ် ခင်ဇော်ဦးတို့ နှစ်ဦးကို လာဘ်ပေး လာဘ်ယူမှု၊ အာဏာအလွဲသုံးစား မှုများနှင့် စုံစမ်းဆေးလျက်ရှိပြီး လက်ရှိထမ်းဆောင်နေသော ရာထူးတာဝန်များကို ခေတ္တဆိုင်းငံ့ထားကြောင်း သတင်းရရှိသည်။
ဗိုလ်ချုပ် ခင်ဇော်ဦးနှင့် ဗိုလ်ချုပ် ဝေလွင်
ပြည်ထောင်စုမြန်မာနိုင်ငံ စီးပွားရေးဦးပိုင် လီမိတက်ဥက္ကဋ္ဌအဖြစ် တာဝန်ထမ်းဆောင်နေသော စစ်ရေးချုပ် ဗိုလ်ချုပ် ခင်ဇော်ဦး၏ ရာထူးတာဝန်များကို ဆိုင်းငံ့ထားလိုက်ပြီး ဦးပိုင်လီမိတက်၏ ဥက္ကဋ္ဌအသစ်အဖြစ် လေကြောင်းရန် ကာကွယ်ရေးမှ ဗိုလ်ချုပ် စိန်ဝင်းကို ခန့်အပ်လိုက်ကြောင်း စစ်ဘက်သတင်းရပ်ကွက်မှ စုံစမ်းသိရှိရသည်။
“လေကြောင်းရန်ကာကွယ်ရေးက ဗိုလ်ချုပ် စိန်ဝင်းက ရိုးဂုဏ်ကြောင့် နာမည်ကြီးတယ်။ သူက လာဘ်ပေးလာဘ်ယူ အတော်ကင်းတဲ့ပုဂ္ဂိုလ်လို့ တပ်မှာ လူသိများတယ်” ဟု စစ်ဘက်သတင်းရပ်ကွက်နှင့် နီးစပ်သူတဦးက ဆိုသည်။
စစ်ထောက်ချုပ် ဗိုလ်ချုပ် ဝေလွင်သည်လည်း စုံစမ်းစစ်ဆေးခံနေရချိန် ရာထူးအချခံထားရပြီး လက်ရှိအနေအထားအရ ဗိုလ်ချုပ် ဝေလွင်နှင့် ဗိုလ်ချုပ် ခင်ဇော်ဦးတို့သည် မကြာမီ အနားပေးခံရရန် သေချာနေကြောင်း စစ်ဘက် သတင်းရပ်ကွက်က ဆိုသည်။
“ခေတ္တ ရာထူးချခံထားရတယ်ဆိုတာက ပြုတ်ဖို့ ၈၀ ရာခိုင်နှုန်းသေချာပြီလို့ ပြောလို့ရတယ်။ စစ်တပ်ထဲမှာတော့ အကွဲအပြဲတွေရှိလာပြီ။ အဓိက က လာဘ်ပေးလာဘ်ယူ လုပ်တယ်ဆိုပြီး ဗိုလ်ချုပ် တယောက်ပြီးတယောက် အဖြုတ်ခံနေရတယ်။ အရင်လူတွေ လာဘ်စားတာက တော်တော် ကြီးကြီးကျယ်ကျယ် လုပ်ကြတာ။ အခု အဖြုတ်ခံနေရတဲ့သူတွေက သာမန် လာဘ်စားမှုလောက်လို့ ပြောလို့ရတယ်။ မြေကွက်ရောင်း၊ ကားသွင်း ဒီလောက်ပါပဲ။ ဒါကို လာဘ်စားတယ်ဆိုပြီး ဗိုလ်ချုပ်တွေကို အနားပေးနေတာက ဗိုလ်ချုပ်ကြီး မင်းအောင်လှိုင်မှာ ရည်ရွယ်ချက် တခုခုရှိပုံရတယ်” ဟု စစ်ဘက်ရေးရာ လေ့လာသူတဦးက သုံးသပ်သည်။
ယခုနှစ် ဇူလိုင်လအတွင်းက ခေါ်ယူ စစ်ဆေးခံရသည့် ဗိုလ်ချုပ် ၅ ဦးအနက် တပ်မတော်စစ်ရေး အရာရှိချုပ် ဗိုလ်ချုပ် ကျော်ဖြိုးသည် ယခုလ အစောပိုင်းတွင် အနားပေးခံရပြီး ယခု ဗိုလ်ချုပ် ခင်ဇော်ဦး ရာထူးဆိုင်းငံ့ခံခဲ့ရသည်။ ခေါ်ယူစစ်ဆေးခံရသည့် ကျန် ဗိုလ်ချုပ် ၃ ဦးမှာ ကစထမှူး ဗိုလ်ချုပ် မြင့်စိုး၊ တြိဂံဒေသ တိုင်းမှူး ဗိုလ်မှူးချုပ် သန်းထွန်းဦးနှင့် ကမ်းရိုးတန်း တိုင်းမှူး ဗိုလ်မှူးချုပ် ခင်မောင်ဌေး တို့ဖြစ်သည်။
ဗိုလ်ချုပ် ခင်ဇော်ဦးသည် ကမ်းရိုးတန်းတိုင်း စစ်ဌာနချုပ်တိုင်းမှူးအဖြစ် တာဝန်ထမ်းဆောင်ခဲ့ပြီး ဗိုလ်ချုပ် ဝေလွင်သည် နေပြည်တော်တိုင်း စစ်ဌာချုပ်တိုင်းမှူးအဖြစ် တာဝန်ထမ်းဆောင်ခဲ့ကာ ၎င်းတို့ တိုင်းမှူးဘ၀က ကျူးလွန်ခဲ့သော လာဘ်ပေးလာဘ်ယူမှုနှင့် အာဏာ အလွဲသုံးစားမှုများကြောင့် စုံစမ်းစစ်ဆေးခံရသည်ဟု သိရှိရသည်။
စစ်တပ်အသိုင်းအ၀ိုင်းက ဗိုလ်ချုပ်ကြီး မင်းအောင်လှိုင်သည် သူ၏အာဏာ တည်ဆောက်ရန်အတွက် လာဘ်ပေးလာဘ်ယူမှုကို အကြောင်းပြကာ ဗိုလ်ချုပ်များကို ဖြုတ်ပယ်နေသည်ဟု လေ့လာသူများက ပြောဆိုကြသည်။
“တပ်မှာ ရာထူးကြီးကြီးဖြစ်ဖို့ တဘ၀လုံး ရင်းရတာလေ။ တသက်လုံး တပ်ထဲမှာပဲနေပြီး ပေးအပ်တဲ့တာဝန်ကို ထမ်းဆောင်ပြီးမှ ဗိုလ်ချုပ်ရာထူးရကြတာ။ ဗိုလ်ချုပ်ကြီး မင်းအောင်လှိုင်လည်း လာဘ်ပေးလာဘ်ယူ မကင်းပါဘူး။ သူ့ရဲ့အာဏာ တည်ဆောက်ရေး ရည်ရွယ်ချက်က တပ်ကွဲသွားစေလိမ့်မယ်။ ဗိုလ်ချုပ်မှူးကြီး သန်းရွှေလို အာဏာရှင်ပုံစံမျိုးကို ဗိုလ်ချုပ်ကြီး မင်းအောင်လှိုင် ရောက်လာလိမ့်မယ်” ဟု စစ်ဘက်ရေးရာ လေ့လာသူက ပြောသည်။
၂၀၁၁ ခုနှစ်အတွင်း ဒုတိယ ဗိုလ်ချုပ်ကြီး သူရမြင့်အောင်၊ ဗိုလ်မှူးချုပ် ထွန်းသန်း၊ ဗိုလ်ချုပ် တင်ငွေနှင့် ဗိုလ်ချုပ် ကျော်ဖြိုးတို့ကို ရာထူးတာဝန်များ ဆက်တိုက် အနားပေးခံခဲ့ရသည်။
မွန်နှင့် ကရင်တွင် ၂ နှစ်အတွင်း မြေယာ ဧကတစ်သောင်း အသိမ်းခံရ
စောခါးစူး(ကေအိုင်စီ)
မွန်ပြည်နယ်၊ ကရင်ပြည်နယ်နှင့် တနင်္သာရီတိုင်းဒေသ များရှိ မွန်နှင့် ကရင်ပြည်သူများ၏ ရာဘာခြံ၊ အိမ်ယာမြေနှင့် မြေလွတ်မြေရိုင်း ဧကတစ်သောင်းခန့်ကို မြန်မာအစိုးရနှင့် ကုမ္ပဏီတချို့က အဓမ္မ သိမ်းယူနေသည်ဟု မွန်ပြည်လူ့အခွင့်အရေး ဖောင်ဒေးရှင်း-HURFOM အဖွဲ့ကပြောသည်။
“မြေယာတွေဟာ သိမ်းယူထားပြီးသားနဲ့ သိမ်းဖို့တိုင်းတာပြီးသားမြေရှိတယ်။ တိုင်းတာထားတယ်ဆိုကတည်းက သိမ်းတာပဲ။ ဒီနှစ်ခုပေါင်းလိုက်ရင် ဧကတစ်သောင်းလောက် ဖြစ်သွားတယ်”ဟု HURFOM ၏ မှတ်တမ်းတင်တာဝန်ခံ နိုင်အွန်းမွန်က ပြောဆိုသည်။
၂၀၁၀နှင့် ၂၀၁၁ခုနှစ်အတွင်း မွန်နှင့် ကရင်ဒေသအတွင်း အသိမ်းခံရသည့် မြေယာများမှာမွန်ပြည်နယ် ကျိုက်မရော၊ ရေးနှင့် သံဖြူဇရပ်မြို့နယ်တွင် ဧကငါးထောင်ခန့်၊ ကရင်ပြည်နယ် ကော့ကရိတ်မြို့နယ်တွင် ဧကတစ်ထောင်ကျော်နှင့် တနင်္သာရီတိုင်းရေဖြူမြို့နယ်တွင် ဧကလေးထောင်ကျော်ရှိသည်ဟု ၎င်းက ကေအိုင်စီကိုပြောသည်။
ထိုသို့ မြေယာသိမ်းမှုများအနက် တနင်္သာရီတိုင်း၊ ရေဖြူမြို့နယ်၊ ကျွဲသုံးညီမကျွန်းပေါ်ရှိ ဒေသခံ မွန်ပြည်သူများ၏ ရာဘာခြံ ဧကတစ်ထောင်ကျော် သိမ်းခံရမှုသည် အဆိုးဆုံးဖြစ်ကြောင်းကို HURFOM အဖွဲ့ကယနေ့ ထုတ်ပြန်သည့် အစီရင်ခံစာထဲတွင် ဖေါ်ပြထားသည်။
၂၀၁၀ခုနှစ် ဒီဇင်ဘာလမှ လက်ရှိကာလ အတောအတွင်း အဆိုပါ ဒေသခံ လူထု၏ ပင်မစီးပွားရေး လုပ်ငန်းဖြစ်သည့် ရာဘာခြံ ဧကတစ်ထောင်ကျော်ကို အစိုးရက သိမ်းခဲ့ပြီးနောက် ဒေသခံများအဖို့ သက်မွေးဝမ်းကျောင်း အခက်အခဲများနှင့် ကြုံတွေ့နေရသည်ဟုလည်း အစီရင်ခံစာတွင် ထောက်ပြထားသည်။
အထက်ပါ ဧကထောင်ကျော် သိမ်းဆည်းရသည့်အကြောင်းမှာ ရေတပ်တပ်ရင်းအတွက် စစ်လေ့ကျင့်ရေးကွင်း၊ စစ်သင်တန်းကျောင်းနှင့် စစ်တန်းလျားများ တည်ဆောက်ရန်အတွက် သိမ်းရခြင်းဖြစ်သည်ဟု သိရသည်။ သိမ်းယူသည့် အဖွဲ့အစည်းမှာ ရေဖြူမြို့နယ် အခြေစိုက် ရေတပ် တပ်ရင်း အမှတ် (၄၃) မှ သိမ်းဆည်းခြင်း ဖြစ်၍ ခြံမြေအသိမ်းခံရသည့် အိမ်ထောင်စုပေါင်း (၂၄၀) ရှိသည်ဟု အစီရင်ခံစာအရ သိရသည်။
အချို့သော မြေယာ သိမ်းဆည်းမှုများမှာ အစိုးရ စီမံကိန်းများ၊ အသစ်ဆောက်လုပ်မည့် စစ်တပ်များအတွက် ဖြစ်၍ အထက်ပါ ဘိလပ်မြေ စက်ရုံတည်ဆောက်ရေး စီမံကိန်းမှာမူ အစိုးရနှင့် နီးစပ်သည့် ကုမ္ပဏီများအတွက် သိမ်းဆည်းခဲ့ခြင်း ဖြစ်သည် ဟု HURFOM အဖွဲ့ကဆိုသည်။
၂၀၁၀ ခုနှစ် နိုဝင်ဘာလ၌လည်း မွန်ပြည်နယ် ကျိုက်မရောမြို့နယ်၊ နိတုံကျေးရွာတွင် ဘိလပ်မြေစက်ရုံတည်ဆောက်ရေးစီမံကိန်းအတွက် ဒေါက်တာခင်ရွှေပိုင် ဇေကမ္ဘာကုမ္ပဏီမှ ဒေသခံလူထု၏ လယ်မြေဧက (၈၀၀)ကျော်ကို သိမ်းယူကာ ကာလတန်းဖိုးအောက် နည်းသည့် လျော်ကြေးငွေ ပေးခဲ့သည်ဟုလည်း နိုင်အွန်းမွန်ကပြောသည်။
ကရင်ပြည်နယ်အတွင်း သိမ်းယူရန် အတိုင်းခံရပြီးဖြစ်သည့် မြေများမှာကော့ကရိတ်မြို့နယ် ဘုရားသုံးဆူမြို့အထွက်ရှိ မြေများဖြစ်ပြီး၂၀၁၁ခုနှစ် ဇူလိုင်လက တိုင်းတာခဲ့ခြင်းဖြစ်သည်ဟု က ၄င်းက ဖြည့်စွက်ပြောသည်။
HURFOM အဖွဲ့ကို ၁၉၉၅ခုနှစ်တွင် စတင်ဖွဲ့စည်းခဲ့ပြီးမွန်ပြည်နယ်၊ ကရင်ပြည်နယ်နှင့် တနင်္သာရီတိုင်းအတွင်းရှိ လူ့အခွင့်အရေးချိုးဖောက်မှု လေ့လာစောင့်ကြည့်ခြင်း၊ အချက်အလက်စုဆောင်းခြင်း၊ အစီရင်ခံစာထုတ်ပြန်ခြင်းနှင့် ပညာပေးလုပ်ငန်းများကို လုပ်ဆောင်လျှက်ရှိသည်။
၂၀၀၀ ပြည့်နှစ်မှ ၂၀၁၁ခုနှစ် လက်ရှိအချိန်အထိမွန်ပြည်နယ်၊ ကရင်ပြည်နယ်နှင့် တနင်္သာရီတိုင်းအတွင်းတွင် အသိမ်းခံရသည့် မြေယာဧကမှာ ၂သောင်းကျော်ရှိသည်ဟု HURFOM အဖွဲ့ကပြောသည်။
Friday, August 12, 2011
(၆၁)ကြိမ်မြောက် ကရင့်အမျိူးသားများ အာဇာနည်နေ့ မှာ တိုင်းပြည်နဲ့ လူမျိူးအတွက်အသက်ပေးလှူသွားကြသော ခေါင်းဆောင်ကြီးများ၊ ရဲဘော်များ၊ အားဂုဏ်ပြုအပ်ပါသည်။
Saturday, August 6, 2011
နယ်စပ်ရှိ စစ်ပြေးဒုက္ခသည် ၁၀၀ကျော် ရိက္ခာထောက်ပံ့ပေးသူမရှိသေး
စောသိန်းမြင့်(ကေအိုင်စီ)
ဒီကေဘီအေနှင့် နယ်ခြားစောင့်တပ်များကြား ပစ်ခတ်မှုများကြောင့် ပြီးခဲ့သည့် ရက်သတ္တပတ်က ကရင်ပြည်နယ် နယ်စပ် မဲ့သ ဝေါကျေးရွာသို့ ထွက်ပြေးရောက်ရှိလာသည့် လှိုင်းဘွဲမြို့နယ်မှ စစ်ပြေးဒုက္ခသည် ၁၃၀ဦးမှာ ယခုအချိန်တွင် စားနပ်ရိက္ခာ ထောက်ပံ့ပေးသူမရှိဘဲ ဒုက္ခရောက်နေကြသည်ဟု သိရသည်။
၎င်းစစ်ပြေးဒုက္ခသည်များကို ဒီကေဘီအေအဖွဲ့မှ ဆန်အနည်းငယ်သာ ကူညီပေးနိုင်သဖြင့် အချို့မှာ ရွာဘုန်းကြီးကျောင်းတွင် သွားရောက်မှီခိုစားသောက်နေရသည်ဟု မဲ့သဝေါကျေးရွာရှိ ဒီကေဘီအေဆေးမှူး စောပေါခလာက ကေအိုင်စီကို ယခုလို ပြောသည်။
“လောလောဆယ်တော့ ဘာအကူအညီမှ မရဘူး။ တယောက်ကို ဆန်တစ်ပြည်၊ နှစ်ပြည် အဲသလောက်ပဲ ကျနော်တို့တွေ ပေး နိုင်တယ်။ တချို့ကလည်း ဘုန်းကြီးကျောင်းမှာ ထမင်းသွားစားရတာပေါ့။”ဟု သူက ဆိုသည်။
ပြီးခဲ့သည့် ဇူလိုင်လကုန်ပိုင်းတွင် ဒီကေဘီအေအဖြစ် ပြန်လည် ရပ်တည်ခဲ့သော နယ်ခြားစောင့်တပ်ဖွဲ့နှင့် ကျန်ရှိနေသည့် နယ် ခြားစောင့်တပ်ဖွဲ့ဝင်တို့အကြား ဖြစ်ပွားခဲ့သည့် လက်နက်ကိုင်ပဋိပက္ခကြောင့် ယော်ပို၊ တကွီကလား၊ ကမားထာ၊ ပနွယ့်သာက လား စသည့်ကျေးရွာမှ ရွာသူရွာသားများမှာ နယ်စပ်သို့ ထွက်ပြေးတိမ်းရှောင်နေကြခြင်း ဖြစ်သည်။
အဆိုပါ စစ်ပြေးဒုက္ခသည်များသည် မဲ့သဝေါကျေးရွာရှိ နီးစပ်ရာ အသိ၊ ဆွေမျိုးများအိမ်တွင် ခိုလှုံလျှက်ရှိပြီး ယခုအချိန်တွင် မိုး ဆက်တိုက် ရွာသွန်းမှုကြောင့် ငှက်ဖျားရောဂါ ဖြစ်ပွားလျှက်ရှိသည်ဟု ဆေးမှူးစောပေါခလာက ပြောသည်။
သူက “ထွက်ပြေးလာတဲ့ ရွာသားတွေကော၊ ဒီမှာရှိတဲ့ ရွာသားတွေပါ ဒီကေဘီအေ တပ်မှူးတပ်သားတွေ ငှက်ဖျားတော်တော် ဖြစ်ကြတယ်။ ရိုးရိုးငှက်ဖျားမျိုး မဟုတ်ဘူး။ အပြင်းဆုံး ငှက်ဖျားပိုး အမျိုးအစားတွေ အဖြစ်များတာ တွေ့ရတယ်။”ဟု ၎င်းက ဆက်ပြောသည်။
၎င်းရွာသူရွာသားများအား မြန်မာနိုင်ငံဆေးပညာရှင်များအသင်း (Burma Medical Association) က လိုအပ်သည့် ဆေးဝါးကု သမှုများကို လုံလောက်စွာ ထောက်ပံ့ပေးလျှက်ရှိသည်ဟု BMA Program Director စောနေထူးက ပြောသည်။
ထို့အပြင် ပစ်ခတ်မှုများကြောင့် မယ့်ကွီးထာ့၊ လော်ပူ၊ ၀ဲပျာ့၊ ၀ါ့တမူ့၊ မဲ့ဆေ၊ မဲ့လော်ထာ့၊ ထီးလာနဲ၊ ယော်ပို၊ တကွီကလား၊ တရေဖိုးကွီး၊ ကမားထာ့၊ ကွီးလေး၊ ပနွယ့်သာကလား(ရွာသစ်)၊ ထီးပယ်ကျေးရွာများမှ စာသင်ကျောင်း ၁၄ကျောင်း ပိတ်ပစ်ခဲ့ရ သလို လာမည့် ပွင့်လင်းရာသီတွင် ပစ်ခတ်မှုများ ပိုမို ပြင်းထန်လာနိုင်သဖြင့် ဒေသခံရွာသူရွာသားများ နယ်စပ်ဘက်ခြမ်းသို့ ထပ်မံ ထွက်ပြေးရောက်ရှိလာနိုင်သည်ဟု နယ်စပ်အခြေအနေ စောင့်ကြည့်သူများက ပြောဆိုနေကြသည်။
မယ်ရာမိုအိမ်ခြေ ၄၀၀ကျော်အထိ ထပ်မံရေမြှုပ် သွားရောက်ကူညီရန် ခက်ခဲနေ
နန်းသူးလေ(ကေအိုင်စီ)
ထိုင်းနိုင်ငံ မယ်ဟောင်ဆောင်ခရိုင်ရှိ မယ်ရာမိုဒုက္ခသည်စခန်းတွင် ရေလွှမ်းမိုးမှုကြီးမားလာပြီး ယနေ့တွင် လူနေအိမ်ခြေ ၄၀၀ ကျော် အထိ ရေနစ်မြှုပ်မှုတိုး လာသော်လည်း ရေဘေးဒုက္ခသည်များကို သွားရောက်ကူညီရန် သွားလာရေး အဆင်မပြေဘဲ ခက်ခဲလျှက်ရှိသည်ဟု ကရင်ဒုက္ခသည်ကော်မတီ(KRC)က ပြောသည်။
မဲ့စရင်းရှိ ကရင်ဒုက္ခသည်ကော်မတီရုံးမှ စောတူးတူးက “ရေက မလျော့ဘဲ တက်လာတော့ အိမ်တွေက ၄၀၀ကျော်အထိ ရေ မြှုပ်လာတယ်။ ဒုက္ခသည်တွေကို သွားကူညီဖို့ တာလပတ်တွေ TBBC က လာပေးထားပေမဲ့ သယ်ယူပြီး သွားပို့ဖို့က လမ်းမှာ လည်း သစ်ကိုင်းကျိုး လမ်းပိတ်နေတာကြောင့် သွားရခက်နေသေးတယ်။”ဟု ဆိုသည်။
အလားတူ မယ်ရာမိုစခန်းနှင့် ၁၅ကီလိုမီတာ ကွာဝေးသည့် မယ်လအူးဒုက္ခသည်စခန်းတွင်လည်း မှိုင်းလုံးကြီးချောင်းရေကြောင့် လူနေအိမ် ၃၉လုံးလည်း နစ်မြှုပ်သွားခဲ့ပြီး စခန်းနှစ်ခုစလုံးတွင် စာသင်ကျောင်းများကို ပိတ်ထားရသည်ဟု သိရသည်။
KRC ၀န်ထမ်းတဦးက “ဒီစခန်းနှစ်ခုက နီးနီးလေးပဲလေ။ မှိုင်းလုံးကြီး(မူယူ)ချောင်းကလည်း စခန်း ၂ခုကြားမှာရှိတော့ မယ်လ အူးဘက်မှာလည်း ချောင်းရေတက်လာပြီး အိမ် ၃၉လုံး ရေမြုပ်သွားတာ မယ်ရာမိုလောက် အခြေအနေ အရမ်းကြီးတော့ မဆိုး ဘူးပေါ့။ ဒါပေမဲ့ ကျောင်းတွေကတော့ စခန်း ၂ခုလုံး ပိတ်ထားရတယ်။”ဟု ပြောသည်။
သြဂုတ်လ ၃ရက်နေ့မှစ၍ မြင့်တက်လာသည့် အဆိုပါချောင်းရေသည် မယ်ရာမိုစခန်းရှိ ရပ်ကွက်(၇)ရပ်ကွက်မှ လူနေအိမ်များ နှင့် ရိက္ခာဆန်ဂိုဒေါင်များကို လွှမ်းမိုးသွားရာမှ ယနေ့တွင် စခန်းရှိ ခရစ်ယာန် ဘုရားရှိခိုးကျောင်း ၁လုံး ထပ်မံ ရေနစ်မြုပ်သွားပြီး ရေဘေးဒဏ်သင့် ကလေးငယ်များ၏ ပညာရေးကို ထိခိုက်ကာ ကျန်းမာရေးအတွက်လည်း စိုးရိမ်ပူပန်ရကြောင်း KRC က ပြော သည်။
ဒုက္ခသည်စခန်းနှစ်ခုကို ဖြတ်သန်းနေသည့် မှိုင်းလုံးကြီးချောင်း ရေကြီးမှုကြောင့် လူအသေအပျောက်မရှိသော်လည်း အဆိုပါ ရေဘေးဒုက္ခသည်များ၏ နေထိုင်ရေးအတွက် ယခုအချိန်တွင် အမိုးအကာများ အရေးပေါ် လိုအပ်လျှက်ရှိရာ ၎င်းတို့အား ထိုင်း-မြန်မာနိုင်ငံ နယ်စပ်တလျှောက် ကူညီစောင့်ရှောက်ရေးညွှန့်ပေါင်းအသင်း(TBBC) မှ တာလပတ် ၆၀၀ကို KRC ထံ လာရောက် ပို့ဆောင်ထားပြီးဖြစ်သည်ဟု ကေအာရ်စီက ပြောသည်။
သို့သော် ဒုက္ခသည်စခန်းသို့ သွားရောက်ပို့ဆောင် ကူညီရန်အတွက် အခက်အခဲ ရှိနေသည့်အတွက် ယနေ့တွင် အစည်းအဝေး တခု ပြုလုပ်ခဲ့သည်ဟုလည်း သိရသည်။
ထိုင်း-မြန်မာနယ်စပ်ရှိ ဒုက္ခသည်စခန်း ၉ခုတွင် ဒုက္ခသည်ဦးရေ တစ်သိန်းခွဲရှိပြီး မဲ့စရင်းမြို့နှင့် ကီလိုမီတာ ၈၀ကျော် ကွာဝေး သည့် မယ်ရာမိုဒုက္ခသည်စခန်းမှာ ၁၉၉၅ခုနှစ်၊ ဖေဖော်ဝါရီလတွင် စတင် ဖြစ်တည်လာခဲ့ပြီး လက်ရှိအချိန်တွင် လူဦးရေ ၁၇,၀၀၀ကျော်ရှိသည်။
မယ်လအူးဒုက္ခသည်စခန်းသည် ၂၀၀၄ခုနှစ်တွင် မယ်ခေါင်းခါးဒုက္ခသည်စခန်းမှ ပြောင်းရွှေ့လာခဲ့ခြင်းဖြစ်ပြီး လူဦးရေ ၁၆,၀၀၀ ကျော်ရှိကြောင်း (KRC) မှတ်တမ်းများအရ သိရသည်။
Friday, August 5, 2011
ဖားအံမြို့ပေါ် ဒုတိယအကြိမ် ရေကြီး၊ ယခုနှစ်အတွင်း အဆိုးဆုံး ဖြစ်
စောခါးစူး (ကေအိုင်စီ)
ကရင်ပြည်နယ်တွင် မိုးရက်ဆက် ရွာသွန်းမှုကြောင့် သံလွင်မြစ်ရေ လျှံလာသည့်အတွက် မြစ်နံဘေးရှိ ဖားအံမြို့ပေါ်တွင် ရေကြီးမှု ဖြစ်ပွားနေရာ မြို့ပေါ် ရပ်ကွက် ၈ရပ်ကွက်တွင် ရေလွှမ်းမိုးမှုဒဏ်နှင့် ရင်ဆိုင်နေရသည်ဟု ဒေသခံများက ပြောသည်။
ဖားအံ မြို့ခံတဦးက “မြေနိမ့်ပိုင်းရပ်ကွက်တွေ ရပ်ကွက်တခုလုံး နီးပါး မြုပ်တယ်။ ရေဘယ်လောက်ကြီးလဲဆိုရင် မြေနိမ့်ပိုင်းမှာရှိတဲ့ အမှတ်(၅)ရပ်ကွက်မှာဆို ရေက အိမ်ခေါင်မိုးလောက် ရှိနေပြီ။ မြို့မဈေးရဲ့အောက်ပိုင်းတပိုင်းလုံးလည်း မြုပ်သွားပြီ။ အမှတ်(၆)ရပ် ကွက် တခုပဲ လွတ်တယ်။”ဟု ကရင်သတင်းဌာနကို ပြောသည်။
ဖားအံမြို့တွင် ယခင်လ တတိယအပတ်အတွင်း၌လည်း ပထမအကြိမ် မြစ်ရေလျှံခြင်း ဖြစ်ပွားခဲ့သော်လည်း ယခုတစ်ကြိမ်ကဲ့သို့ အိမ်ခေါင်မိုးထိ ရေလျှံမတက်ခဲ့ပေ။
ကားလမ်းတချို့အပေါ်လည်း ရေလွှမ်းမိုးလာသဖြင့် လမ်းတွေ ပိတ်ထားရသည်။ ရေလွတ်ရာသို့ ပြောင်းရွှေ့နေထိုင်ကြရသူ အရေအတွက် အနည်းဆုံး တစ်ထောင်ကျော်ရှိသည်ဟု သိရသည်။
ရေဘေးဒုက္ခသည်များသည် ဖားအံမြို့ အထက အမှတ်(၁)၊ အောင်သံလွင် ပြည်နယ်အားကစားကွင်းနှင့် လေသာဘုန်းကြီးကျောင်း တို့တွင် ရွှေ့ပြောင်းနေထိုင်နေကြရသည်ဟု ဖားအံမြို့ အမှတ်(၂)ရပ်ကွက်မှ အမျိုးသမီးတဦးက ပြောသည်။ ထို့အပြင် “ရေတက် လာတော့ ပြီးခဲ့တဲ့ နှစ်ရက်ကစလို့ မြို့က စာသင်ကျောင်းတွေနဲ့ ကွန်ပျူတာ တက္ကသိုလ်ကို ယာယီပိတ်ထားရတယ်။”ဟု ၎င်းက ပြောသည်။
ဖားအံမြို့ အစိုးရအာဏာပိုင်များက ရေဘေးဒုက္ခသည်များကို တဦးလျှင် ဆန် ၂ဗူးနှုန်းဖြင့် ဝေပေးခဲ့ပြီး ခရစ်ယာန်ဘုရားကျောင်းက လည်း ဆန်အိတ် (၅၀) လှူဒါန်းသည်ဟု ဖားအံမြို့ဒေသခံများက ပြောသည်။
ထို့အပြင် မြို့မဈေးရှိ ဈေးသည်များမှာ မြေမြင့်ပိုင်းရှိရာ မြို့ကားလမ်းမပေါ်ဘက်ကို ပြောင်းရွှေ့ရကာ ရေနက်သည့်နေရာများတွင် လှေဖြင့် သွားလာနေရသည်။
ရပ်ကွက် တစ်ရပ်ကွက်လျှင် အိမ်ခြေတစ်ရာကျော်မှ ငါးရာကျော်ရှိသည့် ဖားအံမြို့၌ အချို့ရပ်ကွက်များမှာ အိမ်ခေါင်မိုးအထိ ရေ လွှမ်းမိုးများ ရှိခဲ့သော်လည်း လူများ ထိခိုက်ဒဏ်ရာရမှု ရှိသည်ဟု မကြားသိရသေးပေ။
ကရင်ပြည်နယ် သံလွင်မြစ်ရေ၏ စိုးရိမ်ရေမှတ်မှာ ၇၅၀ စင်တီမီတာရှိသည်ဟု ဆိုသော်လည်း ယနေ့တွင်မူ ၈၆၉ စင်တီမီတာထိ မြစ်ရေ မြင့်တက်သွားသည်ဟု မြန်မာအစိုးရ၏ မိုးလေ၀သနှင့် ဇလဗေဒ ညွှန်ကြားမှု ဦးစီးဌာနမှ သတင်းထုတ်ပြန်ထားသည်။
Monday, August 1, 2011
ပစ်ခတ်မှုများကြောင့် စာသင်ကျောင်း ၁၀ကျော် ပိတ်ပစ်လိုက်ရ
ဇူလိုင် ၃၀ရက်။ စောသိန်းမြင့် (ကေအိုင်စီ)
ကရင်နယ်ခြားစောင့်တပ် ခွဲထွက်အဖွဲ့နှင့် လက်ကျန် နယ်ခြားစောင့်တပ်ဖွဲ့တို့အကြား တိုက်ပွဲ ဖြစ်ပွားမှုကြောင့် ကရင်ပြည်နယ်၊ လှိုင်းဘွဲမြို့နယ်ရှိ စာသင်ကျောင်း ၁၄လုံးကျော် ပိတ်ပစ်လိုက်ရသည်ဟု ကရင်ကျောင်းဆရာများသမဂ္ဂ(KTWG) ၀က်ဘ်ဆိုက် စာ မျက်နှာတွင် ယမန်နေ့က ဖော်ပြခဲ့သည်။
အဆိုပါ တပ်ဖွဲ့ဝင်များ နေ့စဉ်ရက်ဆက် ပစ်ခတ်မှုဖြစ်ပွားသဖြင့် လှိုင်းဘွဲမြို့နယ်ရှိ မယ့်ကွီးထာ၊ လော်ပူ၊ ၀ဲပျာ့၊ ၀ါ့တမူ့၊ မဲ့ဆေ၊ မဲ့ လော်ထာ၊ ထီးလာနဲ၊ ယော်ပို၊ တကွီကလား၊ သရေဖိုးကွီး၊ ကမားထာ၊ ကွီးလေး၊ ပနွယ့်သာကလား(ရွာသစ်)၊ ထီးပယ် စသည့်ကျေး ရွာများမှ စာသင်ကျောင်းအားလုံး ပိတ်ပစ်လိုက်ရသည်ဟု ဒီကေဘီအေအဖြစ် ပြန်လည်ရပ်တည်နေသည့် ခွဲထွက် နယ်ခြားစောင့် တပ်မှ ဆေးမှူးတဦးက KTWG ကို ပြောသည်။
ဒီကေဘီအေ ဆေးမှူး စောပေါ်ခလာက “နယ်ခြားစောင့်တပ်တွေက မြင့်တဲ့နေရာကို တက်နေပြီးတော့ သူတို့ စိတ်မချရတဲ့နေရာဆို လက်နက်ကြီးတွေနဲ့ လိုက်လံပစ်ခတ်တဲ့အတွက် လူနေအိမ်တချို့ကို ထိတယ်။ ရွာသူရွာသားတွေ ကြောက်လန့်ကြတဲ့အတွက် အခြားနေရာကို ရှောင်တိမ်းသွားကုန်တော့ ကျောင်းတွေလည်း အကုန်လုံး ပိတ်ပစ်လိုက်ရတယ်။”ဟု ပြောသည်။
ထိုသို့ ခွဲထွက်သွားသည့် နယ်ခြားစောင့်တပ်ဖွဲ့ကို (၁၀၁၂)တပ်ရင်းမှူး ဗိုလ်မှူးစောဘိက ဦးစီးလျှက်ရှိပြီး တပ်အင်အား ၁,၀၀၀ ကျော် ရှိသည်။
ထို့အပြင် ပစ်ခတ်မှုများကြောင့် ကျောင်းသားမိဘ အများစုသည် ၎င်းတို့၏ ကလေးများအား ကျောင်းဆက်မထားတော့ဘဲ အပြီးအ ပိုင် ကျောင်းထုတ်ပစ်ကာ ၎င်းတို့ပြောင်းရွှေ့ရာ နေရာများသို့ တပါတည်း ခေါ်ဆောင်သွားကြောင်း စောပေါ်ခလာက ပြောသည်။
ခွဲထွက် BGF တပ်ဖွဲ့၏ ဇနီးတဦးက “ကျမ အမျိုးသားက နယ်ခြားစောင့်တပ်ကနေ ခွဲထွက်သွားကတည်းက ကျမကလေးတွေကို ကျောင်းထုတ်လိုက်တယ်။ ကလေးတွေကတော့ အသက်အန္တရာယ် ဘယ်လောက်အထိ စိုးရိမ်ရလဲဆိုတာ ဘာမှမသိကြရှာပါဘူး။” ဟု ပြောသည်။
ပညာတက်ရင်း ကျောင်းထွက်လိုက်ရသည့် မြိုင်ကြီးငူမှ ၇တန်းကျောင်းသူ နော်ဘလယ်ဘလယ်က “ကျောင်းက စာအတူသင်ရတဲ့ သူငယ်ချင်းကို အရမ်းသတိရတာပဲ။ အခု သူတို့တွေ ဘယ်ကို ရောက်နေပြီလဲ မသိတော့ဘူး။ စာသင်ရသေးလားတော့ သမီး မသိ ဘူး။ သူတို့တွေနဲ့အတူ ကျောင်းပြန်တက်နိုင်ဖို့ သမီးမျှော်လင့်ပါတယ်။”ဟု ဆိုသည်။
၎င်းပစ်ခတ်မှုများကြောင့် ထိုဒေသရှိ ဒေသခံရွာသားတချို့သည် ၎င်းတို့ နေရပ်ကိုစွန့်ခွာ၍ ထိုင်း-မြန်မာနယ်စပ် မဲ့သဝေါကျေးရွာ တနေရာတွင် ရောက်ရှိလာပြီး ယခုလ ၂၅ရက်နေ့အထိဆိုလျှင် ရွာသူရွာသား ၁၀၀ဦးကျော်ရှိသည်ဟု သိရသည်။
